týsdagur 9. oktober 2018síða 8

Mikudagur 10. oktober 2018 · Nr. 117 8 Sosialurin Hugskot og viðmerkingar – send sms til 225000 TÍÐINDI Hvassur orðadráttur nú valið nærkast Tað prutlar undir lokinum og spenningur økist til valið verður Árni Gregersen GREINING: Politiska arbeiðið er komið í gongd nú heystið er komið. Tað merkist á bæði andstøðu og samgongu, at hetta er seinasta tingsetan áðrenn vit fáa val til Løgtingið. Formliga skal valið í seinasta lagi vera 1.september, men ongin í politisku skipanini væntar, at hetta heldur so leingi. Fyrst og fremst av praktiskum orsøkum. Tað er ikki serliga heppið at hava val eftir ólavsøku, tí tá kem­ ur skipanin av nýggjari sam­gongu ov tætt at arbeiðnum at gera fíggj­ ar­lóg fyri 2020. Tí meta tey flestu, at situr hend­ an samgongan so leingi sum til ber, so fer samgonguleiðarin at út­skriva val at halda áðrenn summ­ar­frí­tíð­ ina 2019. Hetta er um alt gongur eftir vild hjá samgonguni og um innanhýsis ósemj­unar ikki spreingjast og hava eitt val við sær. Í fleiri støðum er løtt – spurn­ ing­urin er bara nær spreingingin hendir. Tunnilsmál Sum vit hava merkt fyrr í politikki, so er spurningurin um berghol, vegir og havnir vanliga rættuliga heitur, tá ið val nærkast. Í løtuni ger tað sama seg gald­ andi. Ein megastór íløga verður gjørd í undirsjóvartunlar millum Havn­ina og Skálafjørðin og millum Velba­stað og Sandoynna. Hetta eru íløgur fyri einar tríggj­ ar milljardir krónur. Íløgurnar eru so stórar og ógvusligar, at ongin semja er gjørd í politisku skipanini um innkomuvegirnar – hvørki í Havn ella í Runavík. Í dag liggur fast, at hetta eru spurn­ingar, sum ikki verða loystir áðr­enn liðugt er at gera tunlarnar. So hóast breiða semju, ger tað almenna sama brølara sum í Ledir­ víki: semjan er bert um tað sum hendir undir vatnskorpuni – ikki hvussu slepst víðari við ferðsluni á landi. Hitt eru hinir tunlarnir. Semja er um at gera Hvalbiartunnilin fyrst, men hvat so skal henda tyk­ist óvist. Dalur og Fámjin eru smá­bygdirnar, sum júst nú eru í klemmu í politisku skipanini, men sum vit skrivaðu fyrr í vikuni, so er helst politiskur meirluti fyri at geras Fámjin fyrst. Tá vit skriva fyrst, so er tað tí tað er ivasamt, hvat tingfólk í Norð­oyggj­um fara at gera. Hóast tey helst vilja hava Fámj­ in fyrst - eisini fyri at spæla sam­ gong­uni eitt puss – so melda tey ikki greitt út, tí tað kann hava við sær, at tunlarnir Norður um Fjall koma seinni – og tað hava tey ong­ an áhuga í. Fíggjarlógin Eitt annað, sum eisini kann gera enda á einari og hvørjari sam­ gongu, er seinasta fíggjarlógin í val­skeiðn­um. Hendan samgongan hevur lagt uppskot fram til seinastu fíggj­ar­ lógina í hesum valskeiðnum. Orðaskiftið undir 1.viðgerð var ikki serliga hvast, men undir yvir­ flat­uni liggja nógv mál, sum kunnu spreingjast. At onkl beinleiðis stríð er brostið á enn, er tí at øll í skipanini vita, at uppskotið í veurleikanum er vegleiðandi. Fyri at meirluti kann fáast fyri uppskotinum, so skulu pengar flytast higar og hagar. Uppskotið leggur upp til eitt avlop uppá 400 milljónir krónur, so til ber at gera okkurt, so at­kvøð­ urnar gerast nóg nógvar, tá ið at­ kvøðast skal. Ongin skal gerast serliga kløkk­ ur, verður málið um tunlar knýtt at fíggjarlógini og møguliga eisini onn­ur ting. Soleiðis er politikkur: tú sigur eitt hendan vegin, so fær tú okkurt ein annan veg. Landsstýrismaðurin Henrik Old hevur lagt frá sær sum landsstýrismaður, tí samgongan vil gera tunnil til Dals áðrenn tunnil til Fámjins. Løgmaður hevur sagt, at hann fer at tilnevna nýggjan lands­ stýrismann beint undan heyst­frí­ tíð­ini ella beint eftir heystfrítíðina. Men nú ljóðar millum sam­ gongu­fólk í Tjóldi og Framsókn, at tað kanska ikki er heilt rætt, at Javnaðarflokkurin fær lands­ stýris­mannin aftur. Flokk­urin er tódnaður við tveimum tingfólkum, síðani samgonguskjalið bleiv undir­ skrivað 14.september 2015. Hetta er kanska ikki eitt ser­liga stórt mál, men tað er tó steinur omaná byrðu hjá sam­gongu­leið­ar­ anum Aksel V. Johannesen. Tað sum eftir er av heystinum er ein spennandi tíð fyri tey, sum hava áhuga fyri politikki. Aksel V. Johannesen, samgonguleiðari, fær nóg mikiå at gera í heyst Henrik Old legði frásær. Spurningurin er um Javnaðurin fær ein landsstýrismann fyri hann Tunlar vegir og havnir hava altíð fylt nógv í politisku skipanin i, tá ið val nærkast