týsdagur 12. juni 2018síða 58

HM-BLAÐIÐ HJÁ SOSIALINUM 34 BELGIA hevur verið við til HM 12 ferðir. Seinast (2014) komu teir í fjórðingsfinaluna, har teir taptu ímóti Argentina. Besta úrslitið var í 1986, tá ið teir blivu nummar fýra. PANAMA hevur ongantíð verið vil til HM áður. Teir vóru tó tætt við í 2014, tá ið teir taptu 3-2 ímóti USA eftir tvey mál ímóti sær í yvirtíðini. Fýra ár seinni tóku teir av, og nú eru teir við. Hetta verður 15. ferð, at ONGLAND verður at síggja í HM. Teir blivu heims­ meistarar heima á Wembley í 1966, men síðani tá hevur verið soltið. Í 1990 blivu teir nummar fýra. Síðani loysingina frá FRAKLANDI í 1954 hevur Tunesia verið við til HM fýra ferðir (1978, 1998, 2002 og 2006). Tað hevur ongnatíð eydnast teimum at spælt seg víðari úr bólkaspælinum. PANAMA SKRIVAÐI SØGU TANN 10. OKTOBUR Í FJØR, TÁ LANDIÐ FYRI FYRSTU FERÐ Í SØGUNI SPÆLDI SEG TIL HM- ENDA­SPÆLIÐ. Á VEGNUM RAKTI LANDSLIÐIÐ FRÁ LÍTLA LANDINUM Í MIÐAMERIKA TÓ FLEIRI SNÁVINGARSTEINAR. TANN STØRSTA, TÁ EIN AV STÓRU PROFILUNUM, AMÍLCAR HENRÍQUEZ, BLEIV MYRDUR F ótbóltur er ein stór ítróttargrein í Panama, eins og hon er í flest øll­um av grannalondunum hjá Panama. Men sjálvt um tey flestu av teimum 4 milliónunum í landinum eru glað fyri fótbólt, so hevur Panama ongan­ tíð verið tætt við at spælt seg víðari til nakað HM-endaspæl. Tá undankappingarnar til endaspælið í Russlandi byrjaðu, lá tað heldur ikki í kortunum, at Panama skuldi fara avstað við einum av teimum trimum HM-pláss­ unum fyri Norðuramerika, men júst henda undankappingini bleiv ein sannur russji­ bana­túrur hjá lítlu fótbóltstjóðini. STJØRNAN BLEIV SKOTIN Fyri bert triðju ferð av teimum seinastu átta eydnaðist tað hesa ferð Panama at spæla seg víðari til avgerandi bólkaspælið í Norður­amerikanska undankappingini, har seks lið kappast um trý pláss í HM. Liðið fekk eina góðkenda byrjan. Eftir fyrstu fýra dystir­nar lá Panama á einum 3. plássi við 5 stigum, men munurin var ikki stórur til lið­ini aftanfyri. Í Panama bleiv tað tó sæð sum eitt gott tekin, at landsliðið hevði fingið javn­leik móti USA. Men bert hálvatriðja viku eftir flotta javn­leikin móti amerikumonnum, bleiv lands­liðið rakt av einum ræðuligum sorgar­leiki. Ein av stjørnunum á liðnum. Amílcar Henríquez, sum hevði leikt 85 lands­dystir, bleiv skotin til deyðis uttan fyri heim sítt í býnum Colón. Sorgarleikurin tóktist at ávirka Panama. Næstu tríggjar dystirnar fekk liðið bara tvey stig og var nú dottið aftur á eitt 5. pláss. Tíbetur fyri Panama høvdu nærm­ astu kappingarneytarnir heldur ikki verið so neyvir, so liðið var enn bert eitt stig frá dreyminum um eitt pláss í Russ­landi. TORRES BLEIV HETJAN Tá eitt umfar manglaði av undankappingini hevði Panama enn møguleika at koma víð­ari, men møguleikin var ikki stórur. Eitt stórtap í USA gjørdi, at Panama skuldi vinna síðsta dystin á heimavølli móti Kosta Rika, samstundis sum USA skuldi tapa sín dyst á útivølli móti Trinidad og Tobago, sum lá greitt aftast í bólkinum. Í Panama frættist skjótt, at USA var komið aftur um bæði 1-0 og 2-0 í Couva í Trinidad og Tobago. Tí kom tað illa við, tá Kosta Rika brádliga legði seg á odda stutt fyri hálvleik. Panama gav tó ikki skarvin yvir. Stutt eftir steðgin javnaðu teir, men samstundis hevði USA eisini minka um munin. Hetta hevði tó lítið at siga fyri Panama, tí teir skuldu fram á vøllin at fáa eitt mál afturat. Og góðar tveir minuttir fyri leiklok bragd­aði hjá Panama, tá ein onnur av stjørn­unum, tann nú 32 ára gamli verju­ leikarin Román Torres, bankaði bóltin í málið, blakaði ta reyðu troyggjuna við 5-tal­inum á rygginum og rann runt allan vøllin í einum sonnum gleðisrúsi. Leiðslan helt á mál, og tá USA sam­ stundis ikki fekk útjavnandi málið í Trinidad gjørdist dreymurin til veruleika hjá Panama. KOMA NEYVAN VÍÐARI Sjálvt um Panama hevur skrivað søgu, skulu teir ikki vænta at koma víðari úr bólka­spæl­inum. Panama er nevniliga endað í einum krútsterkum bólki saman við Ong­landi, Belgia og Tunesia, og lítið er at ivast í, at Ongland og Belgia eru stór­ favo­rittar at spæla seg víðari úr bólkinum. FRÁ STÓRARI SORG TIL RÚSANDI GLEÐI Hvørjar vónir hevur tú fyri Tunesia í bólki G? – Eg havi ikki tær allarbestu vónirnar. Alt kann henda í fótbólti, men eg meti eitt triðja pláss verða rættiliga realistiskt. Eg vóni, at Tunesia fer at spæla góðan fót­bólt. Tunesia hevur gott álop, men teir hava tíverri ikki so góða verju. Hvussu langt kann Tunesia røkka í HM-endaspælinum? – Um Tunesia yvirraskar og vinnur seg víðari úr bólkinum, og skal møta antin Pólandi, Senegal ella Kolumbia, so gevi eg Tunesia ein góðan møguleika at vinna seg í fjórðingsfinaluna sum hevði verið eitt framúrskarandi úrslit fyri Tunesia. Hvør væntar tú vinnur HM? – Eg vænti, at Frakland vinnur, tí teir hava eitt ógvuliga gott lið. Brasil kann røkka finaluni, men eg trúgvi týskarar gerast ov stuttir hesaferð, teir eru ov gamlir nú. Vænti heldur ikki, at Portugal og Spania fara allan vegin, og Ongland dummar seg altíð. „TUNESIA HEVUR GOTT ÁLOP, MEN TEIR HAVA TÍVERRI IKKI SO GÓÐA VERJU“ MOULDI MANAI, TUNESIA: BÓLKUR G Ein av stjørnunum á Panama-liðnum, Amílcar Henríquez, sum hevði leikt 85 lands­ dystir, bleiv skotin til deyðis uttan fyri heim sítt í býnum Colón Román Torres tekur eina selfie saman við heima­ áskoð­arunum í Panama City eftir avgerandi sigurin móti Kosta Rika, har Torres sjálvur gjørdi avgerandi málið.