týsdagur 25. september 2018síða 48

SOSIALURIN SEPTEMBER 2018 24 k v i n n u b l a ð i ð BARNETS TARV Ian McEwan Fiona Maye er dómari í enska familjurættinum. Hon er kend fyri at vera klók og neyv í sínum dómum, men aftan fyri framburðin í arbeiðslívinum fjalir hon trupulleikar í hjúnabandinum, og hon syrgir, at hon ongantíð fekk børn. Nú hóttir ein nýggj kreppa 30 ára gamla hjúnabandið. Samstundis verður Fiona kroyst í einum rættarmáli, har ein 17 ára gamal drongur av átrúnaðarligari sannføring noktar at taka ímóti lívbjargandi viðgerð. Undirhald og innihald til myrku kvøldini TAÐ GONGUR ÍMÓTI MYRKARI OG KALDARI TÍÐUM, OG UPPLAGT ER AT SETA SEG VIÐ EINARI BÓK ELLA STROYMA EIN FILM ELLA SJÓNVARPSRØÐ. HER ERU NØKUR HEYSTARBOÐ UM BØKUR OG STROYMING LA CATEDRAL DEL MAR Sjóvarpsrøð á Netflix Sponsk sjónvarpsrøð, ið byggir á bókina við sama navni hjá Ildefonso Falcones. Vit eru í Barcelona í 1300 talinum. Arnau og pápin flyta til býin, tí teir eru komnir illa fyri aðrastaðni. Í Barcelona royna teir at byggja sær eina nýggja tilveru undir fátæksligum korum, samstundis um nýggjur kadedralur verður bygdur í býnum. Røðin lýsir menniskjalyndið – tað góða og tað ónda – og leikluturin hjá katólsku kirkjuni verður eisini vístur frá góðu og minni góðu síðuni. Røðin er bæði spennandi og fangandi. ALLIED Filmur á Netflix Undir seinna heimsbardaga finna ein kanadiskur heryvirmaður og ein kvinna í fronsku mótstøðurørsluni saman og búseta seg í London. Har byrjar kríggið at leggja trýst á parið, og illgrunasamir upplýsingar koma fram. Brad Pitt og Marion Cotillard hava høvuðsleiklutirnar í eleganta og spennandi filminum, sum gevur innlit í støðuna, tá ið kríggið rakar beint í hjartað á teimum elskandi. Kann stroymast á Netflix. OUTLANDER Sjónvarpsrøð á Netflix Outlander er væl umtókt sjónvarpsrøð, ið byggir á bókarøð hjá Dianu Gabaldon. Hon snýr seg um Claire Randall, sum er sjúkrasystir undir seinna heimsbardaga. Hon verður flutt aftur í tíðina – til Skotlands í 1743, har hon hittir hermannin Jamie Fraser og verður fløkt upp í uppreistrarstríð. Tríggjar sesongir eru av røðini, og tær kunnu allar stroymast á Netflix. SELVMORDSLÆGEN Dokumentar á DR Pensióneraði yvirlæknin Svend Ling situr í heimi sínum á Fjóni í Danmark og ráðgevur fólki, sum ikki ynskja at liva longur. Hann sigur teimum, hvussu teir kunnu gera av við seg við heilivági. DR Dokumentar hevur gjørt sending um læknan, sum nú er skuldsettur fyri at hjálpa sjúklingum at gera sjálvmorð. DR roynir millum annað at finna fram til, hvussu læknin tryggjar sær, at talan ikki eru um sálarliga sjúk fólk, sum ringja til hansara. Dokumentar á dr.dk. SKOVEN Jane Harper Fimm kvinnur fara við ryggsekki í skógin, men bert fýra koma heimaftur. Tær fýra kvinnurnar siga hvør sína søgu um, hvat hendi í skógnum, men tær eru allar samdar um, at eingin sá Alice hvørva. Aaron Falk skal greiða gátuna, og hann hevur eitt serligt samband við horvnu kvinnuna, tí hon var smettari hjá honum í einum máli ímóti stórfyritøku. Bókin avdúkar sambond millum fólk – lygnir, øvund og gamlar hendingar. DE UROLIGE Linn Ulmann Linn Ulmann hevur skrivað skaldsøgu um sín uppvøkstur. Hon var dóttir kend fólk – norsku sjónleikarinduna Linn Ullmann og svenska filmsleikstjóran Ingmar Bergman. Linn skrivar serliga um sambandið við pápan seinastu tíðina, áðrenn hann doyr á oynni Fårø í 2007. Bókin er skrivað við innliving og eymleika, og málsliga skrivar Linn Ulmann helst á sínum besta støði í hesi bók. KORALBRUNI Anna Malan Jógvansdóttir Hvat við at geva einum nýggjum yrkingasavni møguleikan? Anna Malan Jógvansdóttir úr Nólsoy hevur gingið á rithøvundaskúla í Keypmannahavn, og fyri kortum kom hon við nýggjum yrkingasavni, sum er ein roynd at skriva seg burtur frá menniskjanum og út í náttúruna, so hon kann sleppa at ráða. Anna Malan minnir okkum á, at tað materiella ikki bert er deytt og óvirki, men ein partur av øllum og okkum sjálvum. THE BEGUILED Filmur á Viaplay Vit eru í USA í 1864, tá ið borgarakríggið herjar. Í Virginia leiða tvær strangar kvinnur ein kostskúla fyri gentur. Ein dagin finnur ein næmingur ein særdan hermann, sum tey hjálpa. Hermaðurin vekir tó kenslur á kostskúlanum, og hendingarnar taka dik á seg og fáa deyðiliga avleiðing. Filmurin er frá 2017, og sjónleikarar eru eitt nú Nicole Kidman, Kristen Dunst og Colin Farrell. Ígjøgnum eld og vatn Dómari í dilemma Tá kríggj rakar tey elskandi Ferðast í tíð Læknin ráðgevur um sjálvmorð Fimm kvinnur fóru í skógin Eyma familjusøgan Menniskja í náttúruni Strangi kostskúlin Eyðun Klakstein