mánadagur 30. juli 2018síða 8

Mánadagur 30. juli 2018 · Nr. 86 8 Sosialurin Hugskot og viðmerkingar – send sms til 225000 TÍÐINDI – Takk fyri, at tit eru møtt til hesa reiðara-pride. Soleiðis legði Hilmar Jan Hansen fyri, tá ið stóra ólavsøkutiltakið hjá Miðla­ húsinum varð hildið í Vágs­ botni ólavsøkukvøld. Vágsbotnur var á tremur við fólki, sum hugaðu sær óført við skemti og live-tón­ leiki á pallinum. Marius Ziska legði fyri og spældi tríggjar av sín­ um best kendu sangum – »Silvurlín«, »Nærveran« og »Going Home«. Ein frá­líkt framførsla við nøkr­um av bestu føroysku popp­sang­ unum í nýggjari tíð. Marius Ziska skrivar fangandi og kensluríkar sangir, sum fólk taka til sín –  bæði heim og burturi. Hilmar Jan Hansen undir­helt við skemtisøgum og herming. Hann legði fyri við at herma eftir Hanusi Han­sen, reiðara í Klaksvík, sum greiddi frá, hvussu illa reiðar­ar vóru komnir fyri av fiskivinnunýskipanini. Tað var í tí samanhangi, at Hanus Hansen takkaði fyri, at fólk vóru møtt til reiðara-pride at stuðla teimum, sum missa rættindi í samfelagnum. Hilmar Jan Hansen hermdi eisini eftir Jógvan Fríðriks­son, løgmanni og fleiri, og hann fortaldi skemti­søgur. Syngið við Danny & The Veetos tóku um endan við teirra glaða og lívliga poppi. Teir løgdu fyri við sanginum »All right«, og fólk trallaðu óført við. Eftir meira friðarliga sangin »Stúr ei meir«, rundaðu teir av við g jøgnum­brotssanginum »Sunnu­kvøld í mai«. Danny og hansara menn vóru í hopla, og fólk sungu óføra væl við til teir kátu og kendu tónarnar. Barbara Holm og Tróndur Arge vóru vertir fyri tiltakið, og tey takkaðu mongu fólk­ unum fyri, at tey vóru møtt og vissaðu tey um, at aftur næsta ár bjóðar Miðlahúsið undir­hald og tónleik í Vágs­botni ólavsøkukvøld. TANN GLAÐA LØTAN Í VÁGSBOTNI Var tað ein reiðara-pride ella afturvendandi ólavsøkutiltak? Fólk hugnaðu sær óført saman við Hilmari Jan Hansen, Marius Ziska og Danny Baldursson