hósdagur 20. desember 2018síða 6

FRÍGGJADAGUR 21. DESEMBER 2018 SOSIALURIN 148 6 ÁRNI GREGERSEN O v nógv brúktu peng­ ar­nir á Glasi fingu í fyrstu atløgu ong­ar fylgjur fyri lands­ stýris­kvinnuna við menta­mál­ um, Rigmor Dam. Teir fýra andstøðuflokkarnir Fólkaflokkurin, Sam­bands­flokk­ urin, Sjálvstýri og Framsókn løgdu annars eitt uppskot um mis­álit á landsstýriskvinnuna, sum var miðgjørt hósnáttina. Men uppskotið fall. Undir orðaskiftinum tók lands­stýriskvinnan orðið móti enda­num. Hon segði greitt, at vildi tingið hava hana at siga, at hon átti og tók við ábyrgdini av tí, sum er hent, so ger hon tað fegin. Hon helt tó ikki, at hon sjálv ella mentamálaráðið hevur gjørt nakað mistak, men ásannaði, at tað er landsstýriskvinnan við menta­málum sum hevur ábyrgd av grein sjey á fíggjarlógini. Tað er til hesxa játttan tingið hevur játtað pengar til skúlan í Marknagili. Landsstýriskvinnan segði, at hon tekur væl ímóti um onkur kanning verður gjørd av hennara leikluti í málinum og víti tað seg, at hon hevur gjørt onkran feil, so lovaði hon at leggja frá sær beinanvegin, Løgmaður lovaði eisini, at seta eina kanning í verk í komandi ári. Hann fer fyrst at tosa við for­mannin í lands­stýris­mála­ nevnd­ini fyri at vita um tann nevndin fer at taka málið upp. -Ger hon ikki tað fari eg sjálv­ ur at seta ein kanning í verk, segði løgmaður við KvF eftir at­ kvøðu­greiðsluna. Misálitið Uppskotið um misálit snúði seg um, at ov nógvir pengar eru brúktir til miðnámsskúlan í Marknagili. Í viðmerkingunum til mis­ álit­ið verður sagt, at hvørki tíð­ ar- ella kostnaðarætlanir hava hildið. Hóast boðað varð frá álvarsligum trupulleikum við byggingini, hevur lands­stýris­ maðurin við mentamálum ikki latið við seg koma. Undir seinastu eykajáttanini til Glasir kom fram, at 14 milljón­ ir. krónur eru brúktar í heimild­ ar­loysi, umframt at tær sjey milljón­ir krónurnar, ið Løgtingið játt­aði til flagtekju, eru nýttar til onnur endamál. Landsgrannskoðarin hevur, í notati frá januar í 2017 til Løg­ tings­grannskoðararnar um játt­anar- og útreiðslugongdina í sam­band við verkætlanina at byggja Glasir, staðfest, at: “Játtanin til Skúladepilin er latin undir § 7 “Mentamál”. Menta­málaráðið hevur latið Lands­verki ræðisrættin til játtan­ina, men ábyrgdin fyri, at játtan­in fer at halda, og at borg­ arin fær tað fyri peningin, sum rindað er fyri, liggur hjá Menta­ málaráðnum.” Síðani málið um óheimilaðu meir­nýtsluna kom fram alment, hevur landsstýrismaðurin ferð aftan á ferð sagt ábyrgdina frá sær, hóast hon gekk á odda, tá skúlin varð tikin í nýtslu í summ­ar. Tveir partar Tað kom sera greitt fram undir orða­skiftinum, at tað vóru tveir partar, sum vardu síni sjónar­ mið. Samgongan hevði sett sær fyri at verja landsstýriskvinnuna. Grund­gevingarnar vóru, at hon visti onki fyrr enn 23.oktober og at hon handlaði beinan vegin. Hon steðgaði arbeiðnum og segði tinginum hvat var hent. Andstøðan vendi tí ein ann­ an veg og segði, sum víst á í við­merkingunum, at talan er um eitt greitt brot á lógina um ábyrgd landsstýrismanna. And­ støðan segði, at uttan mun til hvat landsstýriskvinnan visti, so er tað hon, sum hevur ábyrgd av at pengarnir verða brúktir til tað, sum teir eru játtaðir til. Ein løtu var spenningur í ting­salinum um upposkotið fór at verða samtykt, tí bæði Sonja Jógvansdóttir, uttan­flokka­ting­ kvinna og Páll á Reyna­túgvu, tingformaður, vóru rættu­liga atfinningarsom móti lands­ stýris­kvinnuni. Tá ið avtornaði fekk upp­skot­ ið 15 atkvøður fyri og 15 ímóti og tríggjar vóru blankar. Tey trý, sum atkvøddu blant vóru Magni Laksá­foss, uttan­flokka­ting­maður, Sonja Jógvansdóttir, uttan­flokka­ tingkvinna, og Kristin Michel­ sen, sum er valdu á ting fyri Javn­að­arflokkin. Formaðurin í Sam­bands­ flokkinum, Bárður á Steig Niel­ sen, sigur, at sjálvt um talan verður um onkra kanning, so hend­ir onki meira. -Vit hava fingið staðfest, at samgongan ikki tekur undir við lógini um ábyrgd lands­stýris­ manna. Tað var tað, sigur hann. Løgtingið er farið í jólafrí. Lógin um fiskidagar er sam­ tykt, fíggjarlógin er samtykt og landsstýrismaðurin við uttanríkismálum, Poul Michel­ sen, hevur fingið heimild at siga Hoyvíks­sáttmálan upp. Landsstýriskvinnan vann akvøðugreiðsluna um álit Millum klokkan trý og fýra hósnáttina, atkvøddi tingið um misálit á Rigmor Dam, landsstýriskvinnu Rigmor Dam, landsstýriskvinna, vann atkvøðu­ greiðsluna um álit Løgmaður fer at seta kanning í verk um landsstýrismálanevndin ikki tekur málið upp Tingið samtykti eisini fíggjarlógina, fiskidagarnar og at geva heimild at siga Hoyvíkssáttmálan upp