hósdagur 16. august 2018síða 25

FRÍGGJADAGUR 17. AUGUST 2018 SOSIALURIN 94 25 RUNAVÍK HAVA BORGARARNAR kanna møguleikarnar fyri hvat kann gerast. Saman við EM Ráð­ geving og Landsverk vóru møgu­ leik­arnir kannaðir, men Landsverk fór úr arbeiðnum, tí stovnurin boð­ aði frá, at teirra loysn er at gera ein tunnil úr Gøtudali til Millum Fjarða. -Tað kann gott vera, at hetta er ein loysn, men als ikki fyri meir­ ferðsl­una her í býnum, var fleiri ferð­ir sagt á fundinum. Magni Thomsen frá EM Ráð­ gev­ing legði nakrar loysnir fram á borgarfundinum. Í viðgerðin hava teir býtt økið millum tunnils­munn­ an og inn á Bakka í trý. Í uppskotunum skal vegurin být­ast sundur á leið við oman­koyr­ ing­ina til Bakkafrost á Glyvrum. Um tað verður við rundkoyring, ferðslu­ljósum ella við flættingum er støða ikki tikin til, men ætlanin er, at vegurin haðani skal ganga gjøgn­um fjørðuna út á Rókalandi. Har eru bara fleiri forðingar á vegn­um, sum mugu loysast. Millum annað hvussu uttasti parturin av vegføringini skal gerast. Har var eitt uppskot, sum legði vegin í eina sokallaða “lokarennu”,har koyrt verður í eini rennu við loki á til bilarnir eru komnir gjøgnum havna­økið í sjálvari Runavíkini. Á borgarafundinum vóru fleiri viðmerkingar og uppskot um aðr­ ar loysnir. Sumt hevði arbeiðs­ bólkurin viðgjørt og hevði svar uppá. Annað vóru nýggj hugskot. Miðbýurin Samstundis, sum EM Ráðgeving hevur arbeitt við innkomuvegnum, so hevur teknistovan hjá Ósbjørn Jacobsen, arkitekti, arbeitt við eini ætlan um at skapa ein miðbý í Runavík. Arbeiðið er ikki fult koordinerað, men samband hevur kortini verið millum bæði ráðgevarafelagøgini. Vegføringin av innkomuvegnum fær stóra ávirkan á, hvussu mið­bý­ urin verður skaptur, tí eftir upp­ skot­inum, so skal hann liggja heilt úti í Runavíkini – í sjóvarmálanum nið­an­fyri Hotel Runnavík. -Hetta er seinasti møguleikin at gera eitt torg ella miðbý við at­gongd til sjóvarmálan, segði Ósbjrøn Jacobsen, arkitektur, mill­um annað undir framløguni á borgarafundinum. Hann legði afturat, at staðið í Runavík, har ætlanin at gera mið­ bý­in, sum í verkætlanini verður kallað Gula Torg, liggur stak væl fyri. -Her er sera veðurgott, umframt at vesturskini hitar økið, segði Ósbjørn Jacobsen. Politikkarnir Eftir framløguna var ein pallborðs­ fundur, har býráðslimir søgdu sína hugsan um uppskotini um inn­ komu­veg og miðbýarætlanina. Frá øllum teimum, sum sótu við pallborðið, vóru bert rósandi orð til tað, sum var lagt fram, men sam­stundis var víst á, at tillagingar mugu gerast á fleiri økjum. Fyrrverandi landsstýrismaðurin við samferðslumálum, Kári P. Høj­ gaard, Sjálvstýri, tók orðið og minti á, at tað júst eru fimm ár síðani fundur var í Løkshøll um privatu ætlanina at gera undir­ sjóv­artunnilin. -Men tað undrar meg nógv, at ongin úr býráðnum hevur heitt á meg um at arbeiða við inn­komu­ vegn­um, segði hann. Borgarstjórin gjørdi vart við, at kommunan sjálvandi vendi sær til landsstýrið og ikki til andstøðuna, tá ið hetta skal geerast. Eisini Terji Vestergaard tók orðið. Hann gjørdi vart við, at hann per­sónliga hevði tosað við Kára P. Højgaard um málið. -Annars er tað soleiðis, at ein tingmaður, sum er valdur í øk­in­ um, sjálvandi skal arbeiða fyri sín­ um øki. Feskasta dømi eru menn­ ing­arkvoturnar. Tær fella har sum ting­fólk hava arbeitt fyri at fáa tær, segði hann. Uppskotini, sum vóru sýnd fram á borgarfundinum, eru ikki endalig á nakran hátt. Tí ber væl til hjá borg­arunum at koma við nýggjum hugskotum og uppskotum. Ongin enda­lig støða er tikin – hvørki til inn­komuvegin ella til sjálva mið­ bý­arætlanina. Eitt uppskot er at ferðslan úr tunlinum ferð gjøgnum eina lokarennu tvørtur um havnalagið Hetta er eitt av uppskotunum um hvussu vegføringin verður á Glyvrum. Til høgru vegurin fram við fjørðuni Soleiðis fyristillar Ósbjørn Jacobsen, arkitektur sær at miðbýurin í Runavík kann síggja út Hesir sótu við pállborðið saman við Tórbjørn Jacobsen, borgarstjóra