mánadagur 12. november 2018síða 8

Mánadagur 12. november 2018 · Nr. 131 8 Sosialurin Hugskot og viðmerkingar – send sms til 225000 TÍÐINDI Útlendingar keypt ein part av Tavuni Teir, sum keypa stóran part av gulllaksinum frá Tavuni hava keypt 20 prosent av partabrøvunum í felagnum í Leirvík Árni Gregersen Størstu keypararnir av gull­ laksi frá Tavuni í Leirvík er eitt norskt felag. Tað er hetta felagið, sum nú hevur keypt 20 prosent av partapeninginum í Tavuni. Frammanundan áttu Jógv­ an Elias Joensen, Ingvar Joen­ sen, Joen Magnus Rasmussen og Norðoya Íløgufelag allan parta­peningin í felagnum. - Norsku keypararnir hava leingi vilja sloppi at eiga ein part í fyritøkuni, sigur Ingvar Joensen, stjóri. - Teir eru blivni nógv tann størsti keyparin av vørunum frá okum og tí vilja teir eisini tryggja sær, at teir standa ovast á keyparalistanum, ser­ liga um tað fer at standa á lata øllum nóg mikið, sigur stjórin. Norska felagið hevur sein­ astu árini keypti fleiri smærri keyparar hjá Tavuni upp í Noreg og tí er norska fyritøkan vorð­in ein so stórur keypari hjá Tavuni. Tavan selir millum helvt­ina og tveir triðingar av fram­leiðsluni til norska fel­ agið, sum er ein partur av Salm­ar-samtakinum. Norska felagið hevur fingið ein nevdarlim í nevndini hjá Tavuni. Trygd At norska fyritøkan tryggjar sær ognarlut í føroyska veit­ar­ an­um er sjálvandi ein trygd fyri fyritøkuna, men hetta er sjálvandi eisini ein tryggleiki fyri fyritøkuna í Leirvík. - Í eini tvey ár hava teir sagt, at teir vilja sleppa uppí fyri­ tøk­una, men vit hava verið eitt sindur ivasamir. Kortini hava vit mett støðuna soleiðis, at hetta eisini er ein tryd fyri Tav­una. Hetta ger, at vit hava trygd fyri, at ein stórur keypari er til okkara vørur, sigur Ing­var Joensen. Tavan hevur fyrst og fremst arbeitt við gulllaksi seinastu mongu árini Gulllaksafars er ein kend handilsvøra á heima­ markn­aðinum, men tað verður fyri tað mesta útflutt. Tað er soleiðis, at har sum gulllaksafars ikki verður brúkt, har ber tað til at brúka surimi í staðin fyri. - Tað er sjálvandi altíð ein vandi fyri tí, men gulllaksur er tað betra og tí vilja okkara keyp­ara helst hava tað, sigur Ingv­ar Joensen Tavan arbeiðir ymiskt annað enn gullaks. Seinastu árini hava tey arbeitt sild og selt til Svøríkis. Fyritøkan hevur gingið væl seinastu mongu árini. Verður hugt eftir seinastu 10 árunum, so hevur ársúrslitið samanlagt verið góðar 93 milljónir krónur. Bestu árini hevur avlopið verið yvir 10 milljónir krónur. Í fyrraárið var avlopið góðar 10 milljónir krónur, meðan tað í fjør var 5,5 milljónir krónur. 65 ársverk eru á virkinum í Leirvík. - At keypararnir nú eru part­ ur av fyritøkuni ger, at okk­ara marknaðarviðurskifti eru trygg­ari, men tað kann eis­ini hava við sær, at vit gerast part­ ur av at virka onnur fiska­sløg, sum keypararnir kanska hava áhuga í, sigur Ingvar Joen­sen at enda. Ingvar Joensen er stjóri á Tavuni í Leirvík Tavan liggur á havnarlagnum í Leirvík Stjørnan og Polarhav hava roynt eftir gulllaksi í mong ár