mánadagur 3. september 2018síða 20

Mánadagur 3. september 2018 · Nr. 101 20 Sosialurin Hugskot og viðmerkingar – send sms til 225000 ADRIAN NÆRKAST METINUM Adrian Justinussen hevur nú skotið 19 mál í landskappingini. Hann nærkast nú metinum hjá Una Arge og Súna Fríða Johannesen, sum báðir hava metið við 24 málum í einum landskappingarári. Adrian Justinussen hevur nú seks dystir at taka metið. Tróndur Arge – Gundadalur HB vann leygardagin lættan og ódramatiskan 3-0 sigur á argja­ monnum. Hóast AB hevði trý tey fyrstu skotini á mál, so var ongan­ tíð ivi um, at HB fór at vinna dystin. Adrian Justinussen og Símun Samuelsen skoraðu í fyrra hálv­ leiki, meðan Bartal Wardum setti punktum í seinna hálvleiki. Stemningurin í Gundadali var eitt sindur løgin, tí sjálvt um kapp­ingar­ neytarnir úr KÍ og NSÍ settu stig til, so var ikki nógv gleði at fá eyga á. Leygardagur er tiltikin vána­ ligur fótbóltsdagur í Gundadali, men kanska eisini skelkurin frá steypa­finaluni sat í høvdinum á teim­um í og rundan um HB. Við sigrinum er HB so langt fremst, at 23. meistaraheitið er so gott sum tryggjað. Tey munnu verða fá, sum væntaðu hetta undan kapp­ingarbyrjan. Alíkavæl kendist tað sum, at hetta var ”business as usual”. Her eru nakrar orsøkir, at HB vinnur FM. 10 stig fremst Tú verður ikki heiðraður, fyri at stað­festa at HB vinnur FM, tí teir eru tíggju stig fremst. Tað eru seks dystir eftir og 18 stig at spæla um. Sostatt skal HB tapa tríggjar ferðir og spæla ein javnan, áðrenn tað ber til hjá KÍ at yvirhála HB. Skulu vit ikki bara siga, at frástøðan sigur nokk? Vinna á botn fimm HB hevur 13 ferðir spælt móti botn fimm liðum. Higartil er tað blivið til 13 sigrar. HB hevur funnið ein leist, har liðið hvørja ferð megnar at vinna á teimum lægru styrkismettu liðunum. HB hevur tveir slíkar dystir eftir, sum eftir gongdini higartil koma at geva seks stig. Síðani skal HB bara fáa nøkur heilt fá stig afturat, so ber ikki til hjá KÍ at innheinta HB. HB tapir næstan ikki Bara tvær ferðir í ár hevur HB tapt ein fótbóltsdyst. Rokna vit steypa­kappingina við, so er talan um javnleik aftaná 90 minuttir. Tað gevur eisini tekin um eitt lið, sum er væl sett saman. HB hevur enn dystir móti hinum fýra í topp fimm, men higartil hevur liðið í flestu førum fingið stig. Við tryggu leiðsluni á stiga­ talvuni, kanst tú næstan siga at HB við javnleik móti KÍ og NSÍ vinnur. Tað gevur eisini HB fleiri taktisk kort at spæla við, tá liðini møtast innanhýsis. Hini spenna bein fyri hvørjum øðrum Tað var eitt sindur løgið at síggja, at HB-viðhaldsfólk smáfegnaðust, tá B36 skoraði móti NSÍ. Liðið sum stóð fyri eyðmýkingini í steypa­ finaluni, hevur við sigrinum á NSÍ givið HB enn betri FM-kort á hond­ ina. H i g a r t i l hava KÍ, NSÍ, B36 og Vík­ ingur spent bein fyri h v ø r j u m øðrum í stríðnum, at bjóða HB av. Tað var eisini júst tað, sum hendi um v i ku s k i f t i ð . KÍ og Víkingur spæla javnt, meðan B36 vinnur á NSÍ, sum liggur nærri FM- stríð­num. Alt hetta, meðan HB hevur vunn­ið lættar sigrar á Suðringum, 07 Vestur og AB. Ongir skaðar og ongin upploysn Í løtuni hevur HB bara ein skaða. Tað er Sebastian Pingel, sum er lang­tíðarskaddur. Annað enn tað, so hevur HB næstan spælt við sama liðið størsta partin av kappingarárinum. Tað merkir eisini, at liðið er væl skúlað og spælar­ar­nir kenna sína uppgávu. Seinastu tríggjar dystirnar hevur HB bara gjørt samanlagt tvær broyt­ingar í liðuppstillingini. Brynjar Hlöðversson og Símun Samuel­sen hava byrjað uttanfyri fyri Dan í Soylu. Tú kundi næstan sagt, at um tað var nakar ivi undan steypafinaluni, so er ongin aftanfyri. Hetta tapið svíður so illa í HB- húsinum, at nú verða allar kreftir lagdar inn at tryggja sær FM. Heimir koyrir tað heim HB hevur í Heimi Guðjónsson ein royndan venjara. Hann hevur vunn­ið seks íslandsk meistaraheiti við FH. Tí er hann ein royndur maður í slíkum støðum. – Kann eg ynskja tær til lukku við FM, spurdi undir­ritaði. Nei, tað eru 18 stig at spæla um enn, svaraði Heimir Guðjónsson ísa­kaldur. HB er so nær meistaraheitinum, sum nú eina ferð til ber. Tíggju stig fremst og bara seks dystir eru eftir at spæla. Tað er tó vert at nevna, at skráin ikki sær so løtt út. HB hevur fýra útidystir eftir, men tann eini er móti grannunum úr B36, sum eisini spæla sínar heimadystir í Gundadali. Vinna FM í Klaksvík? Tveir teir næstu dystirnir hjá HB eru móti kappingarneytunum úr NSÍ og KÍ. Vinnur HB báð­ar dystir­nir, so verður HB føroya­ meistari í Klaksvík 23. septembur. Í løtuni sær út, at tað besta NSí og KÍ kunnu gera í FM-stríðnum, er at tryggja at HB ikki vinnur FM í Klaksvík. Tí HB verður føroya­ meistari! trondur@sosialurin.fo Fótbóltur Dysturin hesa vikuna... 10 stig fremst: HB verður føroyameistari 2018. Tað er bara ein spurningur um tíð, sjálvt um hvørki spælarar ella venjari vilja viðurkenna tað enn. Her eru nakrar orsøkir til, at HB verður FM vinnari FÓTBÓLTUR TIL LUKKU VIÐ FM