týsdagur 16. oktober 2018síða 40

SOSIALURIN OKTOBER 2018 16 KVEIK Sólvá Lindenskov Róadóttir Heimið er tryggi karmurin um lívið hjá tær og tínari familju, og tí er tað ógvuliga umráðandi at hava røttu tryggingarnar. Um tú kemur í ta óhepnu støðu, at heimið, aðrar ognir ella tú sjálv/ur fært skaða, er tað ein fyrimunur at hava neyðugu tryggingarnar, soleiðis at tú ikki stendur á berum, men hevur eitt fíggjarligt trygdarnet, sigur Heidi í Homrum, tryggingarráðgevi í Trygd. SETHÚS Tá Trygd tryggjar sethús, verða tey nývirðistryggjað. Í stuttum merkir hetta, at nýtt dekkar gamalt. Tað vil siga, at tú til dømis hevur eina takrennu, sum dettur niður av tungum kava ella illveðri, fært tú eina nýggja endurgoldna. Og tað sama er galdandi um húsini brenna, so fært tú eini nýggj hús. Tað er sostatt ikki neyðugt at seta eina upphædd á sethúsatryggingina. Tað er tó neyðugt at upplýsa fermetratalið á húsunum, sum skulu tryggjast. - Fyri at tryggja, at kundarnir hava allar tryggingarnar í lagi, ringi eg javnan og spyrji, um teir eitt nú hava bygt út, innrættað o.s.fr., soleiðis at tryggingin er í lagi, skuldi nakað hent, sigur Heidi í Homrum. MINST TIL AT BOÐA FRÁ, UM UMSTØÐURNAR BROYTAST Um tú eitt nú hevur teknað eina sethúsatrygging fyri 10 árum síðan, og nú velur at innrætta kjallaran, er tað umráðandi, at tú minnist til at boða tryggingarfelagnum frá hesum. Hetta kemst av, at innrættingin økir um virðið á sethúsunum, og hesum má hædd takast fyri í sjálvari tryggingini. Hetta er eisini galdandi, um tú t.d. byggir ein bilskúr, amboðsskúr, úthús ella eitthvørt, sum ger, at fermetratalið á húsinum veksur. Í dag er tað heldur ikki púra óvanligt, at hava hitapott ella gosbað uttan fyri húsini, og hetta má ein eisini minnast til at kunna tryggingarfelagið um. TRYGGJA ALT TAÐ LEYSA Familjutryggingin fevnir um alt privat innbúgv sum eitt nú møblar, klæðir, køksamboð o.a. Og her skalt tú sjálv/ur áseta tryggingarupphæddina. Tað er ikki altíð so lætt at meta um røttu upphæddina, men her kann Trygd vegleiða teg. - Um tú eigur innbúgv fyri 1 mió. kr. er tað umráðandi, at tú ikki setur tryggingarupphæddina at vera minni enn 1 mió. kr., sigur Heidi í Homrum. Av tí at innbúgv er nakað sum kann broytast, er tað umráðandi at kanna javnan, fyri at fáa eina hóming av, hvussu stórt virðið á innbúgvinum er, sigur Heidi í Homrum. Sethúsatrygd og Familjutrygd eru hvør sín trygging, og ein stuttligur máti at greiða frá muninum millum tryggingarnar er, at um vit ímynda okkum, at vit taka húsið og venda tí á høvdið, so er innbúgvið at skilja sum alt tað leysa, ið dettur úr húsinum. Og hetta er fevnt av Familjutrygd. Alt tað, sum situr fast í húsinum, er tað, sum hoyrir til Sethúsatrygd. Hitapotturin er tó eitt undantak, ið hoyrir til sethúsatryggingina, leggur Heidi í Homrum afturat. TRYGGJA TAÐ DÝRABARASTA Ein vanlukkutrygging er sera hent at hava hjá tær og tínari familju, um onkur tykkara fær varandi mein ella doyr av eini vanlukku. Tað ber eisini til at tekna eina serstaka vanlukkutrygging til børnini, sum tryggjar tey, um tey eitt nú fáa álvarsaman skaða ella tannskaða. TELEFON, BRILLUR O.S.FR. Tú kanst eisini tekna ískoytistrygginngar, sum dekka um tú til dømis missir telefonina á gólv, og hon brotnar, ella um tann dýri vasin, brillurnar o.s.fr. brotna. Harumframt hevur Trygd í ár ment eina nýggja trygging til teirra, sum leiga bústaðin út í styttri tíðarskeið, eitt nú umvegis Airbnb og annað, sigur hon at enda. Heidi í Homrum, tryggingarráðgevi hjá Trygd, gevur góð ráð um, hvat tú skalt hugsa um, tá tú tryggjar teg og tínar ognir TRYGGINGAR GEVA FÍGGJARLIGA TRYGD FÍGGJA AV BANK NORDIK