týsdagur 15. januar 2019síða 38

Mikudagur 16. januar 2019 · Nr. 6 38 Sosialurin Hugskot og viðmerkingar – send sms til 225000 Heri Joensen, sum er prest­ur í Suður­streym­ oy­ar vestara prestagjaldi, hevur verið prestur í næst­an 30 ár tilsamans. Tey fyrstu 10 árini – árini frá 1989 til 1998 – var hann prestur í Suðuroy, og síðan 1998 hevur hann verið prest­ur í høvuðsstaðar­kom­munu­ ni. Tá tú hevur verið prest­ur eitt so langt ára­ mál, hevur tú eisini havt nógvar jarðarferðir, og so­leiðis er eisini hjá Hera Joen­sen sum heldur, at hann hevði einar 60-65 jarðar­ferðir í fjør, tær allar flestu í Havn. Men, Heri er ikki einasti prestur í Suður­ streym­oy, og hann held­ ur, at samlaða talið av jarð­ar­ferðum í Havn í fjør tilsamans mundi liggja millum 155-160, sam­stundis sum talið í kom­munu­ni tilsamans mun­di tátta í 170. - Fólkatalið í kom­ munu­ni er veksandi. Tíð­ in stendur ikki í stað. Fólk gerast eldri, og fólk gerast gomul, sum tíðin gong­ur, sigur presturin í Vestur­ kirkjuni, sum eisini er prestur á Argjum, Kirkjubø og Hesti. Fyrireikingarnar Men, hvussu fyrireikar ein so royndur prestur, sum Heri Joensen, seg til eina jarðarferð? - Vanligt hevur verið, tá deyð­fall er, at avvarðandi seta seg í samband við prest. Tað kann vera, at av­varðandi velja at venda sær til ein prest, sum tey kenna ella hava havt eitt hvørt við at gera. Eg haldi tað vera rættast, at av­ varðandi framhaldandi seta seg í samband við prest fyrst. Hann vísir á, at kirkj­ ur­nar í høvuðs­stað­num eru nógv upptiknar, og tað hendir ofta, at tvær jarðar­ferðir eru sama dag. - Tá kann tað gerast trupult at fáa alt at passa saman við organisti, sang­ar­um, berarum og koyr­ing. Tí plaga vit eisini at halda okkum til tað, at í minsta lagi tveir tímar mugu vera millum hvørja jarð­arferð í Havn. Heri Joensen vísir á, at tað er prestur, sum veit, nær kirkjan er tøk, og tað er prestur, sum veit, um onn­ur jarðarferð er ætlað at vera sama dag. - Sama er galdandi, tá talan er um dóp og giftar­ mál. Tað nyttar jú einki at biðja fotografin koma ávísan dag, um kirkja ella prest­ur ikki eru tøk. Tí haldi eg tað vera rættast, so­leiðis sum tað hevur verið, at avvarðandi fram­ hald­andi venda sær fyrst til prest, so tey saman við presti kunnu seta dags­ skránna, hvussu fram skal farast. Prestur vísir á, at sein­ nu árini eru fleiri jarðar­ ferðar­tænastur komnar, sum bjóða sær at skipa fyri jarðarferð og øllum tí, sum hartil hoyrir. - Hetta kann sjálvsagt lætta um hjá teimum, sum ynskja at brúka og keypa hesar tænastur, sigur Heri Joensen. Velja sálmar saman Prestur sigur, at tá fólk seta seg í samband við hann, tí deyðsfall er í familju­ni, plagar hann at avtala eina tíð, har hann sleppur at tosa við familju­na. Ofta er hetta ein fyrrapart, kanska klokk­an 10 um morgunin. - Vit finna eina løtu, sum passar teimum av­ varð­andi og mær, og so práta vit gjarna saman í hálvan annan til tveir tímar ella so. Her plaga vit eisini at velja sálmar, so­leiðis at eg eisini kann byggja taluna í kirkjuni á tað, sum sungið verður. Um­ráðandi er eisini, at sálm­ar­nir, sum sungnir verða, eru í rættari rað­ fylgju. Heri Joensen vísir á, at hann á slíkari vitjan fær at vita, um avvarðandi sjálvi – ella onnur – skipa fyri jarðarferðini. - Skipa tey fyri jarðar­ ferðini sjálvi, finna vit út saman, hvat er fyrireikað, og hvat møguliga er eftir at fyrireika. Her havi eg tele­fonnummur á øllum við­komandi, sum tosast skal við. Tosað verður eisini niður í smálutir, so­leiðis at greiða fæst á børu­prýði, altarblómum, møgu­ligari prenting av sálmum, hvør kemur at býta sálmarnar út, og hvør kemur at koyra blóm­ur og kransar úr kirkju­ni og út í kirkju­ garð­in. Avvarðandi fáa eisi­ni at vita, at tey altíð kun­nu ringja, um spurn­ ing­ar eru, eftir at vit hava tosað saman, sigur hann. Lagt til rættis: Vilmund Jacobsen Sum prestur, er Heri Joen­sen kendur fyri at brúka ein fittan part at jarðarferðartaluni við at siga nøkur orð um hin farna, og hann við­gong­ ur, at tað er ikki óbevíst, at so er. - Eg spyrji altíð, hvør við­komandi var, hvar við­komandi vaks upp, og hvørji foreldrini vóru. Eg spyrji eisini um viðkomandi var gift­ur og átti børn, abba­børn og kanska lang­abba­børn. Hvar var uppvøksturin, hvat fekst viðkomandi við, og hvørji vóru áhuga­ mál­ini. Heri Joensen sig­ur, at tá hann hev­ur ættar­ bond og upp­vøkstur í Svín­oy, kennir nógvar norð­oyingar, kom til Havnar at ganga í skúla sum 14 ára gamal, hevur røtur í faðirætt í Mykinesi, hevur ver­ið prestur í 10 ár í Suður­oy og enn fleiri ár í høvuðs­ staðnum – ja, so er tað ikki so løgið, at tú kenn­ ur ein hóp av fólki. - Tað hevur altíð verið lætt hjá mær at komið á tal við fólk, og eg havi ongantíð havt trupul­ leikar við at snakka við av­varðandi, sum altíð eru blíð og eyðmjúk at hitta. Prestur sigur, at hon­ um dámar væl, at fittur partur av familjuni er til steðar, tá spurt verður um tann, ið farin er og nøkur orð skulu festast á blað. - Er tað soleiðis, at onkur, sum er í rúmi­ num, kanska ikki sigur so nógv – ella líka sum ikki sleppur upp í part – plagi eg at venda mær til viðkomandi, og tað er ikki so sjáldan, at okkurt gullkorn er at heinta. Eg haldi, tað er um­ráðandi í slíkum føri, at eingin leypur av, sum Heri Joensen tekur til. Prestur sigur, at tá tað vísir seg, at tað eru familju­bond millum tann, ið farin er og hann sjálv­an, plagar hann eisini at taka hetta við í talu­na. - Jú, tíðir broytast, og umstøður við. Tey eru mong, sum vita væl um familju, men í dag síggja og hoyra vit eisini, at tað eru ung, sum nóg illa kenna síni systkinabørn og kanska enn­tá abbar og ommur. So­leiðis var tað ikki fyrr, sigur Heri Joensen, sum heldur fyri, at sjálvur er hann eitt sindur for­vit­ in, tá ræður um familju­ viður­skifti. Prestur leggur aftrat, at helst fyllir tann part­ ur­in av gravartauni, sum snýr seg um hin deyða og lívssøguna hjá við­kom­andi, ein triðing til eina lítla helvt av taluni. - Tað hevur altíð verið lætt hjá mær at komið á tal við fólk, og eg havi ongantíð havt trupulleikar við at snakka við avvarðandi, sum altíð eru blíð og eyðmjúk at hitta Heri Joensen umrøður hin farna SEINASTA FERÐIN PRESTUR FYRIREIKAR SEG TIL JARÐARFERÐ Hvussu fyrireikar ein so royndur prestur, sum Heri Joensen, seg til eina jarðarferð?