týsdagur 7. august 2018síða 22

Mikudagur 8. august 2018 · Nr. 90 22 Sosialurin SKÚLABYRJAN Dagfinn Olsen Skúlarnir hava við fartelefonunum fing­ið eina avbjóðing, sum teir mugu taka støðu til. Ásannandi, at fartelefonin er hvørs­mans­ogn, og at hon kann mangan órógva undir­vísing­ ina, hava fleiri skúlar havt skipanir og tiltøk, so fartelefonirnar órógva sum minst. Í skúlanum við Løgmannabreyt hava tey tikið henda trupulleika í álvara. Í 2016 stóð millum annað soleiðis at lesa á heimasíðu skúlans: Í fríkorterunum stendur tað næm­ing­ unum frítt at spæla borðspøl, fótbólt og annað, umframt at brúka høllina ella at sita í  sofunum og práta.  Tá ið børnini koma í skúla á Løg­manna­ breyt mánadagin, skulu tey leggja tele­fonir­ nar í skápið ella ein kassa, sum er gjørdur til endamálið. - Telefonin verður liggjandi har, til skúla­ dagu­rin er liðugur. Hetta merkir sostatt, at næmingurin ikki at brúka telefonina í skúla­ tíðini – heldur ikki í fríkorterinum. Hugna sær við spølum Í Eysturskúlanum í Havn hava tey eisini tikið støðuna í álvara. Har gjørdu tey eina roynd í hádeildini, har ikki var loyvt at hava far­ telefon í skúlanum. - Talan var um eina roynd í hádeild. Far­ telefonir er ongin trupulleiki í grund- og mið­deild. Royndin riggaði væl, næmingarnur hugnaðu sær upp á aðrar mátar við spølum, men tey vistu, at hetta var ein roynd, sigur Eyðdis Eidesgaard, skúlastjóri. - Tiltakið var eitt hugskot frá lærarum, men ikki allir eru samdir, at forboð er rætta loysn­in. Sjálv helli eg til skilagóða digitala upp­aling, sigur Eyðdis Eidesgaard. Vanligt er í dag, at skúlar hava viðtøkur, har til ber hjá lærarum at taka fartelefonir frá næmingum, um næmingur órógvar við nýtslu av telefonini, og hjá fleiri skúlum síggjast hesar viðtøkur á heimasíðuni hjá skúla­num. Vit loyva okkum at taka av eini til­vildar­ ligari heimasíðu hjá einum føroyskum skúla: Fartelefonir skulu verða sløktar, meðan undirvísing er. Lærari hevur rætt at taka fartelefonir, sum ikki eru sløktar í tímunum. Tær verða handaðar leiðsluni, sum bert letur tær aftur til foreldur ella onnur avvarðandi. dagfinn@sosialurin.fo Fartelefonin er blivin ein fastgrógvin partur av gerandisdegnum hjá børnum í dag. Í Fraklandi eru tiltøk nú sett í verk fyri at minka um fartelefonnýtsluna hjá børn­ um og ungum. Eftir summarfrítíðina verður tað bannað at brúka fartelefonir í skúlum í Fraklandi. Hetta hevur franska tjóðartingið samtykt í gjár, skrivar franska tíðindastovan, Le Monde. Hetta bannið verður ikki bara galdandi í tímunum, men á øllum skúlans øki. Tað hevur annars longu verið bannað við lóg síðan 2010 at brúka fartelefonir í tímunum, og ranska stjórnin hevur síðan í fjør havt ætlan­ir um eitt alforboð av fartelefonum í skúlunum. - Tað almenna forboðið av fartelefonum í skúlum og studentaskúlum er blivið samtykt av tjóðartinginum í dag, váttar franski forsetin, Emmanuel Macron, á Twitter í gjárkvøldið. Summi í flokkinum hjá Macron hava enntá talað fyri, at forboðið skuldi vera galdandi fyri starvsfólk á skúlunum eisini, soleiðis at tey vaksnu kunnu vera eitt gott fyridømi hjá børnunum. Hetta bleiv ongantíð til nakað.  Har verður tó enn pláss fyri undantøkum til útbúgvingarlig endamál og til børn, ið bera brek.  Kelda: www.in.fo Næmingarnir hugnaðu sær við spølum Í Eysturskúlanum í Havn hava tey í hádeildini gjørt teina roynd við at hava skúla uttan fartelfonir, og royndin riggaði væl, sigur skúlastjórin FARTELEFONIR BANNAÐAR Í FRONSKUM SKÚLUM