týsdagur 15. januar 2019síða 4

Mikudagur 16. januar 2019 · Nr. 6 4 Sosialurin Hugskot og viðmerkingar – send sms til 225000 TÍÐINDI Nú mugu vit í hernað ímóti teimum sum smugla rúsevni RÚSEVNI Hetta er tað mest óhugnaliga álopið á ungar føroyingar, og vit hava mist tamarhaldið á støðuni, sigur Jenis av Rana, løgtingsmaður Áki Bertholdsen –  Vit kunnu ikki bara sita hendur í favn, tí nú má okkurt gerast fyri at basa misnýtslu av rúsevnum í Føroyum. Tað sigur Jenis av Rana, løg­ tingsmaður fyri Miðflokkin. Hann sigur, at nú í vár fer Mið­flokkurin tískil at leggja upp­skot fyri Løgtingið um at gera ein tilbúgvingarætlan fyri rúsevni. Fremsta enda­ málið við uppskotinum er at forða fyri at rúsevni verða smuglað til Føroyar. –  Vit eiga at hava eina null hug­sjón á hesum øki, tí end­ málið skal vera, at vit hava eina rúsevnafríar Føroyar, sig­ ur hann. Altíð onkir umbering Hetta er aðru ferð, at Mið­ flokk­urin leggur uppskot fyri Løg­tingið um eina rúsevna-til­ búgv­ingarætlan. Fyrru ferð var í 2015, men tá fall uppskotið við einum braki, tí endaliga úrslitið var, at bara Sjálvstýri og Miðflokkurin at­ kvøddu fyri tí. – Tað vísir seg, at hóast allir politikarar halda, at talan er um eitt álvarsmál, gongur tað ógvuliga strilti at vísa tað í verki, heldur Jenis av Rana. –  Tað er altíð onkur umbering fyri at lata vera við at gera nakað. Antin er upp­ skotið ikki tað rætta, ella er tað ikki nóg mikið, og so víðari. Gera ikki sama mistak aftur Løgtingsmaðurin fyri Mið­ flokk­in sigur, at ein feilur við tí uppskotinum var helst, at tað var ov ítøkiligt, tí har varð mælt til at øll skip, og øll flog­ før, sum koma til landið, skulu kannast, og tað hildu nógv løg­ tingsfólk varð alt ov umfat­ andi. Men hetta mistakið fara teir ikki at gera aftur og tí fer upp­ skotið, sum verður lagt fyri Løg­tingið hesa ferð, ikki at seta nøkur ávís krøv. – Uppskotið verður rætt og slætt at samtykkja at Lands­ stýrið skal gera eina rúsevna- til­búgvingarætlan fyri Før­oy­ ar, sigur Jenis av Rana. Hann sigur, at tað eru nógv­ ar meiningar um, hvat er tað rætta at gera. Sjálvur er hann ikki bangin fyri at viðganga, at hann veit ikki, hvørji stig eru tey røttu at taka, men tað er nett­upp endamálið við upp­ skotinum, at tað skal leggjast upp í hendurnar á Lands­stýr­ in­um at finna út av, hvat er rætt at gera. Jenis av Rana sigur, at enda­ málið við uppskotinum verður sostatt at fáa landsstýrið at seta ein arbeiðsbólk við ser­ køn­um fólkum á økinum at leggja eina miðvísa ætlan fyri, hvørji stig skulu takast fyri at forða fyri, at rúsevni verða smuglað til Føroya. – Tað førir onga leið bara at siga, at tey uppskot sum eru frammi, ikki eru tey røttu. Men so mugu vit finna út av, hvørjir tær røttu loysnirnar eru, og tað er hetta, vit nú vilja hava Løgtingið at áleggja Lands­ stýr­inum at finna útav. – Og tess leysari uppskotið er orðað, tess verri er at finna grundgevingar fyri at vísa tí aftur, leggur hann afturat. Hann sigur, at umframt at leggja uppskot fyri Løgtingið nú, fer stríðið ímóti rúsevnum eisini at vera eitt mál í val­ stríðn­um hjá Miðflokkinum til løgtingsvalið, sum verður í sein­asta lagi 31. august. Eitt óhugnaligt álop á okkara framtíð Jenis av Rana sigur, at nú kunnu politikarar ikki bara sita upp aftur á longur, uttan at gera nakað við trupulleikan. Hann sigur, at tað tykist sum um at tollarar og løg­regl­ an, hava mist tamarhaldið á støð­uni, tí tey, sum kenna til hesi viðurskifti, siga, at rúsevni eru rættiliga skjót at fáa fatur á í Føroyum. Tey hava eisini varhugan av, at nýtslan er veks­andi, samstundis sum at tað eru fleiri og fleiri, sum eru til avvenjingar. –  Og tað verða politikarar noyddir at gera nakað við. Hetta er tað mest óhugnaliga álopið á okkara ungdóm, og sostatt eisini á okkara framtíð, leggur hann afturat. Um fimm ár skulu eingi rúsevni vera í Føroy­ um –  Vit skulu seta okkum sum mál, at um trý til fimm ár skulu Føroyar verða fullkomiliga rús­ evna­fríar. Tað segði Kaj Leo Holm Johannesen, løg­tings­mað­ ur, seinast, rúsevni vóru til umrøðu í Løgtinginum. Tað var stutt fyri jól, tá ið Djóni Nolsøe Joensen, tingmaður fyri Javnaðar­ flokk­in, spurdi Kristinu Há­foss, landsstýriskvinnu, um nøkur ætlan er um at herða eftirlitið. Kaj Leo Holmm Jo­ hanne­sen sigur, at møgu­ leik­arnir at smugla rúsevni til Føroyar eru so avmark­ að­ir, at vit hava allar møgu­leikar at gera Føroy­ ar rúsevnafríar. Og málið eigur at vera, at um trý til fimm ár skulu Føroyar vera rúsevnafríar. Djóni Nolsøe Joensen heldur, at brúka vit ikki peng­ar upp á eftirlit nú, skulu vit vera fullgreið yvir, at vit noyðast vit ístað­in at brúka pengar upp á avvenjingar seinni. Kristina Háfoss vísir á, at í roynd og veru er tað uppgávan hjá Taks at gera av, hvussu tey brúka játt­ an­ina, tey fáa á fíggjar­lóg­ ini, men hon hevur boðað Taks frá, at stríðið ímóti rúsevnum skal raðfesast framma­liga. Men her kann so leggj­ ast afturat, at hóast allir politikarar siga, at talan er um eitt álvarsmál, er játt­ an­in til Taks á fíggj­ar­lóg­ini fyri í ár, lækkað 550.000 krónur, úr 66,184 milli­ón­ um krónun, niður í 65,634 milli­ónir Endamálið skal vera, at vit skulu hava eina rúsevnafríar Føroyar, sigur Jenis av Rana, løgtingsmaður. Hann ásannar, at tollvaldið klárar ikki at fylgja við smuglarunum