hósdagur 20. desember 2018síða 22

FRÍGGJADAGUR 21. DESEMBER 2018 SOSIALURIN 148 22 Í kapping við útheimin - Vit merkja at interneti ger, at fólk eru vorðin øgiliga tilvitað um prís. Vit kunna ikki bara seta ein føroyskan prís á okkara vørur, men brúka danskar søluprísir, tí fólk vita frá netinum hvat vørurnar kosta aðrastaðni, sigur Súsanna á Dul, handilsleiðari hjá Mariu Poulsen Búnýti HALLUR AV RANA HALLUR@SOSIALURIN.FO H andlar kring landið hava úr at gera í hes­ um døgum, nú tað styttist til jólaaftan og har við eisini møguleikin at keypa tær seinastu gávurnar. Tað er eingin loyna, at jólasølan er hædd­arpunktið í árinum hjá fleiri handlum. Bara í SMS metir man, at næstan 20.000 fólk fleiri vitjaðu sølumiðstøðina í farnu viku enn tá samanborið verður við eina vanliga viku. - Hetta er okkara háárstíð. Í síðstu viku vóru 63.000 fólk inni í SMS. Ein vanlig vika eru 45.000 fólk. Tann vikan við flest fólkum plagar at vera tann síðsta áðrenn jól, har vit vænta eini 70.000 fólk í ár, sigur Regin W. Dalsgaard, býlings- og marknaðarstjóri í sølu­miðstøðini, ið upplýsir at tað eru handlar í SMS, ið nærum liva av jóla­søluni. Eisini í Mariu Poulsen Búnýti, ið liggur í Tórsgøtu í miðbýnum í Havn, merkja tey, at munandi fleiri fólk støkka inn á gólvið í jóla­mánaðinum. - Jólini eru okkara hátíð og hava verið góð higartil. Tá eru vit ikki komin til teir stóru dagarnar enn, ið vanliga eru 21., 22. og 23. Men sølu- og vitjunartølini fyri desember eru nógv størri enn restina av árinum, tó at vit ikki hava nøkur nágreinilig tøl upp á tað í løtuni. Men vit hava meira enn tvífalt so nógv fólk til ar­ beið­is í desember samanborið við rest­ina av árinum, sigur Súsanna á Dul, handilsleiðari í Mariu Poul­ sen búnýti. Hørð kapping við útheimin Á báðum støðum merkja tey, at tøkni­liga menningin seinastu nógvu árini seta nøkur nýggj krøv til handilslívið. Frá tí at man fyrr var í kapping við aðrar før­oyskar handlar, so uppliva handl­arnir at tey nú kappast við út­heimin, aftaná at alsamt fleiri før­oyingar eru farnir at keypa frá handl­um á netinum. - Vit eru í kapping við útheimin og tað krevur, at handlarnir hava eitt øgiliga stórt úrval. Tað at kund­ar kunnu keypa vørur úr Kina við statsstuðlaðum frakti, um­framt at einki avgjald er á pakk­unum, er ein øgiliga órættvís kapp­ing, sigur Regin W. Dalsgaard og heldur á. - Tú kanst keypa eina vøru úr Kina fyri undir 300 krónur og hon kem­ur beint ígjøgnum. Men handl­arnir í Føroyum skulu rinda MVG, toll, lønir, halda lógir og annað. Tað at man kann keypa einar buksur fyri 250 krónur íroknað frakt er óreal­istiskt, men kort­ini hendir tað. Í Mariu Poulsen Búnýti upp­ liva tey ávirkanina av inter­net­ in­um á ein øðrvísi hátt. Har eru kundarnir blivir nógv meira upp­ lýstir og vita hvat tey vilja. - Vit merkja at interneti ger, at fólk eru vorðin øgiliga tilvitað um prís. Vit kunna ikki bara seta ein føroyskan prís á okkara vørur, men brúka danskar søluprísir, tí fólk vita frá netinum hvat vør­ur­ nar kosta aðrastaðni. Man finnur alt á netinum og av tí sama vita kund­arnir næstan áðrenn vit hvat er nýtt hjá Royal Copenhagen, sig­ur Súsanna á Dul. Kann ikki keypast á netinum Men hóast kappingin móti um­ heim­inum kann tykjast órættvís, so fellur man ikki í fátt í SMS. Tí hó­ast kappingin er hørð, so hevur man aðrar streingir at spæla upp á í Føroyum. - Hetta er ein kampur, ið vit eru vit­andi um. Tað vit skulu vinna upp á, og tað øll okkara orku fer til, er tænastan. Tað at tú kanst koma inn her og fáa ráðgeving í sam­band við gávukeypi. Og um man ynskir, so kann kundin býta vøruna um fram til 7. januar, sigur Reg­in W. Dalsgaard, ið eisini vísir á, at partur av strategiini er at gera nógv burturúr jólabýnum og hava fleiri starvsfólk í jólamánaðinum. Og so er tað eisini nakað, sum SMS kann bjóða, ið kundin ikki fær keypt á nakrari heimasíðu. - Tað er heilt fantastiskt at síggja so nógv fólk koma úr øllum land­inum til SMS. Tey koma inn her og njóta ein heilan dag við at eta og keypa jólagávur. Tað gleð­ ina fæst tú ikki og fer aldrin at fáa á netinum, sigur Regin W. Dals­ gaard. Jólasølan: - Tað er heilt fantastiskt at síggja so nógv fólk koma úr øllum landinum til SMS. Tey koma inn her og njóta ein heilan dag við at eta og keypa jólagávur. Tað gleðina fæst tú ikki og fer aldrin at fáa á netinum - Vit eru í kapping við útheimin og tað krevur, at handlarnir hava eitt øgiliga stórt úrval. Tað at kundar kunnu keypa vørur úr Kina við statsstuðlaðum frakti, umframt at einki avgjald er á pakkunum, er ein øgiliga órættvís kapping