týsdagur 12. juni 2018síða 38

HM-BLAÐIÐ HJÁ SOSIALINUM 14 DANMARK hevur verið við í HM fýra ferðir áður. Besta úrslitið fingu teir í 1998, tá ið teir taptu tepurt ímóti Brasilia í fjórðingsfinaluni. Tvær ferðirnar ruku teir í 1/8-finaluni, og bara einaferð (2010) komu teir ikki víðari úr bólkinum. Ikki færri enn 14 ferðir áður hevur FRAKLAND verið við í HM. Tað er blivið til gull í 1998, silvur í 2006 og bronsu í 1958 og 1986. Seinast taptu teir fjórðingsfinaluna ímóti Týsklandi. Hetta er fimtu ferð, at AVSTRALIA er við í HM. Bara einaferð (2006) eydnaðist tað at koma víðari úr bólkinum, og tá bleiv tað til eitt tap í 1/8-finaluni. Í 2014 taptu teir allar tríggjar dystirnar. PERU hevur verið við til HM fýra ferðir (1930, 1970, 1978 og 1982). Besta úrslitið var í 1970, tá ið teir komu í fjórðings­ finaluna. Í 1978 komu teir til millumspælið, og í 1930 og 1982 ruku teir út í bólkinum. EIN DOPINGDÓMUR HEVUR GJØRT HM-LUTTØKUNA HJÁ PERUVIANSKA LIÐSKIPARANUM, PAOLO GUERRERO, MEIRA ENN IVASAMA, MEN BARA TVÆR VIKUR ÁÐRENN HM SETTI EIN SVEISISKUR DÓMSTÓLUR AVGERÐINI HJÁ CAS Á STANDBY, OG HARVIÐ ER FRØIN Í PERU STÓR, NÚ ÁLOPSHETJAN AFTUR SLEPPUR AT VERA VIÐ Á LANDSLIÐNUM V it leita aftur til tann 5. oktobur 2017. Staðið er La Bombonera leikvøllurin í Buenos Aires, har Argentina tekur ímóti Peru. Saman við Kili og Paraguay stríðast júst hesi bæði londini um at røkka einum 4. ella 5. plássi í suðuramerikansku undan­ kapp­ingini, har annað av plássunum gevur beinleiðis atgongd til HM, meðan hitt gevur ein playoff dyst. Á liðnum hjá gestunum úr Peru gongur Paolo Guerrero sum tann fyrsti inn á vøllin. 34 ára gamli liðskiparin, sum eitt skifti spældi í Bayern München, hevur í sínum 87 lands­dystum skotið 34 mál, og í heim­ landinum hevur hann langt síðani vunnið sær hetjustatus fyri sínar dygdir á fót­ bólts­vøllinum. Hetta kvøldið á La Bombonera er hann við til at verja ein sera týdningarmiklan málleysan javnleik í hús. Tríggjar dagar seinni gongur sami Guerrero aftur á odda, tá Peru spælir 1-1 á heimavølli móti Kolumbia. Liðskiparin spælir ein høvuðs­ leiklut í dystinum, tá hann við 10 minuttum eftir við støðuna 1-0 til Kolumbia skal skjóta fríspark stutt uttan fyri brotsteigin. Talan er um óbeinleiðis fríspark, men Guerrero velur hóast hetta at smekka til móti mál­inum. Málmaðurin hjá Kolumbia hevur hondina á bóltinum á veg inn í málið, og harvið verður málið skrásett sum sjálv­mál. Í Peru er eingin tó í iva um, at Guerrero átti málið, sum tryggjaði Playoff-dystir­nar móti Ný Sælandi. Hesar báðar dystir­nar vann Peru sannførandi, og har­við skal Peru taka lut í HM fyri fyrstu ferð í 36 ár. Tað var tó uttan Guerrero, at Peru vann avgerandi dystirnar móti Ný Sælandi. Seinastu dystirnir í suðuramerikansku undankappingini fingu nevniliga eitt keðiligt eftirspæl fyri liðskiparin hjá Peru. TIKIN FYRI DOPING Stutt eftir teir báðar landsdystirnar ímóti Argentina og Kolumbia kom tað fram, at Paolo Guerrero varð testaður positiv­ur fyri at hava nýtt ólógliga evnið kokain í dyst­ inum móti Argentina. Hann bleiv dømdur leik­bann í eitt ár, og hetta gjørdist byrjanin til eitt langt stríð fyri bæði Guerrero og tað peruvianska fótbóltssambandið. Dómurin bleiv kærdur alt fyri eitt, og eydnan var við teimum. Ein kærumyndugleiki hjá FIFA valdi at hálvera leikbanni, men gleðin var stokkut. Málið bleiv kært víðari til altjóða ítróttar­dómstólin, CAS, sum í mai mánaði longdi um upprunaliga dómin, soleiðis at Guerrero nú bleiv dømdur leikbann í 14 mán­aðir, sjálvt um CAS í dóminum stað­ festi, at Guerrero hevði tikið hetta av mis­ gávum og ikki hevði til endamáls at vinna sær nakrar fyrimunir á vøllinum. Peru kempaði tó víðari fyri at fáa teirra hetju klára til HM, og tann 31. mai – bert tvær vikur áðrenn fyrsta HM-dystin – setti ein dómstólur í Sveis leikbanni á standby, meðan HM-endaspælið verður spælt. Tríggjar dagar seinni var Guerrero við aftur landsliðnum í vinardysti móti Saudi Arabia. Peru vann 3-0, og liðskiparin fekk tvey av málunum. – Tað var ein ógvuliga kensluborin dagur fyri hann, fyri hansara liðfelagar, fyri allar áskoðararnar og fyri hansara familju, og eg eri sera fegin, segði lands­liðs­venj­ arin Ricardo Gareca sambært Reuters eftir lands­dystin móti Saudi Arabia. Peru er í bólki C saman við Fraklandi, Dan­mark og Avstralia. Frakland er stór­ favo­rittur at koma víðari úr bólkinum, meðan hini trý londini at síggja til skulu kapp­ast um 2. plássið. LIÐSKIPARIN ER KLÁRUR HÓAST DOPINGDÓM Hvørjar vónir hevur tú fyri Danmark í bólkinum? – Eg vænti púra víst, at Danmark vinnur seg víðari sum nummar tvey í bólkinum, og eg vænti Danmark fer at vísa seg sum eitt meira stabilt lið enn teir hava víst higartil. Hvussu langt kann Danmark røkka í HM-enda­spælinum? – Uha hatta er ein torførur spurningur. Eg vil siga, at teir mugu yvirraska um teir skulu vinna seg víðari frá áttandaparts­ finalunum. Stórur møguleiki er fyri, at teir møta Argentina sum væntandi blívur nummar 1 í bólki D. Eg meti, at Frakland sum er í okkara bólki, og Argentina eru bæði sterkari enn Danmark, so eg vænti ikki, at Danmark slær besta avrikið sum var fjórðingsfinalan í HM-endaspælinum í 1998. Men ein skal aldrin siga aldrin. Hvør væntar tú vinnur HM? – Brasil. Tað hevur verið nær og næstan hjá teimum fleiri ferðir, og teir hava vunnið fimm HM-heiti higartil, og er mest vinnandi landið. Nú eru teir yngru hjá Brasil blivnir eldri, og eru meira rutineraðir, og teir hava vunnið steyp við sínum felagsliðum, og síggja tí veruliga sterkir út. Brasil fær tað tó torført um teir møta Týsklandi. „DANMARK FER AT VÍSA SEG SUM EITT MEIRA STABILT LIÐ ENN TEIR HAVA VÍST HIGARTIL“ SEBASTIAN PINGEL, DANMARK: BÓLKUR C 34 ára gamli liðskiparin hjá Peru, Paolo Guerrero, skorar her eitt av tveimum málum í vinardysti móti Saudi Arabia, bert tríggjar dagar eftir at doping­leikbannið hjá honum var sett á standby.