hósdagur 30. august 2018síða 4

FRÍGGJADAGUR 31. AUGUST 2018 SOSIALURIN 100 4 Vikan ið fór Sæð á Facebook: Tvær gentur gingu seg fastar í Suðuroynni í vikuni. Bjarginarlið fór við línu eftir gentunum, og tók tær upp ein og ein. Fýra døglingar løgdu í vikuni beinini í Hvalba Theresa Turiðardóttir Kreutzman, fyrrverandi stjóri í Visit Tórshavn, letur upp kafé á Tvøroyri Tveir bilar fingu skaða í Norðoyartunlinum í óhappi í vikuni, sum stóðst av, at ein prutlførari royndi at umvæla sær útstoyti á vegnum í tunlinum. Tá krúnprinsaparið vitjaði í Fuglø á Føroyaferð teirra fingu tey vakran málning eftir Edward Fuglø. Dára MEST NÝTTA ORÐIÐ HESA VIKUNA ...uppá ein minutt ára føðingar­dagur hjá Fugla­fjarðar Kommunu er í ár? 100 Aftaná Sosialurin mánadagin koyrdi orðið "dára" á forsíðuna í søgu um kongaligu vitjanina, hevur tað víst seg, at tað eru nógv fólk, sum ikki kenna hetta orðið. Tí hava nógv kjakast um hetta á netinum og somuleiðis vent sær til Miðlahúsið við spurninginum. Um orðið sigur Sprotin: Dára: tøla, lokka, eg dáraði meg til at gera tað helt meg til nakað, sum eg ikki var førur fyri el. gjørdi nakað, ið eg kanska ikki átti at gjørt; (bíbl.) ormurin dáraði meg; dárandi yndisligur, tølandi Føroyskir LGBTarir eru djarvari enn allir hermenn heimsins lagdir saman Hægsti formurin av skemti fyri einum havnardrongi í 1. flokki var, tá ið man teknaði yvir lektiubókina, so tað stóð ommuskúlin í staðin fyri kommunuskúlin Hann øtlar vindin í stívt andøvsgul upp í hvassan vind av suðri, 10 til 15 m/s. Fyrrapartin sól, men sum frá líður yvirhøvur skýggjað og um kvøldið regn. Um náttina snarar hann vindin í útsynning og vestan og makar í gul til stívt andøvsgul, 5 til 10 m/s. Samregn, men um náttina klárar í og tað verður yvirhøvur turt. Hitin um dagin millum 10 og 13 stig, um náttina niður í 8 stig. Hann øtlar vindin í andøvsgul upp í ein strúk í vindi av suðri, 8 til 13 m/s, seinni av vestri og makar vindin í gul til stívt andøvsgul, 6 til 10 m/s. Samregn, men um kvøldið klárar í, tó okkurt æl. Hitin um dagin millum 10 og 12 stig, um náttina millum 6 og 10 stig. Gul til stívt andøvsgul av útsynningi og vestri, 5 til 10 m/s, seinni av útsynningi og um náttina av suðri. Yvirhøvur turt og sólglottar, men um kvøldið dregur saman um og tað fer at regna. Hitin millum 9 og 12 stig. 10-15 m/s 8-13 m/s Tað er ómetaliga stuttligt, at so mang ferðafólk velja at leggja leiðina higar til Føroyar. Visit Faroe Islands, Atlantic og Smyril Line hava gjørt eit megnararbeiði at fáa fólk at síggja Føroyar, sum eitt ferðamál. Tað er eisini sett út í kortið, at vit skulu royna at syrgja fyri, at ferðavinnan verður eitt eykabein at standa á fíggjarliga. Hvussu nógvir pengar liggja eftir her á landi, tá ið ferðárið verður gjørt upp? Vit hava havt tøl – stór tøl, men eg sakni enn eina meira nágreiniliga uppgerð, har ferðavinnan verður mett upp ímóti øðrum vinnum. Kanska vit fáa eitt slíkt yvirlit, sjálvt um vit aftur nú eru farin at hoyra, at hesum hava vit ikki álítandi hagtøl fyri. Persónliga ivist eg ikki í, at ferðavinnan skapar nógvan aktivitet, men um hon ger tað so nógv meira enn aðrar vinnur veit eg ikki. Eg veit eisini væl, at stóra innrásin av útlendskum ferðafólkum, forstýrar gerandisdagin hjá mongum. Og eg taki undir við teimum sum siga, at tað kann ikki vera rætt, at tað bert eru feløg í Havn, sum fáa nakað burturúr. Tey lokalu skulu hava sín part – uttan mun til alt annað. Ája Hægstu politikararni í hesum landi eru í hesum døgum á Viðareiði. Tey royna at hyggja eitt ár fram og semjast um, hvat tey skulu gera, nú bert eitt ár er eftir til væl í seinasta lagi verður. Sjálvandi fara tey at taka skilagóðar avgerðir, men vit mugu ikki gloyma, at tá ið ein samgonga fer inn í seinastu tingsetuna undan einum vali, so eru freistingarnar ómetaliga stórar. Tey einstøku fólkavaldu skulu tá prógva fyri veljarunum, at tey hava gjørt sítt arbeiðið til lítar. Tey vilja eisini fegin, at okkurt verður raðfest soleiðis, at tey kunnu vísa á tað í valstríðnum og siga, at hetta hava tey verið við at fingið gjørt. Tað er torført í einum slíkum ári hjá tí, sum skal sita á kassalokinum og siga nei. Men vita eftir – hesu ferð verður tað eisini so, at sumt verður framt, sum annars kann bíða nøkur ár. Ája! Vit liva í fíggjarliga góðum tíðum, men tað er á ongan hátt nøkur trygd fyri, at almennar uppgávur verða loystar á bestan hátt. Uppgávurnar við sjúkum og gomlum og teimum ímillum, sum á ein ella annan hátt ikki kunnu luttaka í gerandislívinum, skulu loysast, men ferð eftir ferð hoyra vit ræðusøgur, sum oftast eru komnar í av vánaligum loysnum. Skrankipávar liva góðar dagar í Føroyum. Fjarleiðslan við ongari beinleiðis kontakt við kundar ella fólk, ið hava hjálp frá tí almennu fyri neyðini. Lat okkum hyggja inn í skipanina og so sammeta hana við gerandisdagin hjá hesum fólkum. Tað gevur eina aðra mynd. Ája! Árni Gregersen, journalistur, skrivar Ája! Visti tú? At Janus Rein ikki longur starvast sum flogskipari? 5-10 m/s