hósdagur 25. oktober 2018síða 26

VINNUBLAÐIÐ HJÁ MIÐLAHÚSINUM oktober 2018 2 26 Nýggir vanar krevja nýggjar tænastur SEINASTU ÁRINI ERU MATVANARNIR Í FØROYUM BROYTTIR – VIT ETA ÚTI ELLA KEYPA TAKE AWAY HEIM VIÐ Árni Gregersen Tað eru ikki so mong ár síðani, at føroyingar ótu allar høvuðsmáltíðir heima. Í hvussu so er var tað soleiðis, at døgverðin var etin heima á middegi og vanliga var nátturðin eisini etin heima um kvøldið. So hvørt sum so at siga øll fóru at arbeiða uttanfyri heimið, er hetta broytt. Nú er tað vanligt – í hvussu so er í størru býunum – at fólk eta døgverðan á arbeiðsplássunum ella á matstovum og tað er eisini vanligt at keypa liðugtgjørdan mat heim við til kvøldarmáltíðina. Eitt nýtt rák rundanum okkum er eisini, at tá ið fólk eru komin heim, so velja tey at ringja til matstovur og biðja um, at maturin verður koyrdur heim. Vanligt hevur verið, at hetta er nakað, sum matstovurnar sjálvar hava gjørt – kanska ser­ liga tær sum selja pizza – men í øðrum lond­um er eitt konsept, har til ber at ringja til eina fyri­ tøku, sum so koyrir matin út til kundan. Eisini í Føroyum Hesar fyritøkur eru kendar í øðrum londum. Í Dan­mark er ein slíl fyritøka , sum kallast Just Eat. Tilsvarandi fyritøkan í Føroyum kallast heinta.fo. Síðani september hevur hon verið virkin og koyrt mat út til kundar ymsastaðnum í landinum, men tó fyri tað mesta í Havn. -Men vit koyra har sum landafast er, sigur Teitur Friduson Andreaasen, sum hevur stovnað fyritøkuna. Fyribils arbeiðir heinta.fo eftir klokkan 16. -Ja, vit hava valt at arbeiða seinnapartin á degnum og um kvøldið. Tað er sjálvandi eisini okkurt at gera um middagsleitið, men vit eru ikki rættuliga tilreiðar at taka okkum av tí enn, sigur Teitur Friduson Andreasen. Hann sigur, at tað fyrst og fremst eru fólk millum 25 og 40 ár sum brúka tænastuna hjá heinta.fo, men tey heilt ungu brúka hana eisini. -Tað kunnu sjálvandi vera ymiskar orsøkir til at brúka tænastuna. Tey sum eru millum 25- 40 ár eiga ofta børn og hava ringa tíð, so hjá teimum kemur hetta væl við. Eisini hava fleiri teirra lisið uttanlands og kenna til og eru von at brúka slíkar tænastur, sigur stovnarin.. Flyta alt Grundleggjandi flytir heinta.fo alt, sum skal flytast. Tingini og maturin verður fluttur við smáum bilum, sum ikki brúka nógv bensin, tí koyringin er nógv. Maturin verður fluttur í taskum, sum eru væl bjálv­aðar, so maturin heldur seg væl heitan. -Vit hava hugt eftir, hvussu tey gera aðra­ staðni. Tað vísir seg, at tey eisini brúka bjálv­að­ ar taskur, tí tær halda hitanum sera væl, so tað er ongin grund til at hava bilar við hitaskápum, sigur Teitur F. Andreasen. Ungfólk Teitur F. Andreasen rekur fyritøkuna saman við Áslakki Holm. Men tá ið nógv er at gera, so eru teir noyddir at fáa onnur fólk at hjálpa sær. -Vit brúka serliga ungfólk. Tey tíma hetta betur enn at sita við ein kassa í einum handli og so eru tey kvik og skunda sær. Tað skal ganga skjótt fyri seg, tí ofta koma fleiri ordrar um somu tíð, sigur leiðarin. Allar bílegginggar skulu gerast á inter­net­in­ um, bæði av mati og av útkoyringini. Á heimasíðuni sæst hvørjar matstovur eru knýtt­ar at fyritøkuni og hvørjar fyritøkur heinta. fo hevur avtalu við. Teitur F. Andreasen stovnaði felagið Áslakkur Holm og Teitur F. Andreasen reka felagið í felag