týsdagur 28. august 2018síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mikudagur 29. august 2018 · Nr. 99 TÍÐINDI Vilmund Jacobsen Frá hósmorgni til sunnu­ kvøld er skráin fyri mentan­ ar­dagarnar í Fuglafirði á tremur við tiltøkum og spenn­andi upplivingum av øllum handa slag. Her eru lista­fram­sýningar, kon­ sert­ir, mat­stovur og kefé­ir, ka­ba­rett, kassa­bila­kapp­ koyr­ing, sálma­sang­ur, regn­ skjóla­gøta, matmarknaður, ”memory lane” og mangt ann­að á skránni. Hvør minnist ikki Silly Boys, Gentukórið ella Bros? Hvør kennir ikki Stanley Samuelsen ella “Grísflísapætur” hjá Alexand­uri Kristiansen? Og hvør dugir ikki ”Gakk tú tryggur”, sum við lagnum hjá Jógvani á Lakjuni er sungin inn í hvørt barnahjarta í Før­ oyum? Eitt stórt brak Eitt heilt serligt tiltak á mentan­ardøgunum verður ein kon­sert, har hópin av fugl­firðingum - sangkór, barna­kór, hornorkestur og einstaklingar - fara á tón­ leika­ferð við orðum og løg­ um úr heimbygdini. Fuglafjørður hevur fostrað listafólk á so mongum økjum og er serliga kendur fyri nógvan tónleik og sang. Í skránni er tiltak, sum verður rópt: ”Fuglafjørður - 100 ár á baki í stórum braki”. Tiltakið verður lýst sum eitt tónleikagildi ella ein tón­leikaferð inn í annan heim, har vit fáa søguna við tekstum og tónum borna fram av kórum, ein­stak­ling­ um og orkestrum, tóna­smiðj­ um, rithøvundum og øðrum lista­fólkum. Hetta verður ein spenn­ andi og fjølbroytt konsert­ upp­living, sum er sett saman til høvið. Her verður ikki bara sangur og tónleikur, men í veruleikanum eitt ”show” til allar sansir, kunnu vit siga, og her verður eisini upp­lestur, videobrot, myndir og málningar. Alt, sum her verður sung­ ið og spælt, lisið og sýnt fram, er so ella so sprottið úr Fuglafirði, og tað verða eisi­ ni fuglfirðingar sum fara at fram­føra. Dánjal samskipar Konsertin ella tónleikaferðin verður øll framførd út í eitt, og tað er Dánjal á Neystabø, sum samskipar hesa stór­ fingnu verkætlan og fær hana at hanga saman, og saman við øðrum frálíkum tón­leikarum myndar hann eitt húsorkestur, sum fer at spæla undir. Tey, sum á ein ella annan hátt vera við – ella eiga tekstir og løg, sum verða fram­førd á konsertini, eru Fuglafjarðar sangkór við Heðini Kambsdal, Siloa­kórið við Eyðuni á Lakjuni, Dupulkvartettin Vega, Gentukórið við Frits Johanne­sen, Fuglafjarðar Horn­orkestur, Stanley Samuel­sen, Helgi Midjord, Alexandur Kristiansen, Bárður á Lakjuni, Jógvan Joen­sen, Niels Midjord, Lív Næs, Røkkvi, Jan Rúni Poulsen, Maria á Lakjuni, Benja­min Petersen, Jákup á Lakjuni, Óli Johannesen, Poul Jacob Lundsbjerg, Linda Toftegaard, Jóhan Hentze, Victor Danielsen, Ismar Joensen, John Højbye, Jógvan á Lakjuni, Magnus Jacob­sen, Hans Jacob Han­ sen á Brúnni, Evald Johanne­ sen og Torleik Mortensen. Eisini síggja vit list hjá Frits Johannesen, Øssuri Mohr, Kristinu Joensen, Heð­ini Kambsdal og Helga Mid­jord. Tríggjar framførslur Tónleikaferðin ”Fuglafjørður 100 ár á baki við stórum braki” verður framførd tríggjar ferðir um vikuskiftið, leygar­dagin klokkan 19.30 og sunnu­dagin klokkan 16.30 og 18.15. Á tónleikaferð - stórfingið mentanartiltak í Fuglafirði Fuglafjørður er hesa vikuna karmur um mentanardagar og hátíðarhald í samband við, at kommunan fyllir 100 ár sum sjálvstøðug kommuna