týsdagur 12. juni 2018síða 50

HM-BLAÐIÐ HJÁ SOSIALINUM 26 BRASILIA hevur verið heimsmeistari fimm ferðir (1958, 1962, 1970, 1994 og 2002). Tað er meira enn nakað annað land hevur megnað. Brasilia er harumframt tað einasta landið, ið hevur verið við í øllum 21 HM-endaspølunum. SVEIS hevur verið við í HM níggju ferðir. Bestu úrslitini hava verið fjórðingsfinalur – heili tríggjar ferðir (1934, 1938 og 1954). Teir hava eisini verið í 1/8-finaluni nakrar ferðir – eitt nú í 2014, men av­ bjóð­ingin er altso at koma framvið fjórðingsfinaluni. KOSTA RIKA hevur luttikið í HM fýra ferðir (1990, 2002, 2006 og 2014). Besta úrslitið var í HM í 2014, tá ið teir komu víðari úr bólkinum og vunnu Grikkaland í 1/8-finaluni, men taptu fjórðingsfinaluna ímóti Hollandi. SERBIA hevur bara luttikið í HM einaferð sum sjálstøðugt land. Hetta var í 2010. Hóast teir megnaðu at vinna á Týsklandi, so taptu teir ímóti Gana og Avstralia og ruku harvið úr bólkaspælinum. T að munnu vera fáir spælarar í HM, sum hava upplivað eina slíka kollvelting í lívinum sum Gabriel Jesus hjá Brasilia hevur. Eftir ein fátæks­ligan uppvøkstur tjenar hann nú eina slíka rúgvu, sum tey flestu bara kunnu droyma um at tjena, og so er hann ein av teimum útvaldu at umboða tað fótbólts­ glaða Brasil. Hann er uppvaksin í Jardim Peri, sum er ein sokallað 'favela', ein fátækur býling­ ur, í útkantinum av stórbýnum São Paulo. Sum barn spældi hann mest gøtu­fótbólt, men sum 13 ára gamal fór hann at spæla meira skipaðan fótbólt við lítla felag­num Anhanguera. Evnini vóru eyð­sýnd, og trý ár seinni slapp hann upp í part í ungdóms­ deildini hjá stórfelagnum Palmeiras. Tað var tó ikki altíð lætt hjá tí unga og kvika Gabriel. Familja hansara átti ikki nógvar pengar, og tað var ikki altíð hann hevði nóg mikið til buss at fara til venjing við. Tískil kom tað javnan fyri, at hann mátti ganga teir tríggjar kilometrarnar til venj­ing í sandalum. Fyri at tjena sær nøkur oyru, sum hann tó oftast brúkti til góðgæti, málaði hann eitt nú á gøtunum fram undir HM í heim­ land­inum í 2014, men júst hetta árstalið, 2014, skuldi vísa seg at gerast byrjanin til dreyma­leiðina sum yrkis­spælari. DREYMURIN Tað var nevniliga í 2014, at Gabriel skeyt heili 37 mál í 22 dystum fyri Palmeiras í meist­araheitinum í landslutinum, har liðið spælir. Góða avrikið vakti ans í brasilskum fótbólti, og árið eftir varð hann innlimaður í besta hópin hjá Palmeiras. Hann vísti eisini mál­ tev ímillum teir vaksnu, og hetta skapti áhuga frá øðrum feløgum fyri unga áleyparanum, sum í 2017 varð seldur til enska stórfelagið, Man­chester City. Prís­urin var 245 milliónir krónur, og nú tjenar Gabriel Jesus 760.000 krónur um vikuna. Hann tók alt fyri eitt av møgu­ leikanum í Manchester City, har hann nú hevur skot­ið 20 mál í 39 dystum. Fyri at klára stóru um­ broyt­ingina at flyta til Onglands hevði hann tveir barndómsvinir, Higor og Fabio, umframt systkina­ barnið Alan, við sær til landið. Gabriel Jesus er vorðin ein stór fyri­mynd fyri aðrar ung­ dómar í Jardim Peri. Hann hevur prógvað, at tað ber til at røkka tindin hóast for­treyt­ ir­nar ikki eru av teim­ um bestu. Sjálvur er Gabriel harmur um, at hann mátti fara úr Jardim Peri, men hetta var neyð­ugt fyri at elta dreym­ inum, og hann vitjar heim­býin so ofta hann kann. – Eg fór frá Peri, men Peri fór ongantíð frá mær, hevur hann áður sagt við brasilsk­ar miðlar. Tað verður roknað við, at 21 ára gamli Gabriel Jesus byrjar inni hjá Brasilia. Um so verður, so verður hann yngsti áleyp­arin sum byrjar inni hjá Brasilia í 60 ár. FRÁ GØTU­ MÁLARA TIL HM- STJØRNU Hvørjar vónir hevur tú fyri Serbia í bólki E? – Eg havi sera góðar vónir. Stemningurin er góður á og kring serbiska landsliðið, og liðið er rættiliga rutinerað. Serbisku landsliðsspælararnir hava havt góðar og avgerandi leiklutir í útlendsku feløgnum sum teir spæla fyri, og tað gevur góðar vónir. Hvussu langt kann Serbia røkka í HM-endaspælinum? – Tað er sera torført at gita hvat hendir aftaná bólkaspælið er liðugt. Men at Serbia kann røkka Topp 8 - fjórðingsfinalunum - er ein realistiskur møguleiki. Hvør væntar tú vinnur HM? – Eg giti HM-steypið hesaferð endar í Suðuramerika fyri fyrstu ferð síðani 2002. Eg vænti Brasil fer avstað við steypinum. „ SERBIA KANN RØKKA FJÓRÐINGS­ FINALUNUM“ MILAN CIMBUROVIC, SERBIA: BÓLKUR E FYRI FÝRA ÁRUM SÍÐANI MÁLAÐI HANN GØTURNAR Í EINUM FÁTØKUM BÝLINGI Í SÃO PAULO OG ÁTTI IKKI PENGAR TIL AT TAKA BUSSIN TIL VENJING, MEN NÚ HEVUR GABRIEL JESUS STRÍTT SEG ALLAN VEGIN TIL BYRJUNARPLÁSS Á BRASILSKA LANDSLIÐNUM OG TJENAR UPP ÍMÓTI EINARI MILLIÓN UM VIKUNA Gabriel Jesus málar á gøtunum fram undir HM í heimlandinum í 2014 Gabriel Jesus vann í ár enska meistaraheitið við Manchester City