mánadagur 30. juli 2018síða 10

Mánadagur 30. juli 2018 · Nr. 86 10 Sosialurin Hugskot og viðmerkingar – send sms til 225000 TÍÐINDI Hallur av Rana Blákrossbúðin, sum í fleiri ár hevur hildið til í hølunum hjá Bláa Krossi í Kongagøtu 10, fer í heyst at flyta inn í nýggj hølir. Tað verður tó ikki langvegis, ið handilin flytur. Blái Krossur hevur nevniliga keypt bygningin á Niels Finsens gøtu 20, har barnahandilin Bamsan hevur hildið til í fleiri ár, og sum einans er eitt steinkast frá núverandi Blá­kross­búð­ ini. Sverri Steinhólm, for­ maður í landsnevndini hjá Bláa Krossi, upplýsir, at Blái Krossur hevur keypt bygn­ ingin, tí núverandi hølir vóru ov lítil til virksemið hjá Blá­ kross­búðini. - Vit hava keypt bygn­ ingin í Niels Finsens gøtu, tí vit høvdu brúk fyri fleiri fermetrum í Havn til Blákrossbúðina. Tað er ov trongt í núverandi hølum, so tað hevur tvingað okkum at hugsa øðrvísi, sigur Sverri Stein­hólm. Nýggi bygningurin hjá Bláa Krossi er umleið 600 fermetrar tilsamans, ið eru býttar út á fýra hæddir. Niðast er ein kjallari, ið er 240 fermetrar tilsamans, og sum havnarfólk kanska best minnast sum eitt dansistað í fýrsunum. Hinar tríggjar hæddir­nar eru 126 fermetrar hvør, upplýsir Dakko Peter­ sen, aðalskrivari hjá Bláa Krossi Føroya. Tvær hæddir til handilin Talan er sostatt um ein stóran bygning miðskeiðis í Havnini, ið Blái Krossur hevur ognað sær. Dakko Petersen upplýsir, at Blá­ kross­búðin fer at halda til á gøtuhæddini, umframt at onnur hædd verður brúkt til at sortera klæðini, ið verða latin handlinum. Hvat restin av bygninginum skal brúkast til er avgerð ikki heilt tikin um enn, men onkur hugskot hava verið uppi at venda. - Vit arbeiða við at brúka kjallaran til ungdómin og síggja hann sum eitt spenn­ andi stað til eitt rúsfrítt um­hvørvi. Okkurt virksemi kundi verið har um dagin og út á kvøldið. Men enn er einki ítøkiligt, greiðir Dakko Peter­sen frá og leggur aftur­ at, at fígging má fáast upp á pláss, áðrenn nakað nýtt virk­semi byrjar. Sverri Steinhólm vísir eisini á, at tað er týdn­ingar­ mikið at lodda dýpið millum tey, ið kunna hugsast at brúka bygningin, áðrenn nøk­ur endalig avgerð verður tikin um hvat hann skal brúk­ast til. - Tað er týdningarmikið, at vit hava okkara røtur við okkum. Okkara brúkarar muga sleppa at siga sína hugsan um, hvat vit skulu brúka nýggja bygningin til. Men ein so sentral stað­ seting í býnum setir eisini krøv til okkara brúk av bygn­ inginum, sigur Sverri Stein­ hólm. Møgulig søla Við í støðutakanini til hvat nýggi bygningurin hjá Bláa Krossi skal brúkast til, er eisini hvat skal henda við gamla bygninginum har Blá­krossbúðin heldur til í løtuni. Bláa Krossur hevur átt tann bygningin síðan 1984 og er hann karmur um eitt fjølbroytt virksemi. - Nú hava vit meira pláss í mið­býnum, og skulu tí hugsa um hvat vit hava brúk fyri og hvat møguligt virksemi kann vera. Um vit slett ikki hava brúk fyri gamla bygninginum, so muga vit selja gamla bygningin. Blái Kross­ur er ikki eitt felag, ið eigur bygningar. Vit skulu virka, ikki eiga, sigur Sverri Stein­hólm. Bæði Dakko Petersen og Sverri Steinhólm lata væl at nýggja bygninginum. For­maðurin greiðir frá, at bygn­ing­ur­in bleiv kannaður fyri sopp og annað áðrenn keypið. Tað vísti seg tá, at hann var í betri standi enn fyrst hildið. - Tað var einans neyðugt at tetta onkran leka og skifta nakrar punkteraðar rútar. Har­umframt ætla vit at mála bygn­ingin, áðrenn vit flyta inn í hann. Ætlanin er at taka hann í brúk einaferð í heyst, tá Blákrossbúðin eftir ætlan flyt­ur inn. hallur@sosialurin.fo BLÁKROSSBÚÐIN Í NÝGGJ HØLIR - Vit hava keypt bygningin í Niels Finsens gøtu, tí vit høvdu brúk fyri fleiri fermetrum í Havn til Blákrossbúðina. Tað er ov trongt í núverandi hølum, so tað hevur tvingað okkum at hugsa øðrvísi, sigur Sverri Steinhólm, formaður í Landsnevndini hjá Bláa Krossi