hósdagur 30. august 2018síða 30

FRÍGGJADAGUR 31. AUGUST 2018 SOSIALURIN 100 30 Spyr og fá svar um útbúgvingar. Allar. Allastaðni. Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, vegleiðir teg um tínar møguleikar innan útbúgving og um tey fíggjarligu viðurskiftini. Holger arbeiðir dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svarar Holger tær her í Sosialinum. 20.8. 2018 BYRJAÐU 284 NÝGGJ LESANDI Á FRÓÐSKAPARSETRI FØROYA SPURNARSÍÐAN Spyr og fá svar um útbúgvingar. Allar. Allastaðni. FRÁ STUDNI.FO: STUDNI bjóðar fram fleiri ymiskar fíggjarligar stuðulsskipanir og her fara vit at vísa á tvær av teimum. Hetta er stuðul til verkætlanir og stuðul til málslig fyrireikingarskeið. 1. Verkætlanarstudningur Endamálið við ferðastudninginum til verkætlanir er at stuðla lesandi føroyingum á hægri lærustovnum í Føroyum og uttanlands í sambandi við størri verkætlanir, ið skulu gerast í øðrum landi enn í lestrarlandinum. Hetta verður gjørt við at veita studning til ferðina millum lestrarlandið og landið, har verkætlanin skal gerast. Studningurin er tann skjalprógvaða upphæddin av ferð millum lond til vanligan ferðaseðlakostnað, tó í mesta lagi  upphæddin fyri lesandi sbrt. talvuni um ferðastudningin. Ferðastudningsupphæddir  Danmark Europa Aðrastaðni (-Danmark og Grønland) Lesandi kr. 1.500 kr. 3.100 kr. 4.100 Hvat er ein verkætlan ? Við eina verkætlan skilst: a) størri uppgáva í sambandi við hægri lestna. Talan skal verða um kanningarferð í sambandi við høvuðsuppgávu ella størri ritgerð, ið er kravdur partur av lestri, sum telur í minsta lagi 10 ects, b) starvsvenjing í minst 2 vikur, t.d. á læraraskúla í øðrum landi,  c) uppihald á øðrum lærustovni, herundir skiftislestur. Víst verður til "vegleiðing verkætlan", ið liggur undir"umsóknarbløð" her: studni.fo Treytir Tú kanst søkja um verkætlanarstuðul,  um tú  lýkur fylgjandi treytir: 1) Umsøkjarin skal hava serligt tilknýti til Føroyar og kravið er: • at umsøkjarin hevur búð í Føroyum í minsta lagi tvey av teimum seinastu trimum árunum beint undan lestrarbyrjan, ella  • at umsøkjarin hevur búð í Føroyum í minsta lagi helvtina av lívinum áðrenn lestrarbyrjan. 2) Umsøkjarin skal ganga á eini góðkendari hægri fulltíðarútbúgving, ið er 2 lestrarár ella longri ella tekur heiltíðarútbúgving til heilsuhjálpara ella heilsurøktara. 3) Umsøkjarin skal vera lestrarvirkin.  4) Umsøkjari kann bert partvís fáa løn í útbúgvingartíðini.  Harumframt skal verkætlanin vera partur av útbúgvingini og góðkennast av útbúgvingarstaðnum. Vert er eisini at leggja merki til, at tað bert verður veittur studningur fyri ferðing millum lond, og at tann lesandi í mesta lagi hevur møguleika at fáa henda studning tvær ferðir í samlaðu útbúgvingartíðini og bert til eina ferð aftur og fram í hvørjari verkætlan. Mannagongd Ætlar tú at søkja um studning, kann hetta antin gerast áðrenn farið verður undir verkætlanina, ella meðan tú ert í gongd við verkætlanina. Tað ber ikki til at søkja um studning, eftir at verkætlanin er liðug. Les her: studni.fo 2. Málslig fyrireikingarskeið Henda skipanin veitir stuðul til málslig fyrireikingarskeið til hægri útbúgvingar í ikki enskt-talandi londum uttan fyri Norðurlond, og er ætlað teimum, ið fara at lesa hægri lestur í hesum londum. Stuðulin verður í fyrstu atløgu veittur sum lán til skúlagjald og lán til livikostnað. Til skúlagjaldið verður veitt lán, tó vanliga í mesta lagi kr. 20.000,00. Skúlagjaldið umfatar bert útreiðslur, ið hava beinleiðis við lesturin at gera. Til livikostnað verður veitt lán. Lánsupphæddin, ið verður veitt hvønn mánað er mánaðarliga studningsupphæddin, sum til eina og hvørja tíð verður veitt til hægri lestur í Føroyum – skúlaárið 2018/2019 er henda upphædd kr. 4.315,00. Stuðulin verður í mesta lagi veittur í 6 mánaðir, men er talan um heilt fremmant mál, kann stuðul veitast í upp til 1 ár. Tað serliga við hesi skipan er, at um tú, innan 15 mánaðir eftir at málsliga fyrireikingarskeiðið er endað, fert undir hægri lestur á lærustovni, har høvuðsmálið er tað sama, sum tað var á málsliga fyrireikingarskeiðnum, verða lánini umløgd til studning. Umleggingin verður framd, eftir at tú hevur tikið próvtøkurnar á fyrsta lestrarári í útbúgvingini. Treytir Fyri at verða heimilað til studning eru niðanfyristandandi krøv til málsligu fyrireikingarskeiðini:  1. Skeiðini skulu vera málsliga førleikagevandi til hægri lestur. Hetta merkir, at luttøkan á skeiðnum ella tann endaliga próvtøkan á skeiðnum er á einum tílíkum støði, at tú nært tann málsliga førleikan, ið skal til fyri at lesa á hægri lærustovni. Skjalprógv, fyri at so er, má viðleggjast umsóknini.  2. keiðini skulu vera fulltíðarskeið við í minsta lagi 15 tímum um vikuna.  3. Skeiðini skulu eisini góðkennast av Studna. Skipað var fyri felags innleiðslu í Kongshøll í Sjóvinnuhúsinum, áðrenn farið var út á deildirnar, har útbúgvingarnar eru staðsettar Fyrr í summar, í juli mánað, fingu 298 av umsøkjarunum til lestur á Setrinum svar um, at tey vóru upptikin. Tey fingu freist fram til 1. august at svara, um tey tóku av hesum tilboði. Tað valdu tey allar flestu, men onkur tøk pláss góvu nú ein nýggjan møguleiki hjá umsøkjarum at søkja inn. Hetta broytti myndina nakað og vórðu tað 28 umsøkjarar, sum tá tóku av tøkum lestrarplássi. So nú byrja hesi 284 nýggju lesandi eitt nýtt spennandi kapittul í lívinum. Niðanfyri sæst eitt yvirlit, sum vísir býtið av lesandi millum útbúgvingarnar. Meira fæst at vita á setur.fo