týsdagur 31. juli 2018síða 16

Mikudagur 1. august 2018 · Nr. 87 16 Sosialurin REGATTA & OVASTEVNA - Vit hava lagt okkum eftir einari skrá, sum hevur okkurt til øll, og flestu tiltøk eru ókeypis. Tað er okkara vón, at ein rúgva av fólki koma til Nólsoyar at vitja okkum á ovastevnu, sigur formaðurin í stevnunevndini, Ann-Mari av Skarði Vilmund Jacobsen Aftur í summar hava met­ nógv ferðafólk verið í Nóls­ oy. Ternan hevur so at siga verið full hvønn einasta dag. Hetta vísa ferðafólkatøl hjá Strandferðsluni eisini týði­ ligt. Nú summarið er farið at halla, eru nólsoyingar fram­ hald­andi til reiðar at taka ímóti hópin av gestum. Ovastevnan, sum nú hevur fleiri enn 20 ár á baki, er fastur táttur á summar­ skránni hjá nógvum føroy­ ing­um, og hon verður hildin nú um vikuskiftið. Bygdastevnurnar eru nógvar, men ovastevnan er nakað serstakt. Eftir ólav­ søku­na og festivalarnar, man ovastevnan mangan hava verið hin mest vitjaða stevn­ an í Føroyum. - Kundi tú hugsað tær eitt hugnaligt vikuskifti á bygd, har tú kanst uppliva eina rúgvu av øllum møguligum, so er at koma til Nólsoyar í vikuskiftinum, tí tá er ova­ stevna. Tað er boðskapurin hjá fyri­reikarunum í Nólsoy, nú ovastevna er beint fyri stavn. Stevnan fyri øll Á ovastevnu ger bygdarfólkið alt, tey eru ment fyri at bjóða tær vælkomnum og vísa tær hvussu stuttligt, hugnaligt og gott tað er at vera í Nólsoy. - Ovastevna er stevnan fyri alla familjuna. Børnini kunnu spæla frítt, meðan tey vaksnu hugna sær í bygdas­liga umhvørvinum. Tú merkir veruliga, at tú er komin á bygd - og kort­ini bara 20 minuttir úr høvuðs­ staðnum. Jú, vit hava heilt vist okkurt til tín, líkamikið hvør tú ert. Fyrireikararnir vísa á, at skráin er løgd soleiðis, at fjølbroyttu tiltøkini eru allan dagin og byrja longu leygar­ morgunin. - Hetta eru ikki bara typisk stevnutiltøk, men eisini tiltøk, sum geva ein brell­bita av gerandisdegnum í Nólsoy. Víst verður á, at leygarmorgunin 4. august byrjar við einum svimji­til­ taki, har fólk úr øllum landi­ num koma at svimja, dyppa ella vassa á hugnaliga sandi­ num á Malarenda. Hetta tiltak er sprottið millum svimji­damurnar í Nólsoy, sum gerandisliga svimja ella dyppa á Malarenda. Fyrireikararnir av ovastevnu hava lagt dent á, at stevnan skal vera fyri alla familjuna, og at barna­til­tøk­ ini so vítt gjørligt skulu vera ókeypis. - Tiltøkini fyri børn eru við fótbóltsvøllin og á frá­ líka sandinum. Børnini kun­nu leita eftir krabbum, tey kunnu eisini vassa ella svimja á sjónum. Í summar hava sera nógv børn verið í Nóls­oy, og tey elska at halda til á sandinum. Har fáa tey nógvar tímar at ganga. Børn­ ini kunnu grava eftir gulli og fara á spennandi skattaveiði. Vit hava eisini funnið fram krit, hoppibond, styltir og annað, sum børnini kunnu spæla við. Lagt verður aftrat, at sum nakað heilt serligt fyri børnini fara Dánjal á Neysta­ bø og Búi Dam at syngja og spæla á bryggjuni. Sangur og spæl Í Nólsoy er ríkt tónleikalív, og nólsoyingum dámar væl at syngja og spæla. Hetta sæst eisini aftur í ova­stevnu­ skránni. - Spælimenninir í Nóls­ oy fra at seta sín dám á stevnuna, tá teir spæla á bryggjuni leygardagin. Teir verða eisini saman við Nólsoyar Manskóri við til felagssangin undir Mikkjals­ veggi, tá trivið verður í kendar føroyskar sangir og lokalar slagarar. Við hesum eru lunnar lagdir undir eitt ordans bygdaball. Fyrireikararnir vita eisini at siga, at kendi tón­leik­arin Finnur Koba fer at undir­ halda á bryggjuni, og væl­ um­tóktu Eyðun Nolsøe og Ólavur á Váli fara at spæla í tjaldi­num á bryggjuni. - Hevur tú hug til ein sving-om er eisini møguligt at leggja leiðina eystur í Royndar­húsið, har Rannvá Vestur­klett, Jóannes Jakob­ sen og Árni Andreasen fara at spæla til góðan bygdadans - og sjálvandi verður eisini farið upp á gólv onkra løtu. Fyrireikararnir siga, at tiltøk verða til øll á ova­ stevnu. - Við vælvild frá Strand­ ferðsluni er møguligt at koma um Nólsoyarfjørð nær­ um hvønn tíma. Tí er bara at leita sær oman á Bursatanga leygardagin og koma til Nóls­ oyar á ovastevnu, verður lagt aftrat. Endamálið við stevnuni Ann-Mari av Skarði er for­ maður í ova­stevnu­nevndini, sum telur fimm fólk, og sum nú á triðja ári skipar fyri stevnu­ni. - Høvðusendamálið við stevnuni er at fáa eina rúgvu av fólki til Nólsoyar. Vit vilja vísa, hvussu stuttligt og hugna­ligt tað er í Nólsoy. Tí bjóða vit øllum føroyingum til Nólsoyar á ovastevnu um viku­skiftið. Ann-Mari av Skarði sigur, at endamálið við stevnuni er ikki longur at savna pening til svimjihyl. - Tí hava eisini øll tiltøk á sein­astu ovastevnunum mest sum verið ókeypis. Hon vísir á, at í nógv ár var endamálið við stevnuni at savna pening til svimjihyl í bygd­ini. - Hetta var eitt stórt ynski, sum lokala hetjan, Ove Joensen, sáli, hevði. Nógv­ur peningur varð eisini savn­ aður og byrjað varð at byggja. Men, uppgávan gjørdist tíverri alt ov møtumikil, og stevnur­nar góvu lítið fíggjar­ ligt yvirskot. Tí kom eisini steðgur í hetta arbeiðið. Ann-Mari av Skarði sigur, at nú fleiri ár seinni eru flestu nólsoyingar ivaleyst komn­ir til ta niðurstøðu, at svimji­hylur í bygdini helst ikki verður veruleiki. - Vit eru ov fá fólk, og grundar­lag er ikki fyri svimji­hyli, samstundis sum orka ikki er til at savna pen­ ing til endamálið, leggur hon aftrat. Hjartaliga vælkomin til Nólsoyar á ovastevnu - Ovastevna er stevnan fyri alla familjuna. Børnini kunnu spæla frítt, meðan tey vaksnu hugna sær í bygdasliga umhvørvinum. Tú merkir veruliga, at tú er komin á bygd - og kortini bara 20 minuttir úr høvuðsstaðnum, sigur Ann-Mari av Skarði Bygdastevnurnar eru nógvar, men ovastevnan er nakað serstakt Mynd: Evy T. Nielsen