týsdagur 12. juni 2018síða 42

HM-BLAÐIÐ HJÁ SOSIALINUM 18 Tvær ferðir áður hevur ARGENTINA verið heimstari. Í 1978 við Mario Kempes á odda og í 1986 við Diego Maradona á odda. Teir eru harnæst blivnir nummar tvey tríggjar ferðir (1930, 1990 og 2014). Síðani skilnaðin frá Jugoslavia í 1991 hevur KROATIA verið við til HM fýra ferðir. Í 2002, 2006 og 2014 ruku teir úr bólkaspælinum, men í 1998 vann Kroatia, við Boban og Suker á liðnum, bronsu. ÍSLAND er við í HM fyri fyrstuferð. Teir vóru tætt við at spæla seg til HM í 2014, tá ið teir taptu playoff-dystirnar ímóti Kroatia samanlagt 2-0. Í EM í 2016 komu teir tó heilt til fjórðingsfinaluna. NIGERIA var við í HM fyrstuferð í 1994, og hava verið við hvørjaferð síðani – burtursæð frá í 2006. Super Eagles, sum teir eisini verða nevndir, hava verið í 1/8-finaluni tríggjar ferðir (1994, 1998 og 2014) 26 ÁRA GAMLI ANDREJ KRAMARIC NOKTAÐI Í UNGUM ALDRI AT SKRIVA UNDIR EIN PERSÓNLIGAN SÁTTMÁLA VIÐ FORSETAN Í DINAMO ZAGREB, SUM Í DAG ER ÁKÆRDUR FYRI MUTUR. HANN STÓÐ FAST VIÐ SÍNI PRINSIPPIR, MEN VEGURIN ÚT Í EVROPA BLEIV AV TÍ SAMA TRUPLARI A ndrej Kramaric er høgt virdur í heimlandinum, Kroatia. Hann er ikki tann størsta stjørnan á landsliðnum og hevur ei held­ ur havt tað mest lýsandi yrkisleiðina. Hann hevur heldur ikki av álvara sligið sítt navn fast á kroatiska landsliðnum, men hóast hetta so elska áskoðararnir hann, tí at hann á sín egna hátt hevur stríðst ímóti mutri í heimlandinum. Eitt stríð, sum í nógvar mátar hevur kompliserað yrkisleið hans­ara. STRÍDDIST MÓTI FORSETANUM 26 ára gamli Kramaric er uppvaksin í Zagreb, og longu sum 6 ára gamal byrj­ aði hann at leika ungdómsfótbólt fyri stór­felagið Dinamo Zagreb, sum hann og familjan eisini stuðlaðu. Kramaric var ein sera evnaríkur áleypari, og sambært hon­ um sjálvum hevur hann skotið heili 452 mál í ungdómsdeildunum fyri Dinamo. Nógvu málini gjørdu, at forsetin í felag­ num, Zdravko Mamic, fekk eyguni upp fyri Kramaric og vildi hava hann at skriva undir ein persónligan sáttmála við felagið. Ein sáttmáli, sum m.a. innibar, at forsetin sjálvur fekk ein stóran part av lønini hjá Kramaric, umframt at felagið – og harvið forsetin sjálvur – fekk stórar fyrimunir peningaliga av víðari sølu av leikaranum. Zdravko Mamic var um hetta mundi helst maktfullasti persónurin í kroatiskum fótbólti, og tað var ikki vanligt, at ungir leikarar tordu ella megnaðu at nokta fyri at skriva undir ein slíkan sáttmala, men tað gjørdi Andrej Kramaric. Eisini hóast Zdravko Mamic ferð aftaná ferð royndi at lokka bæði Kramaric sjálvan og familju hansara við pengum og øðrum ágóðum. UMVEG ÚT Í EVROPA Sjálvt um Andrej Kramaric ikki vildi skriva undir ein persónligan sáttmála við Mamic, so fekk hann hóast hetta eina lovandi byrjan upp á yrkisleiðina í Dinamo Zagreb. Trupulleikin hjá honum var bara, at felagið nýtti eitt hvørt høvi til at seta hann á beinkin og til at leiga hann út. Tað var týðiligt, at venjararnir í felagnum favo­ riseraðu aðrar leikarar. Men Kramaric vildi ikki geva seg í stríðnum at fáa eina rættvísa viðferð. Í 2013 fór hann til fjølmiðlarnar og kærdi seg um manglandi spælitíð, samstundis sum pápi hansara rak framundir, at hetta komst av, at Kramaric ongantíð hevði viljað skrivað undir ein persónligan sátt­mála við Mamic. Endin var, at Kramaric bleiv seldur til Rijeka, har hann skoraði ávika­vist 27 og 28 mál í tveimum teimum fyrstu kappingarárunum. Hann bleiv síðani seldur til Leicester í Onglandi, har hann ongantíð sló til, men í dag spælir hann í Hoffenheim í Týsklandi, har hann næstseinasta kapp­ingarár bleiv vald­ur til ársins leikara í felag­ num, meðan hann í júst farna kappingarári endaði á ársins liði hjá stóra týska blaðnum, Kicker. Zdravko Mamic er hinvegin ákærdur fyri mutur, meðan aðrir leikarar, sum eftir øllum at døma hava skrivað undir líknandi persónligar sáttmálar, eru ákærdir fyri at hava givið falska frágreiðing undir ei fyri at verja máttmikla forsetan. Av hesum kann nevnast Luka Modric. ARGENTINA ER FAVORITTUR Kroatia er enda í bólki D saman við Argen­ tina, Nigeria og Íslandi. Av mongum verður hesin bólkurin mettur sum tann sterkasti bólkurin við hetta endaspælið. Tað er tó eingin ivi um, at Argentina við Lionel Messi á odda er stórfavorittur at vinna bólkin, meðan Kroatia helst tykist vera besta boðið uppá eitt lið, sum skal fylgja Argentina víðari úr bólkinum. Men bæði Ísland og Nigeria verða mett at hava hampiligan møguleika at spæla seg víð­ari. Tað er eisini vert at nevna, at fyri júst ein­um ári síðani, tann 11. juni í 2017, vann Ísland 1-0 á heima­ vølli í lykladysti ímóti júst Kroatia á veg­ num til HM. VÁGAÐI YRKIS­ LEIÐINA FYRI SÍNI PRINSIPPIR Hvørjar vónir hevur tú fyri Íslandi í bólki D? – Mínar vónir fyri, at Ísland kemur víðari eru 50/50. Um allir spælararnir hjá Íslandi verða klárir og tøkir, so ivist eg ikki í, at vit koma víðari (Liðskiparin, Aron Gunnars­son er ikki ordiliga klárur enn). Hvussu langt kann Ísland røkka í HM-endaspælinum? – Um vit vinna okkum víðari úr bólkinum so skulu vit møta Fraklandi, Danmark ella Peru, og har síggi eg ein góðan møguleika at vinna. So eg fari at siga, at vit røkka fjórðingsfinaluni, júst sum vit gjørdu í EM- endaspælinum í Fraklandi í 2016. Hvør væntar tú vinnur HM? – Har eru nógvir um boðið. Týskland, Brasil, Spania, Frakland og Argentina. Eg vóni Argentina vinnur, men eg vænti, at Týskland fer avstað við HM-steyp­inum. Týskarar hava alt sum krevst til at vinna enn eina ferð. Sum enska landsliðs­ legendan, Gary Lineker segði á sinni: „Fótbóltur er eitt spæl, har 11 mans eru á hvørjum liði, og tað endar við, at Týskland vinnur.“ „MÍNAR VÓNIR FYRI, AT ÍSLAND KEMUR VÍÐARI ERU 50/50“ GUÐMUNDUR GUÐMUNDSSON, ÍSLAND: BÓLKUR D