mánadagur 16. juli 2018síða 18

Mánadagur 16. juli 2018 · Nr. 80 18 Sosialurin Hugskot og viðmerkingar – send sms til 225000 Jóannes Hansen At vinna FM kennist søtt, og at vinna bæði FM og á ólavsøku er tindurin í kappróðrinum. Setningurin at vinna á ólavsøku bíðar. Tað verður annan leygardag, at tað verður ólvasøkuaftan, tá ið punktum verður sett fyri FM kappróðurin í ár. Á vestanstevnu í Sandavági leygar­dagin tryggjaðu fimm mann­ ingar sær, at tær sum meistarar fyrireika seg til ólavsøku. Felags fyri hesar fimm mann­ ing­arnar er, at tær hava vunnið allar seks róðrarnar og harvið hava fulla úrtøku. Talan er um genturnar á Firvaldi av Tvøroyri í barnakappingini, um kvinnurnar á 5-mannafarinum Erlu Kongsdóttir úr Fuglafirði, um kvinnurnar á 6-mannafarinum Sølmundi av Glyvrum og um 8-mannafarið Argjabátin. Hesir bátarnir vunnu allir tryggar sigrar í Sandavági. Argjabáturin er undantakið mill­um nýklaktu meistararnar, sum ikki hevur fulla úrtøku. Argja­báturin var næstfremstur næstsíðsta leygardag. At hann við sigrinum leygardagin tryggjaði sær FM heitið kemst av, at tað bara eru trý 8-mannafør, sum luttaka. Tað eru fýra stig frá Árnfirðingi og fram til Argjabátin, sum á ólavsøku vinnur í hvussu so er fimm stig – um hann kemur á mál. Vinnarin fær sjey stig. Metið er nú á Argjum Argjamenn kendust vera øgiliga uppsettir leygardagin. Argjabáturin sprakk avstað, og tað eydnaðist ongan­tíð Árnfirðingi at hótta reyða bátin av Argjum. Hann var fremstur allan teinin, og á málinum var hann eina stóra hálva bátslongd undan Árnfirðingi. At Argjabáturin hevur tryggjað sær FM heitið ber við sær, at nýtt met er sett í talum á FM heitum, sum ein bátur eigur. Síðani tað í 1973 varð farið at kappast um FM eftir tí leisti, sum fram­vegis er galdandi, hevur 10-mannafarið Havnarbáturin átt metið. Tað kemst av, at Havnar­bát­ urin vann øll árini frá 1973 og fram til 1979. Eingin annar bátur vann øll árini 1973, 1974, 1975, 1976, 1977, 1978 og 1979. Tá átti Havnarbáturin metið við sjey FM heitum. Og Havnarbáturin vann FM aftur í 1990, 1991, 1996, 2001, 2004 og í 2008. Tá var mettalið hjá Havnarbátinum trettan. Síðani hevur Havnarbáturin ikki vunnið FM. Síðstu tíggju árini hava harvið verið tey lakastu hjá sigurs­vanda 10-mannafarinum. Okkurt árið hevur Havnarbáturin ikki luttikið. Tað hevur hann gjørt tey síðstu árini, og gongdin hesar seinastu róðrarnar hjá Havnar­bátinum og ikki minst hjá smærru bátunum hjá Havnar Róðr­ar­felag kundi bent á, at tað aftur fara at verða ljósari tíðir hjá Havnarbátinum, sum tí fer at fáa møgu­leikar at taka metið aftur. Í løtuni er tað Argjabáturin, sum eigur metið. Meðan Havnarbáturin lagaði sítt met frá 1973 og fram til 2008, so hevur Argjabáturin nýtt væl færri ár at vinna fjúrtan FM heiti, sum er nýggja metið. Argja Róðrarfelag varð stovnað 16. august 1982, og Argjabáturin vann fyrsta FM heitið í 1991. Níti árini vóru góð hjá Argja­ bátinum, sum vann FM í 1992, 1994, 1995, 1997 og 1998. Síðani túsund ára skiftið hevur tað eisini ligið væl fyri hjá Argja­ bátinum, sum vann FM í 2000, 2004, 2009, 2010, 2011, 2013 og aftur í 2015, tá ið Argjabáturin vann FM fyri trettandu ferð og harvið legði seg uppá síðuna av Havnarbátinum. Í 2016 vann Nevið Reyða kapp­ ingina millum 8-mannaførini, og í fjør vann Tofta Regin. Tá var tað øgi­liga spennandi á ólavsøku, tá ið tað í eina lítla løtu ljóðaði, at Argjabáturin bæði hevði vunnið ólav­søkuróðurin og FM og harvið sett nýtt FM met. Um Argjabáturin skuldi vinna FM, so vóru treytirnar, at hann vann á ólavsøku, og at Tofta Regin úr Vági ikki endaði frammanfyri numm­ar trý. Argjabáturin vann greið­an sigur, og fyrstu boðini vóru, at Árnfirðingur hevði bast Tofta Reg­ini í kappingini um næst­ fremsta pláss­ið. Tá var fagn­að­urin millum argja­fólk eyka­stórur, tí um­framt ólav­søkusigur og FM var talan um met í tali á FM heitum. So varð boðað frá, at Tofta Regin akkurát hevði vunnið á Árnfirðingi í kappingini um næstfremsta pláss­ið, og harvið var Tofta Regin meistari og ikki Argjabáturin. Nú er tað greitt, at Argjabáturin er FM vinnari, og at tað verður reyði báturin við metnógvum – fjúrtan – FM heitum, sum fer at liggja í miðjuni, tá ið 8-mannaførini ólav­søkuaftan fara at rógva. Leygarkvøldið var fagnaðurin stórur á Argjavegi, tá ið óføru mann­ingarnar komu aftur av vestanstevnu og vórðu fagnaðar í neystinum. Ormurin svaraði aftur Í fjør vann Klaksvíkingur FM í kapp­ingini millum 10-mannafør. Eftir ólavsøkusigurin vóru tað fýra stig aftur til Ormin Langa. Undan ólavsøku í ár eru tað fýra stig frá Klaksvíkingi og fram til Ormin Langa. Tað eru bara hesir báðir bátarnir, sum hava møguleika at vinna FM. Ormurin Langi kiksaði á fjarða­ stevnu í Vestmanna, tá ið Klaks­ víkingur vann, og Ormurin eisini tapti fyri Suðuroyingi. Á vestanstevnu í Sandavági var tað dramatikkur fyri allar pengar­ nar. Í startinum lógu Ormurin Langi, Suðuroyingur og Klaks­ víkingur borð um borð. Í mið­ róðrinum misti Klaksvíkingur tað mesta av einari bátslongd sammett við hinar báðar, og tá sá tað eina løtu út til, at Suðuroyingur hevði hug at leggja seg framum Ormin Langa. Hesir báðir – Suðuroyingur og Ormurin Langi – vóru stavn um stavn, men í endaspurtinum vísti tað seg, at Ormurin Langi var drúgvari enn Suðuroyingur, sum eisini misti sammett við Klaks­ vík­ing, ið rann øgiliga væl á síðstu metrunum, tá ið hann vann seg rong­ina framum Suðuroying. Havnarbáturin var akkurát undan Drekanum Reyða í kapp­ ingini um at sleppa undan aftasta plássi.   Størsta kappingin Høvuðsstaðurin eigur kappingina millum 5-mannafør við dreingjum. Innanhýsis kapping er millum bátarnar hjá Havnar Róðrarfelag – Sílið og Drekan – sum við sínum avrikum vísa, at tað av álvara er við at koma lív í aftur í Álakeri. Avbjóðarin hjá hesum báðum er Jallurin hjá Róðrarfelagnum Knørr­ ur. Á vestanstevnu var framúr kapp­ing millum hesar tríggjar bátar­nar, sum fóru skúmandi fram ímóti málinum. Sílið var aftur hesa ferð drúgvast, og vann tepran sigur. Nú er støðan soleiðis, at tann av hesum trimum, sum verður fremstur á ólavsøku, verður meistari. Fyri einum snøggum mánað síðani vann Blikur av Argjum róður­in millum 5-mannafør við gent­um. Kærur og harvið óvissa hava síðani verið um úrslitið. Eitt skifti lá umróður í kortunum, men nú hevur Ítróttardómstólurin hjá ÍSF staðfest, at tað verður ikki um­ róður. Blikur vann eisini leygardagin. Einasti avbjóðarin í FM kappingini er Tambar, sum leygardagin endaði á triðja plássi. Tað ber við sær, at FM leiðin hjá Tambar er ósløtt. Um­framt at vera frammanfyri Blik á ólavsøku skal eisini ein annar bátar vera undan Bliki og aftanfyri Tambar, um tað skal eydnast teim­ um í Knørrafelagnum at taka FM heitið frá teimum á Argjum. Í dreingjaróðrinum í barna­ kapp­ingini vann Heykur úr Hósvík á vestanstevnu. Hann var triði báturin, sum vann í ár. Fiskurin úr Vági vann fyrstu fýra ferðirnar, og Fípan Fagra vann á fjarðastevnu. Leygardagin var Fípan næstfremst, og Fiskurin endaði á triðja plássi. KAPPRÓÐUR ARGJABÁTURIN EIGUR NÚ EINSA­ MALLUR METIÐ Fimm manningar tryggjaðu sær leygardagin FM heitið, áðrenn tað ólavsøkuaftan – annan leygardag – verður sett punktum fyri hetta róðrarárið