mánadagur 16. juli 2018síða 16

Mánadagur 16. juli 2018 · Nr. 80 16 Sosialurin Hugskot og viðmerkingar – send sms til 225000 FÓTBÓLTUR Tróndur Arge - Gundadalur B36 spældi hóskvøldið málleysan javnleik móti Titograd úr Montenegro í 1.umfari í Europa League. Í mjørkakendum veðri spældi B36 fult upp við mótstøðuliðið í fyrra hálvleiki, men tað stóð nógv á í seinna hálvleiki, tá orkan og breiddin gekk undan hjá heimaliðnum. Broytingar á liðnum Jákup á Borg, venjari hjá B36, hevur ikki hvat eitt lætt kappingrár, tá talan hevur verið um skaðar. Nú spæla loyvini eisini venjaranum eitt puss. B36 kunngjørdi fyri kortum, at Michal Przybylski er leigaður úr pólskum fótbólti. Dagin fyri dystin segði hann í samrøðu við FM1, at hann gleddi seg at sleppa at spæla móti Titograd. Men á degnum stóð Michal Przybylski ikki á listanum hjá B36, tí pappírarbeiðið ikki var avgreitt til tíðina úr pólska fótbóltssambandinum. -Tað hevði verið eitt fínt ess at havt í hondini til hendan dystin, sigur Jákup á Borg. Hartil blivu hvørki Andrias Eriksen ella Robert Heðin Brockie klárir, meðan Hannes Agnarsson helst er úti í eina tíð, eftir at hann fekk ein fiburspreingin í seinna dystinum móti St Joseph’s. Tí fekk blaðungi Ragnar Samuelsen møguleikan frá byrjan á høgra bakki. Samanlagt er talan um eitt ung lið hjá B36, tí Rói Mørk Hentze, Bjarni Petersen, Ragnar Samuelsen, Magnus H. Jacobsen, Erlendur Magnusson, Hugin Samuelsen og Gilli Samuelsen 19 ár ella yngri. Fimm teir fyrst nevndu byrjaðu inni, meðan tvíburarnir kom, Hugin og Gilli, komu inn í seinna hálvleiki. Góður fyrri hálvleikur B36 má longu í fyrsta minutti rudda vekk av strikuni eftir hornaspark. Eina løtu sær einki út, men heimaliðið fótarnar. Løtu seinni fær Meinhard E. Olsen størsta møguleikan hjá b36 í dystinum, tá Lukasz Cieslewicz spælir hann leysan. -Eg síggi at Lukasz hevur pláss at venda sær. Tá hann hevur pláss er góður til at finna røttu avleveringina, so eg rann afturum verjuna hjá teimum, sigur Meinhard E. Olsen, sum tíverri seti ov nógv á bóltin, tá hann lyfti hann upp um málverjan – og málið. Tað er minni munurin á liðunum, men til tíðir hevur B36 trupulleikar í síni høgru síðu, har miðalaldurin er lágur og royndirnar ikki eru nógvar. Tað er málleyst í hálvleikinum. Koystir í seinna hálvleiki Í fyrra hálvleiki er talan ikki um tann heilt stóra munin á dygdini, men í seinna hálvleiki broytist alt. Í fyrra hálvleiki spælir B36 við. Spælið verður sett skjótt í gongd og miðvøllurin megnar at fylgja við, men í seinna hálvleiki er tað Titograd á tí mesta. Gestirnir hava bóltin, hótta meiri, men hava alíkvæl ávísar trupulleikar av árstalsfelagnum. Tá alt kemur til alt, so var tað Titograd, sum var nærri sigrinum, men í somu løtu dómarin bríkslaði av er støðan ein onnur. Málleysur javnleikur kann tykjast sum eitt minni gott úrslit á heimavølli, men fyrsta málið hjá B36 í Montenegro – um teir fáa eitt – telur tvey. -Vit plaga at skjóta mál, so eg tað vóni eg at vit eisini klára í hitanum í Montenegro. Gera vit tað, so skulu teir hava tvey, sigur Jákup á Borg. Ferðalagið hjá B36 fór longu avstað í gjár. Venjarin hjá B36 vil hava, at hansara spælarar skulu venja seg mest møguligt við hitan. Tað er so heitt, at Titograd hevur sett dystin til at blíva spældan klokkan 21 um kvøldið. Alex og Lukasz í serflokki Avrikið hjá B36 var á góðari leið um allan vøllin. Tó skaraðu Alex Mellemgaard og Lukasz Cieslewicz burturúr. Alex Mellemgaard megnaði fleiri ferðir at halda fast í bóltinum, tá teir flestu nokk høvdu tveitt hann vekk. Hann slapp sær væl av við bóltin, men tóktist eisini vinna nógvar bóltar. Hann plaseraði seg eisini rætt, tá gestirnir royndu at spæla upp um hann. Lukasz Cieslewicz er aftur í gamla lagnum, har hann er allastaðni á vøllinum. Hann tykist væl fyri og vil allatíð hava bóltin. Hann er ein enn størri lyklaspælari, nú Róaldur Jakobsen er langtíðarskaddur. Saman við eitt nú Kaimar Saag og Meinhardi E. Olsen er nýtt lív komið í framrættaða miðvallaran. B36 hevur ein møguleika Tú stendir eftir við eini kenslu av, at Titigrad er eitt betri lið, um tú hyggur eftir kropsligu venjingini og orkuni, men tá vit bara hugsa um evnini at spæla fótbólt, so kann B36 væl gera ein vørr í Montenegro. Lykilin verður nokk, at fáa spæligferðina úr dystinum, so hitin ikki fær so stóra ávirkan. Hartil hevði tað komið væl við, um eitt nú Andrias Eriksen og Robert Heðin Brockie vóru tøkir til dystin. trondur@sosialurin.fo Fótbóltur Dysturin hesa vikuna... Europa League: UNGT OG GOTT – MEN ER TAÐ NOKK? Við fleiri blaðungum spælarum frá byrjan, gav B36 Titograd skarpan gang í ein tíma, men breiddin og orkan helt ikki til meir. Nú skal B36 spæla í kókandi hita í Montenegro, men fyrsta málið telur tvey UNGIR B36’ARAR B36 hevði fleiri ungar spælarar á vøllinum móti Titograd. Rói Mørk Hentze, Bjarni Petersen, Ragnar Samuelsen, Magnus H. Jacobsen, Erlendur Magnusson, Hugin Samuelsen og Gilli Samuelsen spældu allir ein leiklut. Teir eru allir 19 ár ella yngri.