mánadagur 1. oktober 2018síða 20

Mánadagur 1. oktober 2018 · Nr. 113 20 Sosialurin Hugskot og viðmerkingar – send sms til 225000 Eftir fleiri ár á rað við steypasigrum og FM-heitum, gjørdist tað sunnudagin so gott sum ein sannroynd, at Víkingur komandi ár ikki verður partur av liðunum, sum fara at spæla altjóða fótbólt. Formaðurin í Víkingi væntar tó, at Víkingur skjótt aftur verður partur av oddinum av føroyskum fótbólti VENJARASPURNINGURIN IKKI AVGREIDDUR Sum støðan er í løtuni, hevur Víkingur komandi ár ikki sáttmála við nakran venjara. Brandur Jacobsen, formaður í Víkingi sigur, at tey í felagnum ikki hava tikið støðu til venjaraspurningin enn, og at tað í løtuni verður umrøtt í felagnum. André Olsen Seinastu árini hevur samanlagda felagið úr Gøtu og Leirvík, Vík­ ingur, verið tað felagið í før­oysk­um fótbólti, sum í serflokki hev­ur verið tað besta, og hevur havt mest við­ gongd. Undan hes­um kapp­ingar­ árinum, hevði Vík­ing­ur vunn­ið steyp - antin Løgmans­steyp­ið ella FM-heitið - seinastu seks árini á rað, sum talar fyri seg. Men sum við øllum øðrum í lívi­ num, fær alt ein enda. Eisini góða gongdin hjá Víkingi seinastu árini. Sunnudagin gjørdist tað so gott sum ein sannroynd, at Víkingur í ár glíður út úr oddinum av føroyskum fót­bólti. Felagið kemur eftir øllum at døma at enda á fimta plássið, og fer komandi ár á fyrsta sinni síðani 2011 ikki at luttaka í altjóða fótbólti. Hetta tí at Víkingur sunnudagin spældi 1-1 javnleik á heimavølli móti B36, meðan kappingarneytarnir, NSÍ og KÍ, vunnu sínar dystir, so­ leið­is at munurin millum tey trý feløg­ini nú er so mikið stórur, at eitt størri undur skal til, fyri at Vík­ ing­ur kann enda omanfyri tey bæði feløg­ini. Eru brynjaði til eitt ár uttan altjóða luttøku Formaðurin í Víkingi, Brandur Jacob­sen, sigur at tað sjálvandi er ein smeitur fyri Víking, at altjóða luttøkan til komandi ár í løtuni sær út til at gleppa. Men tó heldur Brandur Jacobsen, at tað gott kann verða sunt fyri felagið, at royna at fáa armarnar niður aftur. Hóast kappingingin fyri okkara við­komandi enn ikki er heilt av­gjørd, haldi eg, at vit eru brynjaði til eitt ár uttan altjóða fótbólti. Tað er sjálvandi ein fyrimunur at vera partur av europa-fótbóltinum, tí tað gevur nakrar eyka inntøkur. Men tá tað er sagt, so haldi eg ikki, at øll diskussiónin um toppfótbólt í Føroyum, er ein spurningur um peng­ar. Í felagnum skulu vit duga, at gleðast um tí góðu gongdina sum vit hava verið í seinastu árini, og tað kann væl vera, at tað er sunt fyri felagið, líka at fáa armarnar niður og at fáa hugt inní felagið. Hvar tað er vit komu frá, og fáa justera ein rakstur, sum sjálvandi verður ávirkaður av einum so lang­ um upptúri, sum vit hava havt, sig­ ur Brandur Jacobsen. Góða fundamentið fer at vinna Víking aftur í oddin Brandur Jacobsen trýr fult uppá, at góða fundamentið undir Víkingi, fer at bera felagið fram í oddin av før­oyskum fótbólti aftur. Hóast vit eru eitt av feløgunum við nakað minni fólkagrundarlagið enn tey størstu feløgini, hava vit eitt gott fundament undir felag­ num. Eg trúgvi eisini fult og fast uppá, at vit hava so mikið góðar kreft­ir, sum hvønn tann einasta dag í árinum arbeiða fyri at fáa hetta felagið at fungera, og eitt so mikið sterkt fundament, at vit nokk skulu reisa okkum. Tí trúgvi eg eisini fult og fast uppá, at vit fara at vera partur aftur av oddinum av før­oyskum fótbólti – men akkurát nær tað verður, tori eg ikki at siga. Vit skulu bara til at at arbeiða tað harðari sum felag – bæði innanfyri og uttanfyri vøllin, sigur Brandur Jacobsen. Nógvur vindur ávirkaði dystin Dysturin hjá Víkingin móti B36 sunnu­dagin, endaði við 1-1 javnleiki. B36 legði seg tíðliga í dystinum á odda 1-0 við máli frá Erlendi Magnus­son eftir hornaspark, með­ an Víkingur svaraði aftur gott 20 minutt­ir seinni, tá ungi Víkinga leik­ar­in, Hjalti Strømsten, skoraði sítt fyrsta mál í fremstu føroysku fót­bólts­deildini. Sjálvur dysturin var annars merkt­ur av serstakliga ringum lík­ ind­um. Tað var nógvur vindur og kalt í Norðragøtu sunnudagin, og tað hevði stóra ávirkan á leik­ gongd­ina í dystinum. Í fyrra hálv­leiki byrjaði B36 – sum hevði undan­vind – greitt betri, og kom eisini á odda, meðan Víkingur við undanvindi í seinna hálvleiki, hevði greiða yvirvág. Men Víkingur megn­aði í seinna hálvleiki ikki at gagn­nýta greiðu yvirvágina, hóast fleiri góðar málmøguleikar. Sølvi hevur meldað avboð til landsliðið Fyri Víking var tað stórur smeitur, at stóri profilurin á Víkinga liðnum og ársins leikari seinastu tvey ár­ ini á rað, Sølvi Vatnhamar, móti dystar­enda mátti av vøllinum við skaða. Sølvi Vatnhamar rendi saman við B36 málverjan, Trygva Askham, og lá leingi á vøllinum. Og tað sást beinavegin, at talan var um álvar­sama støðu. Sølvi Vatnhamar sigur, at skaðin er so mikið álvarsamur, at hann hevur meldað avboð til teir báðar komandi landsdystirnar móti Aserbaijan og Kosovo. Tað sum hendi var, at eg havi brotið nøkur rivjabein. Eg eri sjálvandi harmur um, at eg var noyddur at melda avboð til landsliðið av tí, men soleiðis kann tað eisini ganga, sigur Sølvi Vatn­hamar. Fótbóltur Dysturin hesa vikuna... Brandur Jacobsen, formaður í Víkingi FÓTBÓLTUR VIT FARA AT REISA OKKUM AFTUR