mánadagur 13. august 2018síða 20

Mánadagur 13. august 2018 · Nr. 92 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Klaksvík Frammanfyri áleið 2.150 gjaldandi áskoðar­um, vann HB 1-0 á KÍ í ársins dysti í føroyskum fótbólti higar­til. Ari Mohr Olsen avgjørdi dystin við sínum bara øðrum máli í hesum kappingarárinum. Við sigri­num er HB fimm stig fremst á stiga­talvuni, nú níggju umfør eru eft­ir. Broytingar á báðum liðnum Heimaliðið er uttan stinna mið­ verjan, Deni Pavlovic. Hann rennur runt vøllin í tímunum upp til dystin. Hann hevur leikbann, eftir at hann fær sítt sjeynda gula kort móti 07 Vestur. Eitt kort, sum skuldi havt verið reytt, sambært dómara­ num í dystnum, Peturi Reinert. Mikkjal Thomassen, venjari hjá KÍ, velur at halda fast í unga Ólavi Niclasen í miðverjuni, meðan 32 ára gamli kroatin, Predrag Pocuca, ikki fekk afturval í verjuni. Hann bleiv út­skiftur í hálvleikinum móti 07 Vestur. Fyri HB hevur tað stóran týdn­ ing, at íslendski uppruddarin á miðjuni, Brynjar Hlöðversson, er tøk­ur aftur. Heimir Guðjónsson, venjari hjá HB, velur at flyta Grétar Snær Gunnarsson eitt longur fram á miðvøllin, meðan Ari M. Olsen fær afturval í álopinum, eftir at hann hevur skorað sítt fyrsta mál í ár móti Skála í undanfarna um­ farinum. Stúgvandi fult Samanrenningin av týdninginum av dystinum, liðunum á vøllinum og Summar Festivalinum ger, at tað er stúgvandi fult kring vøllin við Djúpumýru, tá Alex Troleis bríkslar fyri fyrstu ferð. Tummas Ler­vig, formaður í KÍ, sigur at tað eru 2.050 gjaldandi áskoðarar, meðan einir 100 árskort eru, so talan er um áleið 2.150 gjaldandi áskoðar­ar. Hartil skulu roknast øll tey, sum ikki hava goldið vegna eitt nú aldur. Tí verður mett, at yvir 3.000 áskoðarar eru tilsamans. - Hetta er tað størsta eg havi upp­livað í míni tíð sum formaður. Í fjør vóru 1.400 gjaldandi áskoðarar á Summar Festivalinum, tá Vík­ ingur kom á vitjan. Hetta er nokk tað mesta, síðani KÍ og B36 spældu ein avgerandi dyst fyrst í 90 unum, sigur Tummas Lervig. Taktiskur fyrri hálvleikur Tað er ikki nógvur munur á lið­ unum í fyrra hálvleiki. Spælar­ar­ nir hjá KÍ tykjast í støðum verða ávirkaðir av týdningingum av dystinum, men HB tekur ongantíð av møguleikanum. - Vit viðurkenna fult, at tað manglaðu nakað av royndum hjá okkum, og at tað eru nakrir spælar­ ar, sum verða ávirkaðir av støðuni, sjálvt um tað hevur verið eitt tema hjá okkum í seinastuni. Vit skulu royna at konsentrera okkum um tað, sum er á vøllinum og verða klár­ir, men tað er ikki altíð so ein­ falt, sigur Mikkjal Thomassen, venjari hjá KÍ. Hóast HB er omaná leikliga, so er tað KÍ, sum tykist vandamiklari frammanfyri málinum. Einu ferð­ ina fer bólturin eisini í málið, men talan er um rangstøðu. -Eg haldi, at HB í størri partum av fyrra hálvleiki eru betri enn vit. Teir spæla beinleiðis og hava nakrar spælarar, sum leggja nakrar sera góða av­leveringar, ið leggja okkum undir trýst. Sjálvt um vit hava møguleikarnar, so haldi eg at HB er omaná í fyrra hálvleiki. Vit gera nakrar broyt­ing­ar í seinna hálv­leiki og haldi, at vit kundu havt fing­ið eitt mál, men tað skuldi ikki verða, sigur Mikkjal Thomas­sen. Steinbjørn Olsen, Páll A. Klettskarð, Jóannes Bjarta­líð og Semir Hadzibulic hava vandamiklar royndir í dysti­num. Ari dagsins maður Seinni hálvleikur er tíggju minuttir gamal, tá dagsins maður við Djúpumýru, HB-miðverjin Lasse Andersen, vinnur bóltin á egnari hálvu. Hann rekur inn á hálvu­na hjá KÍ, har Grétar Snær Gunnars­ son fær bóltin. hann dribblar og spælir so Adrian Justinussen leysan í høgru. Toppskjúttin í før­ oyskum fótbólti setur ferð á og legg­ur innfyri, har Ari Mohr Olsen er staddur. -Eg eri á veg til fremru stong, men eg veit ikki ordiliga hvat hend­ir. Brádliga standi eg við aftaru stongt. Har koma einar fýra ella fimm føtur á bóltin, sum so endar hjá mær. Eg seti eina kalda innarusíðu á, fortelur Ari Mohr Olsen. 20 ára gamli sandoyingurin hevur annars ikki rakt málið í ár, fyrr enn hann skoraði móti Skála í farna umfari. Nú hevur hann av­gjørt ársins dyst. -Fært tú álit, so kemur tað fyrr ella seinni. Tú sær tað eisini í teim­ um stóru deildunum, at menn koma í ein málturk, men tá teir fáa hol á, so steðga teir ikki aftur, sigur áleyparin. Hann tóktist ovurfegin, tá hann skoraði móti Skála, men meiri ró­ ligur, tá hann legði HB á odda í Klaks­vík. -Tað vóru meira kenslur móti Skála, tí eg endiliga fekk málið. Framman­fyri tvey ella trý túsund áskoðar­um her, mást tú royna at halda tær eitt sindur aftur, sigur Ari Mohr Olsen og leggur skemtandi afturat, at nú má Adrian Justinussen ansa eftir sær sum topp­skjútti. Ari Mohr Olsen hevur skot­ið tvey mál, meðan Adrian Justinus­ sen hevur skotið 15! HB á FM-kós Við sigrinum er HB nú fimm stig fremst í landskappingini. Tað er ein triðingur eftir og tað merkir, at KÍ skal hava hjálp, um meistaraheitið skal enda í Klaksvík. Tað liggur í løtuni væl fyri hjá HB, sum hevur tríggjar dystir móti trimum teimum niðastu á stigatalvuni. Tað merkir væl, at HB i løtuni er á FM- kós. trondur@sosialurin.fo Fótbóltur Dysturin hesa vikuna... KÍ-HB: ARI AVGJØRDI ÁRSINS DYST NÓGVIR ÁSKOÐARAR Tað vóru óvanliga nógvir áskoðarar til dystin í Klaksvík fríggjakvøldið. KÍ hevði skipað fyri, at plattar stóðu kring vøllin, so fólk kunnu standa í fleiri røðum, meðan ongir bilar vóru á Bøgøtu, har fólk eisini kundu standa. Mett verður, at tað vóru yvir trý túsund áskoðarar við øllum Ari Mohr Olsen skoraði málið, sum kann tryggja HB um 7,5 milliónir krónur. Ungi sandoyingurin skoraði einasta málið í ársins størsta dysti higartil. Nú er HB aftur stórur FM-favorittur