týsdagur 16. oktober 2018síða 4

Mikudagur 17. oktober 2018 · Nr. 120 4 Sosialurin Hugskot og viðmerkingar – send sms til 225000 – Vit eru liðurin millum leiðslu og næmingar Næmingarnir á Glasi valdu í síðstu viku næmingaráð at umboða allar næmingarnar Sólvá Lindenskov Róadóttir Næmingar á Glasi høvdu fríggja­ dagin 28. september atkvøðu­ greiðslu, har nýtt næmingaráð var sett at umboða allar næmingarnar á Glasi. Tað serstaka við nýggja næm­ingaráðn­um er, at tað er skipað javnt, soleiðis at allar deild­ ir­nar á skúl­anum hava umboð í næm­ing­a­ráðnum, og at atlit er tikið til bygn­aðin av kynunum í ráðn­um. Síðan næmingaráðið var sett, hava tey arbeitt við ymiskum sum næm­ ingar, ynskja at leiðslan skal fáa at vita og betra um, og tað virkar til at leiðslan tekur ym­isku áheit­ar­nir­ nar til sín, sigur Súsanna Nielsen, næst­for­kvinna í næming­ar­ráðnum á Glasir. Síðan skúlagongdin á Glasir byrj­aði í august, hevur nógv rok og kjak verið, um ymisku fyrimunirnir og vansarnir við bygnaðinum og inn­rætt­ingini av skúlanum. Eitt nú at all­ur skúlin er glas og tískil ger tað trupult fyri summi at savna tank­arnar og fylgja við, og so tað, at tað er meira hugsað um útsjónd enn nýtslu av skúlanum. Til hetta sigur Súsanna Nielsen, at tað var við vilja, at skúlin skuldi vera glas, og tí er innættingin gjørd soleiðis, at um tú verður for­stýr­að­ ur av at síggja út, so ber til at venda borð­inum soleiðis, at tú fært sum best burturúr. - Vit eru komin burtur frá hesum typ­isku rekkju borðunum, tað er meira frítt, hvussu tú vil fylgja við, eitt nú hvønn veg tú vendur, leggur Rók­ur Herup Olsen, formaður í næm­ingarráðnum, afturat. Næmingaráðið er fyri allan skúl­ an, tað eru umboð fyri allar deildir, og allir næmingar hava rætt at stemma upp á øll, óansæð hvørjari deild tey eru á. Síðan næmingaráðið var sett, hava tey arbeitt við ym­isk­ um, sum næmingar ynskja verð­ur tikið til eftirtektar á Glasir. Mill­um annað hava gøtuljós á park­er­ings­ pláss­unum verið eitt evni, ið næm­ ing­ar ynskja verður hugsað um, nú myrkari tíðir nærkast, og hetta hevur leiðslan tikið til sín, siga Rókur Herup Olsen og Súsanna Nielsen. Eisini hevur prát verið um innrætting og gardinur, so­leið­is at sólin ikki forstýrar, men næm­ing­ ar­ráðið vil verða við, at leiðslan er ógvuliga góð at arbeiða saman við, sum ger tað lættari at umboða næm­ing­arnir og at verða hoyrdur. - Vit eru liðurin millum leiðsluna og næm­ingarnir, okkara uppgáva er at sløkkja eldar og umboða næm­ingar, og leiðslan er ógvuliga góð til at samarbeiða, sigur Adam Andreas­sen, nevndarlimur í næm­ ing­a­ráðn­um. Um umstøðurnar á skúlanum siga tey, at sum heild eru umstøð­ ur­nar ógvuliga góðar. Tey leggja dent á, at umstøðurnar á eitt nú Stud­entaskúlanum í Hoydølum vóru »út av lagið vánaligar«. - Tað eru vesir á aðru­hvørjari hædd, og elevatorar á hvørjari hædd, so um­støð­urnar eru góðar, sig­ur Rók­ur Herup Olsen. Í høvuðs­ bygn­inginum í Hoy­dølum var bert vesi á fyrstu hædd­ini, leggur hann aft­ur­at. Tað er eisini umráðandi at hava í huga, at Glasir er ein nýggjur bygn­ ing­ur, sum enn er undir bygging, tískil er skúlin viðbrekin og hevur ávísar feilir. Men har tað eru feilir, er pláss at betra um og arbeiða feil­ ir­nir burtur, sigur Súsanna Nielsen. Vit royna at arbeiða okkum burt­ur frá ymisku siðvenjunum, skúl­arnir høvdu frammanundan og skapa nýggjar, soleiðis at skúlin gerst ein eind og ikki verður deildur í fleiri bólkar. Til dømis hava vit í dag framsýning í matarsteðginum, har fleiri deildir á skúlanum hava arbeitt saman fyri at fáa tað í lag, sigur Súsanna Nielsen. Sum heild gongur tað væl at fáa skúlan samlaðan til eina eind, tí all­ir skúlarnir eru á einum stað nú, summi eru glað um at tey sleppa at ganga á ymiskum deildum og enn ganga í sama skúla sum vin­fólkini. Tað haldi eg eri tað góða við Glasir, man hevur fleiri val­møgu­leikar, man velur ikki skúla eftir hvar vinfólkini fara, tí øll fara í sama stað, sigur Súsanna Nielsen. Tað vil siga, at man kann fylgja sín­um áhuga­málum og enn verða sam­an við vinfólki. Eisini ber tað til, at byggja lestnaðin soleiðis, at 20 pro­ sent av tínari leið verður sam­einað við fak frá øðrum leiðum, um man vil tað. Til síðst leggur Adam Andreas­ sen afturat, at sum heild eru næm­ ing­arnir nøgdir við skúlan, men tað kemur at verða nakað, man má venja seg við, also hetta at alt er glas. - Tað tók mær umleið tvær vikur at venja meg við at síggja fólk ganga uttan fyri skúlastovuna, men nú forstýrar tað meg slett ikki. Sjálv­andi er tað ymiskt fyri øll, men tað er nakað man venur seg við, sig­ ur Adam Andreassen til seinast. Hesi sita í næmingaráðnum á Glasi: Rókur Herup Olsen er formaður Súsan Nilssen er næstforkvinna Ida á Reynatúgvu er skrivari Fríði Magnussen er kassameistari Restin av nevndarlimunum eru: Páll Rubek Joensen Heiðrun Hammer Erlingsson Adam Andreassen Sámal Pauli B. Petersen Eyðstein Johansen GLASIR