týsdagur 25. september 2018síða 34

SOSIALURIN SEPTEMBER 2018 10 k v i n n u b l a ð i ð Hallur av Rana Lat teir tungu, svørtu jakkarnar og myrku troyggjurnar liggja í skápinum. Tann heystmótin, ið vit kenna, verður kastaður fyri borð, tá SMS hóskvøldið bjóðar til ársins mótasýning, har handlarnir í sølumiðstøðini fara at vísa fram mótan komandi mánaðirnar. Teir myrku litirnir og stílreinu linjurnar verða nevniliga skift út við alheims litir, mynstur og ymisk klædnatilfar. - Eg kann siga, at tað verður eitt litríkt heyst. Tað sum er stuttligt í ár, er at tá man samanber við vanlig heystklæðir, so eru tey myrku, svørtu og gráu klæðini í ár skift út við gul, reyð, pink og appilsingul klæðir, sigur Siri Sørensen, ið saman við Karitu Zachariassen skipar fyri mótasýningini í ár. Tað eru ikki bara litirnir, ið verða øðrvísi í heystmótanum í ár, men kunna føroyingar vænta at síggja ymisk snið og tilfar á gøtuni teir næstu mánaðirnar. - Rákið er at ymisk tilfar kemur inn aftur. Floyal og cowboyklæði verður meira brúkt, so at samansetingin verður øðrvísi enn undanfarnu ár. Og so fara vit at síggja nógv leopardmynstur í heyst. Tað er farið frá at vera trygt til at blíva eksperimenterandi og stuttligt aftur, sigur Siri Sørensen. SPÆL Í KLÆÐUNUM Heyst- og vetrarmótin í Føroyum hevur tey seinastu árini verið merkt av myrkum, gráum og svørtum klæðum, so talan er um eina lítla kollvelting innan føroyska móta, sum luttakararnir fáa innlit í hóskvøldið. Siri Sørensen vísir á, at tað er heldur ikki óvanligt, at litir vinna frama í mótanum aftaná nøkur tung ár. - Man plagar at siga, at aftaná fíggjarligar harðar tíðir, so kemur eitt rák við nógvum litum, blómum og líknandi. Tað hevur nakað við tað at gera, at vit sum menniskjur hava brúk fyri at verða upplyft og hava tað stuttligt, sigur Siri Sørensen og leggur afturat. - Nú eru tað nøkur ár síðan, at tíðirnar vendu, men nú síggja vit tað í mótanum. Tíðin er komin at fáa eitt sindur spæl í klæðini og fara frá teimum reinu linjunum. Tað verður tað, ið handlarnar fara at vísa hóskvøldið. So fólk kunna koma, fáa íblástur og síggja hvussu man kann spæla við litirnar í heyst, sigur Siri Sørensen. Eitt sum mangan verður tikið til, tá mótin fyri eina árstíð skal lýsast, er at einastu reglarnar eru, at tað eru ongir reglar. Siri Sørensen tekur eisini til hesi orðini í ár, men er sjálv skjót at vísa á, at tað er kanska ikki heilt rætt. Men tí er tað eisini eitt upplagt høvi hjá áhugaðum at koma í SMS og síggja hvat letur seg gera. - Reglarnar eru, at tað eru ongar reglar. Men hvat merkir tað í veruleikanum? Man sigur tað ofta, men tað passar ikki heilt, tí man kann gott gera okkurt kiksað. Hetta er møguleikin hjá fólki at fáa íblástur til hvussu man spælir við ymsu litirnar og skapini. Serliga tá man kanska mest er vanur at lata seg í svørt og myrk klæðir, sigur Siri Sørensen. Heystið er litríkt - EG KANN SIGA, AT TAÐ VERÐUR EITT LITRÍKT HEYST. TAÐ SUM ER STUTTLIGT Í ÁR, ER AT TÁ MAN SAMANBER VIÐ VANLIG HEYSTKLÆÐIR, SO ERU TEY MYRKU, SVØRTU OG GRÁU KLÆÐINI Í ÁR SKIFT ÚT VIÐ GUL, REYÐ, PINK OG APPILSINGUL KLÆÐIR, SIGUR SIRI SØRENSEN, NÚ ÁRLIGA MÓTASÝNINGIN HJÁ SMS VERÐUR HÓSKVØLDIÐ