hósdagur 25. november 2004síða 7

12 Nr. 226 - 25. november 2004 Nr. 226 - 25. november 2004 13 Jólabygdin Æðuvík tendrar HUGNI Vilmund Jacobsen vilmund@sosialurin.fo Seinastu árini hevur verið hugnaligt at rulla sær oman í bygdina í Æðuvík í jólamánaðin- um. Húsini í vøkru bygdini er øll upplýst við jólaperum av al- skyns slagi, heilt úr túninum upp í skjøldr- arnar, og onkur flagg- stong hevur eisini fingið síni ljós, heilt upp í sjálvan toppin. Og æðuvíkingar vilja varðveita hesa "traditiónina" til gleði fyri bygdarfólkið og tey, sum vitja bygdina. Aftur í ár fara æðu- víkingar at pynta. Ljósini tendra Komandi sunnudag, sum er fyrsti sunnu- dagur í advent, verður tendrað - og hetta verður júst klokkan 19. Hornorkestrið fer at spæla og Árni Joen- sen, sum er borgar- stjóri í Oyndarfirði, fer at halda røðu. Í Æðuvík siga tey, at eplaskivur og gløggur verða at fáa undir til- takinum. - Vit ynskja øllum at vera hjartaliga væl- komin til Æðuvíkar, siga tey í syðstu bygd- ini í Runavíkar komm- unu, sum nú fer at líkjast sær sjálvari í jólamánaðinum. - Tiltakið er alment, og øll eru hjartaliga vælkomin, siga tey, sum varða av Vest- manna Kirkjukóri HUGNALØTA Vilmund Jacobsen vilmund@sosialurin.fo Komandi sunnudag, 28. november klokkan 18, sum eisini er fyrsti sunnudagur í advent, skipar Vestmanna Kirkjukór saman við Vest- manna kirkju, fyri hugna- løtu við ókeypis ábiti í auluni í Vestmanna skúla. Í fleiri ár hevur Kirkju- kórið skipað fyri hesi hugnaløtu – og nú sunnu- dagin endurtaka tey í Vest- manna so hetta tiltak. Á skránni verður røða, tónleikur, kórsangur, fe- lagssangur og annað. Tað verður Bárður Niel- sen, landsstýrismaður í fíggjarmálum, sum fer at siga nøkur orð. Teir báðir, Pauli Magnus- sen og Jógvan Toftum fara at spæla undir til kórsangin og felagssangin sum verð- ur. Umframt Paula og Jógv- an, fer tann landskendi, Magni Christiansen, at syngja nøkur løg av nýggju fløguni, sum kemur út til jóla. Vestmanna Kirkjukór, sum telir eini 40 fólk undir leiðslu av Erlu Olsen, kem- ur eisini at framføra nakrar sangir. Hini árini, tiltakið hevur verið, hevur aulan í Vest- manna skúla verið meir enn full, og tí heita stigtakar- arnir á fólk um at møta stundisliga til hugnaløtuna. Tiltakið í Vestmanna skúla er ókeypis, men fólk kunnu eins og seinast lata eitt oyra til Vestmanna kirkju. - Tiltakið er alment, og øll eru hjartaliga vælkomin, siga tey, sum varða av Vest- manna Kirkjukóri. Ókeypis hugnaløta í Vestmanna Vestmanna Kirkjukór avmyndað í Roskilde kirkju - Seinastu árini eru seks spildurnýggj skip komin til Leirvíkar, og tað kunnu vit sum bygd vera errin av, segði borgarstjórin NÝBYGNINGAR Vilmund Jacobsen vilmund@sosialurin.fo Borgarstjórin í Leirvík, Sjúrður Eliasen, segði nøk- ur orð, tá ið nýggju skipini, Polarhav og Stjørnan, fyri fyrstu ferð løgdu til bryggju í Leirvík týs- kvøldið. - Osmund og Tummas – og allir tit umborð á skip- unum! Vælkomnir heim úr Íslandi við hesum nýggju, stóru og stásiligu skipum. Bygdarráðið, bygdarfólkið og onnur við eru komin saman her at fagna tykkum hesa hátíðarløtu. Og lat meg siga beinanvegin: Vit eru errin av, at tað stendur Leirvík á hekkuni á hesum skipum… Borgarstjórin segði, at skipini eru eitt úrslit av áhaldandi og framhaldandi endurnýggjan og nýhugsan av okkara skipaflota, og Stjørnan og Polarhav eru væl kend nøvn. - Síðan partroling byrj- aði, er hetta triðja parið við hesum nøvnum. Hann vísti á, at eitt, sum hevur sermerkt hesi skip, er, at manningarnar hava trivist ógvuliga væl umborð á teimum. - So, samanhaldið mill- um manning og reiðarí má hava verið sera gott, legði hann aftrat. Ikki bara rúgvan - Havið er tað sama nú sum fyrr. Har kanst tú uppliva alt veður. Tí er at frøast um, at so nógv verður hugsað um at gera alt betri og betri fyri manningarnar. Men eisini fyri at fáa fisk – og at fáa hann til lands so góðan og feskan sum gjørligt. Sjúrður vísti á, at tað ræður um at fáa sum mest í peningi burtur úr tí, sum fiskað verður. - Eingin livir longur bara av nøgd. Góðska skal eisini til, og hesi bæði til samans geva peningin at rinda skipini og hýrurnar fyri. Og Sjúrður helt fram: - Her liggja so tey nýggju og stásiligu skipini, sum vit øll gleða okkum um at sleppa umborð á og síggja. Borgarstjórin segði seg vóna, at hetta ódnartak verður til stóra signing fyri skip og manning – ja, til signing fyri okkum øll. Seks nýggj skip Sjúrður segði, at seinastu árini eru seks spildurnýggj skip komin til Leirvíkar. - Og tað kunnu vit sum bygd vera errin av. At enda ynskti hann góða eydnu við skipunum báðum og segði seg vóna, at tey fara at føra mangan fyltan fongin til lands. Lesið eisini greinina á blaðsíðu 30 í blaðnum í dag. Borgarstjórin í Leirvík, Sjúrður Eliasen: Tað stendur Leirvík á hekkuni… Tað var ógjørligt at avmynda nýggju skipini í myrkrinum og oysandi regninum, tá ið tey komu týskvøldið. Men mikumorgunin tóku vit hesa myndina Mynd: Vilmund Jacobsen Sjúrður Eliasen, borgarstjóri í Leirvík, avmyndaður í garðinum við kommunu- skrivstovuna mikumorgunin Mynd: Vilmund Jacobsen Sólrun Lómstein 65 ár Í dag, hósdagin 25. no- vember, verður Sólrun Lómstein á Toftum 65 ár. Sólrun er væl kend á Toft- um, har hon saman við manninum rekur einasta matvøruhandilin í bygdini. Foreldrini hjá Sólrun vóru Betty og Petur Skaale á Toftum. Tey fingu tvær døtrar. Sólrun var tann eldra, og Betty, sum er gift Jógvani við Keldu í Klaks- vík, var tann yngra. Mamman doyði, tá ið hon hevði átt hana, og hon er uppkallað eftir mammuni. Piddi var 93 ára gamalur, tá ið hann doyði í 1999. Hann búði fyri seg sjálvan, men Sólrun og hennara vóru serliga nógv um hann. Sólrun vaks upp mitt í meldrinum á Toftum. Pápin hevði handil og postin, og harvið kendi hann eisini ábyrgd fyri mjólkabátun- um, sum við farmi og fólki sigldu millum Havnina og Skálafjørðin. Mest sum alla sína tíð hevur Sólrun verið við í virkseminum hjá páp- anum, og nú eru tað næstan 34 ár síðani, at hon og maðurin yvirtóku handilin, sum tey framvegis eiga og reka. Sólrun var ikki meiri enn stór smágenta, tá ið hon fór at spæla í sunnudagsskúl- anum í salinum á Toftum, og fram ímóti einari hálvari øld hevur hon spælt til møtini í salinum. Ivaleyst eru tey fleiri, sum komast við plátuna, sum Sólrun Skaale og Oddmar Færø sungu fyri meiri enn fjøruti árum síðani. Eitt nú sungu tey Lítið barn sum meg. Sólrun fylgir væl við í samfelagnum, hon er familjukær, hevur serligt hegni at taka sær av fólki, og hon er sera góð við heimstaðin. Eitt nú hevur hon verið virkin í forn- minnisfelagnum og bygda- savninum á Toftum, síðani tey vórðu sett á stovn. Í 1967 giftist Sólrun við Hanusi Lómstein, sum er ættaður úr Syðrugøtu. Tey bygdu uppi á Hamri, og tey eru mong, sum hava sitið væl inni hjá teimum. Sólr- un og Hanus eiga fýra børn, sum øll eru gift og eiga børn: Betty býr í Keyp- mannahavn, har hon er farmaseutur, Erla er trú- boðari í Venezuela, Gurðun er trúboðari í Russlandi, og Andrass flutti í summar úr Keypmannahavn og aftur til Toftir, har hann er lærari. Sólrun eigur ellivu ommu- børn - tríggjar gentur og átta dreingir. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. John Høj 75 Í dag, 25. november, fyllir John Høj í Klaksvík 75 ár. Mamma hansara, Ebba, var ættað úr Innistovu í Vági (Klaksvík), og pápin, Jákup Adrian Høj, var ættaður av Strondum. John vaks upp á Vágsheygnum, og har hev- ur hann búð mestsum alt sítt lív. Tó búði hann úti í Grótinum í nøkur ár eftir, at hann giftist við Fíu, dóttir Annu og Jógvan Isaksen. John tók millumskúla- prógv í Klaksvík. Hann ar- beiddi so í krambúðini á Stongunum og á skriv- stovuni hjá Kjølbro í nøkur ár. Fyrst í fimmtiárunum fór hann at arbeiða á Klaks- víkar Hermetikk, vanliga nevnd Bollafabrikkin. Virkisleiðari har var týskar- in Paul Lammers, og John fór við honum til Týsklands at læra hermetikk og hað- ani til Svøríkis at nema sær meira kunnleika. Heimaft- urkomin varð hann virkis- leiðari á Bollafabrikkini. Umframt at hava útbúgving í hermetikkframleiðslu, hevði hann eisini keypt allar uppskriftirnar hjá Lammers. Í 1964-65 endaði hann sína útbúgving á Norges Hermetikfagskole í Stavanger. Á Bollafabrikkini fram- leiddu tey ymiskar vørur: bollar og fiskakøku í blikk- um, gaffilbitar, sild í tomat, fugl í soði, og tey arbeiddu eisini hummara. Herme- tikkvirkið var eitt av teim- um góðu arbeiðsplássunum í Klaksvík, millum annað tí at arbeiðið var so fjølbroytt frá einari árstíð til aðra. Fyrst í 60-unum fór Kjøl- bro eins og aðrir í landinum at royna flakavinnu um- framt framvegis at arbeiða saltfisk og klippfisk. Ein part av árinum varð flak skorið á Bollafabrikkini, til tað stóra flakavirkið á Kós- ini læt upp í 1966. John varð settur sum virkisleiðari á flakavirkin- um og var har til 1991, ta seinastu tíðina sum stjóri. Bollafabrikkin virkaði und- ir aðrari leiðslu í nøkur ár, men varð so latin aftur við alla. Frá 1980 og nøkur ár fram var John eisini nevnd- arlimur í Pf. J.F. Kjølbro. Kósavirkið var tað størsta í landinum, men John hevði eisini áhuga fyri landsins minsta flakavirki. Um árs- skiftið 1973-74 keypti hann virkið í Árnafirði, og tað fór aftur undir flakafram- leiðslu í august 1974. Virk- ið keypti í fyrstani mest smáa hýsu frá Kósavirkin- um og spesialiseraði seg í at gera raspað hýsuflak, sum hevur roynst óføra væl og hevur fingist til keyps í handlinum fyri sera rími- ligan prís. Tey seinnu árini hevur virkið keypt fisk á uppboðssølu. Virkið í Árnafirði er bygt út fleiri ferðir, seinast í fjør. Tá varð frystiorkan mun- andi økt og nýggj skriv- stova bygd. Arbeiðið á virk- inum hevur verið rættiliga støðugt. John og Fía eiga børnini Ebbu, Jógvan og Joan. Ommu- og abbabørnini eru 11 í tali og langommu- og langabbabørnini 2. John og Fía hava havt sína trúligu gongd í Betes- da. Tey sungu í kórinum, og John var eisini sunnudags- skúlalærari í mong ár. Dagurin 25. november. Katrin, deyð umleið ár 300. Halgisøgurnar greiða frá eini vakrari og klókari prinsessu í Aleksandriu, sum mangir hábornir menn bóðu um, líka keisarin. Men hon vildi ongum játtast, tí at Kristus var hennara sanni brúðgómur. Hon viðgekk alment kristnu trúgv sína og varð tikin av døgum. Hon varð jarðað á Sinaifjalli, har eitt katrinarkleystur er bygt yvir grøv hennara. Navnið er grikst og merkir hin reina, hin óspilta. Tøkk Øllum tykkum, sum stukku inn á gólvið og mintust meg á 70 ára føðingardegnum, og við gávum, blómum, fjarritum og telefonsam- røðum gjørdi okkum dagin hugnaligan, takki eg hjarta- liga. Somuleiðis vilja vit ynskja vinum og kenningum gleðilig jól og eydnuríkt nýggjár. Vinarliga heilsan Hady 85 ára føðingardagur Í dag, 25 november fyllir Frederik Jacobsen, Klaksvík 85 ár. Dagurin verður hildin hjá soninum Maller, undir Klakki 26 frá kl. 16.00. Jákup Kass 80 ár Hósdagin í síðstu viku, 18. november, varð Jákup Kass á Strondum 80 ár. Hann fór stillisliga avstað, og rundi dagurin varð hildin saman við familjuni. Jákup Kass var í mong ár frammarlaga í samfelagnum, men nú eru nøkur ár síðani, at hann og konan, Anna, fluttu aftur til Strendur, har tey búgva í barndómsheiminum hjá henni. Foreldrini hjá Jákupi Kass vóru Sanna og Bartal Johasen í Kass á Strondum. Tey fingu tíggju børn. Ják- up er elstur, Hilmar býr í Havnini, Nicolina býr í Havnini, so eru tað tví- burðarnir Hanni, sum býr á Strondum, og Hanna, sum býr í Vejle, Anne Bertha býr í Havnini, Sólborg býr á Argjum, Judith býr í Vejle, Hans Jákup býr í Keypmannahavn, og Ernst býr í Havnini. Jákup tók málsligt studentsprógv í 1944. Eftir kríggið fór hann til Keyp- mannahavnar, har hann gekk á Niels Brock, og síðani var hann í mong ár saman við pápanum og brøðrunum við í handils- virksemi og útgerðarfelag á Strondum. Teir í Kass høvdu handil og fleiri skip og bátar, eitt nú Austerlitz, Lambanes, Sjófarið og Polarfarið. Í seksti árunum fór Jákup Kass í starv hjá Esso. Eitt ár var hann í Danmark og setti set inn í tingini. Í 1966 flutti familjan til Havnar, og í 1971 tók Jákup Kass stjórastarvið eftir Esmar Fuglø í Esso. Har var hann inntil í 1980. Prestatrotið í Danmark bar við sær, at tað í sjeyti árunum bar til hjá teimum, sum høvdu lívs- royndir og útbúgvingar at lesa gudfrøði eftir serligum treytum. Onkrir føroyingar tóku av hesum tilboðnum. Millum teirra var Jákup Kass, sum studeraði, með- an hann var stjóri í Esso og seinni Statoil, og meðan hann røkti fleiri onnur álitisstørv, eitt nú í Sjó- vinnubankanum, har hann var næstformaður í nevnd- ini. Í 1980 fór Jákup úr stjórastarvinum í Statoil. Tá flutti hann inn á Nes, har hann var nógv avhildin sóknarprestur fram til 1994. Tað var í hansara tíð í Nes prestagjaldi, at nýggja Fríðrikskirkjan varð bygd. Hon varð vígd fyrsta sunnudag í advent í 1994 ella stutt eftir, at Jákup var farin úr starvinum. Jákup var frá ungum av virkin í heimamissiónini, og í prestatíðini var hann eitt skifti formaður fyri føroysku heimamissiónini. Tá ið Vesturkirkjan varð vígd í 1975, varð Jákup Kass annar av deknunum, og tað tænastuna røkti hann saman við Steingrími Niclassen, inntil hann flutti inn á Nes. Jákup Kass giftist í 1949 Við Onnu Johansen, sum eisini er ættað av Strond- um. Tey bæði eru systk- inabørn og javngomul. Hon fylti 80 27. juli í ár. Anna og Jákup Kass eiga trý børn: Marjan býr á Nesi, Bartal býr á Argjum, og Karin býr í Havnini. Barna- børnini eru átta, og tað er so smátt afturat í triðja ættarliðnum. Tøkk Hjartaliga takka vit øllum tykkum, sum á ymsan hátt hjálptu okkum og sýndu okkum samkenslu, tá elskaði maður og pápi okkara Niels Petersen Nuuk, búsitandi í Kaldbak andaðist og varð jarðaður. Tøkk fyri blómur, kransar, gávur og heilsanir. Tøkk til prest, kirkjutænarar, sangarar og øll tykkum mongu, sum fylgdu honum til hansara seinasta hvíldarstað, og tøkk til øll tykkum, sum á ymsan hátt hjálptu til við ervinum. Ein serlig tøkk til starvsfólkið á G4 fyri dyggan stuðul og umsorgan hansara seinastu tíð. Sólja, Ivalu og Janus C M Y K 13 12