hósdagur 19. juli 2018síða 22

FRÍGGJADAGUR 20. JULI 2018 SOSIALURIN 82 22 Vinnulívsfyritøkurnar í Klaksvík líða undir rikna politikkinum JÓGVAN VIÐ KELDU SAMSKIPARI Í VINNULÍVSRÁÐNUM Í KLAKSVÍK Tað sær ikki gott út hjá fiski­vinn­uni komandi árið og fer at raka økið nógv meinari, enn vit duga at hugsa okkum Føroyar hava nú í nøkur ár ligið og liggja framvegis á aldu­ kamb­inum við nærum ongum arbeiðs­loysi, góðum fiskiskapi, økj­andi fólkatali, hækkandi løn­ar­ út­gjaldingum og lutfalsliga góðum markn­aðprísum. Hetta hevur havt við sær, at núsit­andi landsstýri ger seg inn á vinnu­lívsfyritøkurnar, tí tað sær møgu­leikan fyri at “flyta” pening úr vinnuni og yvir í landskassan, meiri pening enn gott er. - Søgan hev­ur tó víst, at “allir dagar verða ikki sum hesir”. Tølini ræða Búskaparráðið hevur gjørt sínar met­ingar, har víst verður á, at vøksturin árini 2014-17 lá millum 6 og 7,5%, meðan roknað verður við, at hann verður 0,5% av bruttu­tjóð­ ar­inntøkuni 2018. Sambært Hagstovuna er út­ flutn­ingurin fyrstu fimm mánað­ ir­nar í 2018 sammett við 2017 lækk­ að­ur við umleið 500 mió. krónum, t.v.s. við 12% í virði og í nøgd stív­ liga 12 túsund tons ella 6%. Hetta fer at síggjast aftur í Klaks­vík, m.a. færri inntøkur hjá fyri­tøkum bæði í frumvinnuni og sum aftur ger seg inn á sekunderu vinn­urnar, sum aftur ger seg inn á lønir til skipsmanningar og arbeiðs­fólk á fiskavirkjum og øðr­ um fyritøkum við avleiddum vinn­ um, sum síðani fer at síggjast aft­ur í minkandi inntøkum í komm­unu­ kass­anum! Fyritøkurnar fána Fyri fáum døgum síðani greiddi P/f Næraberg frá í KVF, at av­ lopið í felagnum fyri árið 2017 fór frá 17,7 mió. krónum í 2016 nið­ur í 2.1 mió. krónur, hóast søl­an var 63 mió. krónur hægri, sam­stundis sum felagið rindaði 81mió. krónur í tilfeingis- og upp­boðs­sølu­gjøld­ um. Tað hevur eisini ljóðað, at “Sjúrð­arberg” hevur gjørt sín sein­ asta túr! Vit vita, at bæði P/f JFK og felagið hjá P/f Christiani í Grót­in­ um, hava havt ætlanir um ný­bygn­ ing­ar, men hava verið noyddir at út­seta vegna óstøðugar politiskar ætl­anir. Eisini vitsti portalurin hjá JN at siga nú um dagarnar, at bæði Christian í Grótinum og Norðborg rýmdu undan Eysturgrønlandi vegna fiskaloysi. Grannar byggja, Føroyar bíða Her kann leggjast afturat, at før­ oyski fiskiflotin er eldri og gamal og í mongum førum, innflyta vit eldri skip, sum grannar okkara kass­era, tí teir byggja skip í fleiri- hundrað milliónakrónaflokkinum. Alt hetta tikið samfelt, sær ikki gott út og politisku átøkini móti fiski­vinnuni koma í komandi ári at raka Klaksvík nógv meinari, enn vit duga at ímynda okkum. Tað kann tí tykjast ófatuligt, at tað eru teir føroyingar, ið ikki síggja álvaran í veruleikanum og hvussu vinnulívsfyritøkurnar í Klaksvík og gangi út frá í Eyst­ur­ oynni veruliga líða undir nú­ver­ andi viðurskiftum. Tannáringar í missión – Moldova og Albania Í døgunum 16 – 27 juli koma 22 føroyskir tannáringar at vitja í so fjarskotnum londum sum Albani­ en og Moldova. Tað gongur tó ikki altið eftir ætlan. Meiningin var, at tey skuldu fara úr Føroyum seinasta leyg­ar­ dag, 14. juli, við flogfari til Keyp­ mannahavnar, og síð­ani við flog­ fari beinleiðis úr Keyp­manna­havn ávíkavist til Albanien og Moldova. FERÐAFORINGAR Liðið, sum skuldi til Moldova, fór tó úr Føroyum til tíðina og er komið í øllum góðum til Moldova, men liðið, sum skuldi til Albanien, og sum hevði ferðaseðil við SAS, kom at liggja veðurfast í Vágunum frá leygardegnum til mánamorgunin. Tey fingu umbookað ferðaseðilin til Atlntasflog, og tí komu tey av­ stað mánamorgunin. Tey gistu eina nátt í Kristnastovu í Keyp­ mannahavn. Tey fóru úr Keyp­ manna­havn við flogfari via Rom til Albanien, har tey lendu, eftir nógvar ferðaforðingar, týskvøldið kl.20.30. FERÐALEIÐARAR Við í ferðalagnum eru ferðaleið­ ar­arnir Anita og Oddmar Tausen, sum vera við í Albanien, meðan ferðaleiðararnir Tanja Mortensen og Jónleif Danielsen vera við í Moldova. Anita skrivar soleiðis á facebook, eftir at tey eru komin til Albanien: “So komu vit loksins fram til Albanien. Vit eru mega móð nú, men fara til verka kl.08:45 miku­morgunin!” TIM Tað er missiónsfelagsskapurin TIM (Teens In Missions/Tann­ ár­ing­ar Í Missión) sum stendur fyri arbeiðinum, og sum er ein felagsskapur undir stóra al­tjóða Missións­felagsskapinum Opera­ tion Mobilsation (OM). FÁTÆKAR FAMILJUR Føroysku tannáringarnir koma, saman við føroysku ferða­leið­ ar­um sínum, at arbeiða mill­um fátøk Zigoynarabørn og Zigoyn­ ara­familjur. Í Albanien kemur liðið at arbeiða í býnum Lushjne, har tey koma at hava summarlegu fyri um­leið 60 børnum. Eisini koma tey at vitja fátækar Zigoynarafamiljur við mati og klæðum. Tey hava við sær úr Føroyum hóp­in av bundum lutum, sum t.d. hosur, skóleistar, turriklæðir, húgv­ur o.a. Eisini koma tey at vitja sam­komur, har tey koma at taka lut í sangi og vitnisburði. Her síggja vit tey sita í Zarepta, har tey lógu verðurføst í tveir dagar. Ferðaleiðararnir , Anita og Oddmar, sita eisini har. VIÐMERKING