týsdagur 15. januar 2019síða 32

Mikudagur 16. januar 2019 · Nr. 6 32 Sosialurin Hugskot og viðmerkingar – send sms til 225000 Eftir at hava arbeitt í vatn­verkinum hjá Tórs­ havnar kommunu í fimm ár, byrjaði Evert Guttesen um páskirnar í 2010 at arbeiða sum gravari og førari á líkvogninum hjá kommununi. - Vit grava fleiri enn hundrað gravir her í kirkju­garðinum við Vel­ ba­sta­vegin um árið, og vit koyra í allari kommununi. Í onkrum bygdum, eitt nú í Nólsoy og Kollafirði, eru grav­arar, men eisini her koyra vit til jarðarferðir. Tá vit hittu Evert Guttesen í kirkju­garði­ num við Velbastaðvegin sein­asta fríggjadag, var hann í holt við ymiskt fyri­fallandi arbeiði. - Tá vit ikki grava ella koyra, taka vit okkum av ymiskum øðrum arbeiði, og tað er altíð nóg mikið at taka hond í. Kirkju­ garð­urin er stórur, og her er nógv sum skal gerast og haldast. Hann sigur, at tá ein tíð er liðin eftir, at jarðar­ ferð hevur verið, plaga av­varðandi at biðja um, at kransar og blómur verða tikin av aftur grøvini. - Hesum arbeiði taka vit okkum sum oft­ ast av, og vanligt er, at kransar og blómur ligg­ ja á grøvini í einar tvær til tríggjar vikur, kanska eitt sindur longur um veturin enn um summar­ ið. Blómurnar torna og følna gjarna skjótari um summarið, tá luftin er heitari, og tað er turr­ ari veður. Tá grøvin er ruddað, verður hon slætt­ að og snøggað. Evert Guttesen sigur, at umframt at koyra lík í Tórshavnar kommunu, verður av og á eisini koyrt á flogvøllin at heinta lík, sum koma úr út­landi­ num. Nakrar opnar gravir Hann vísir á, at upp­ gávur­nar hjá einum gravara og líkvognsførara eru ymiskar. - Tá jarðarferð er, og vit koma út móti kirkju­ garðinum her við Velba­ stað­vegin, ringja vit eisini við klokkuni, sum er í kappelli­num. Hetta gera vit við eini fjarstýring, sum vit hava í bilinum, sigur Evert Guttesen. Meðan vit standa í kirkjugarðinum og práta, sigur hann, at teir gjar­na hava einar tvær ella tríggjar gravir, sum standa klárar. - Kommunan er stór, og vit noyðast at hava nakr­ar opnar gravir stand­andi. Men, vit vita ikki, hvør fer í hesar grav­ir, og í prinsippinum kann tað eins væl vera eg sjálv­ur, sum nakar annar, sigur hann álvarsamur. Tað eru skjótt fimm­ ti ár síðan, at Evert Guttesen byrjaði at koyra maskinur, og í fleiri ár arbeiddi hann hjá ymiskum entre­pren­ ør­um. - Eg havi soleiðis roynt tað mesta á hes­um øki, sigur hann, með­an vit skifta orð úti í kirkju­ garðinum við Vel­bastað­ vegin. Lagt til rættis: Vilmund Jacobsen SEINASTA FERÐIN EVERT ER GRAVARI OG LÍK­VOGNS­ FØRARI - Tað er altíð nokk at gera hjá gravara og líkvogns­ førara í stórari kommunu, sigur Evert Guttesen - Tað eru skjótt fimmti ár síðan, at eg byrjaði at koyra maskinur, sigur Evert Guttesen, sum vit hittu í kirkjugarðinum við Velbastaðvegin í Havn Mynd: Álvur Haraldsen Tað verða nógvar gravir grivnar í Tórshavnar kommunu um árið Mynd: Álvur Haraldsen Á heimasíðuni hjá Fólka­ kirkjuni verður gjørt greitt, at tað er sókn­ ar­prest­urin, sum førir kirkju­bøkur­nar, og tað er sóknarpresturin, sum er jarðarferðar­myndug­ leiki, sum tað verður rópt. Á heimasíðuni verð­ ur dentur lagdur á, at sókn­ar­presturin skal hava boð um øll andlát í kirkjusóknini, og deyðs­ váttanirnar skulu latast honum. At sóknarpresturin er jarðarferðar­myndug­leiki í Føroyum, er ikki bara galdandi fyri kirkju­fólk, men fyri allar føroyingar. Á heimasíðuni hjá Fólka­kirkjuni verður gjørt greitt, at hetta er galdandi fyri øll í Før­ oyum - og soleiðis eisini fyri tey, sum ikki eru limir í fólkakirkjuni. - Tað eru tey av­varð­ andi, sum skulu venda sær til prest, verður lagt aftrat á heimasíðuni hjá Fólka­kirkjuni. Sóknarprestur skal hava boð um øll andlát Tað er sóknarpresturin, sum er jarðarferðar­ myndugleiki í Føroyum