týsdagur 22. januar 2019síða 8

Mikudagur 23. januar 2019 · Nr. 9 8 Sosialurin Hugskot og viðmerkingar – send sms til 225000 TÍÐINDI Politiskt putlispæl í teir næstu sjey mánaðirnar Samgonguleiðararnir hittast i dag at leggja næstu sjey mánaðirnar í politikki til rættis Árni Gregersen Í øll árini hann hevur sitið sum samgonguleiðari og løg­ mað­ur, hevur Aksel V. Jo­ hanne­sen hildið fast um, at val verð­ur ikki fyrr enn í seinast í august í ár. Ofta hevur hetta ljóðað ó­sann­líkt í valskeiðnum, men higar­til hevur samgonggan av tveim­um vinstrahallum flokk­ um og einum høgraflokki hildið saman. Brotasjógvarnir hava verið ógvusligir, men við treiskni og góðari kemi millum floks­for­ menn­irnar hevur borið til at fáa samgonguna at ganga í takt, tá hetta hevur verið av­ ger­andi neyðugt. Nú er samgongan aftur kom­in í eina slíka støðu. Form­ liga er ein av steinunum í skón­ um, Kristin Michelsen, koyrd­ur úr tingbólkinum hjá Javn­að­ar­ flokkinum og harvið eisini úr samgonguni. Tað ger, at samgongan saman við stuðulskvinnuni Sonju Jógvansdóttir ikki long­ ur hevur meira enn 16 av 33 ting­folkum og harvið ikki meir­luta í tinginum. Samgongufólk siga, at sam­ gongan hevur alt valskeiðið havt eina minnilutastjórn, men tað er tá ið Sonja Jógvans­dóttir ikki hevur verið tald við. Nú er støðan ein onnur. Nú manglar ein atkv’ða afturat og tað er júst nú, tá ið fyrst andstøðan krevur, at nýggjur formaður verður valdur í fíggj­ ar­nevndini. Andstøðan sigur, at Kristin Michelsen nú er part­ur av andstøðuni og tí skal velj­ast nýggjur fomraður. Grundleggjandi hevði tað ikki broytt so nógv um and­ støð­an fekk formannin í fíggj­ ar­nevndini, men fíggj­ar­nevnd­ in er nevndin við hægstu ting og tí vil ein samgonga eisini hava formannin. Finst ongin loysn á tí, so fer samgongan at krevja, at allar nevndirnar verða valdar av nýggjum. Hetta kann gerast við fyrimuni um samgongan tryggjar sær, at Magni Laksá­ foss atkvøður saman við sam­ gonguni. Tað er fyrsta forðingin. Hitt er so at fáa putlispælið at liggja rætt, so røttu fólkini koma í rættu nevndarsessirnar. Landsstýrissessurin Rigmor Dam er farin úr sessin­ um, sum landsstýriskvinna. Um alt var sum vanligt, so hevði Javnaðarflokkurin til­ nevnt ein nýggjan lands­stýris­ mann, men av tí at flokkurin síð­ani samgongan bleiv skipað, hevur mist tvey umboð úr ting­bólkinum, er tað ivasamt um hinir báðir sam­gongu­ flokk­arnir góðtaka, at Javn­að­ ar­flokkurin fær hendan sessin aftur. Hetta kann tí eisiniu gerast partur av samlaða putli­spæl­in­ um. Landsstýrissessurin kann gerast ein av brikkunum, sum verður tikin uppí putli­spælið, tá ið nevndirnar skulu velj­ast av nýggjum. Gerast tey bæði, Sonja Jógv­ ansdóttir og Magni Laksáfoss partur av vælbólkinum hjá sam­gonguni, so er samgongan 17 tinglimir, andstøðan 16. Nevndarebýtið gevur tí sam­gonguni 23 nevndarsessir av 45. Hinar 22 fær andstøðan. Hetta fer at hava við sær, at samgongan missir meirlutan í nøkrum nevndum, men kann tryggja sær, at fáa meirlutan í teimum nevndum, sum sam­ gongan heldur hevur størstan týdning. Val? Sjálvandi kann hetta putli­ spælið ganga upp, men tað kann eisini gerast so torført, at løgmaður velir at skriva út val. Tað eru bert sjey mánaðir eftir av valskeiðnum, so tað er ongin niðurtúrur at skriva valið út nú. Politisku tdrupulleikarnir kunnu gerast so ógvusligir – eisini innanhýsis í samgonguni – at tað kann tykjast lættari at reinsa luftina. Samgongan hevur nøkur mál eftir, sum hon fegin vil hava framd, men tað at vit eru í einum valári, kann gera tað tor­ført at fáa allar avtaluir at ganga upp. Í dag hittast formennirnir í samgonguflokkunum, har teir skulu royna at fáa putlispælið at liggja so, at tað heldur til seinast í august. Floksformennin nir skulu avgera, hvør skal hava lands­ stýris­sessin hjá Rigmor Dam. Teir skulu avgera um nevnd­ir­ nar skulu veljast av nýggjum og so skulu teir semjast um, hvørji mál samgongan skal leggja á tingborðið áðrenn eitt val verður útskrivað í seinasta lagi 31.august. Teir skulu eisini tryggja sær, at teir hava ein valbólk til nevnd­arvalini, sum tryggjar teim­um meirlutan í stóru nevnd­unum. Alt hetta kann vísa seg so trupult, at løgmaður - annað­ hvørt einsamallur – ella saman við Høgna Hoydal og Poul Michelsen, velir at skra út val í februar. Aksel V. Johannesne, løgmaður og samgonguleiðari, situr við møguleikanum at skriva út val Glasir hevur gjørt støðuna truplari hjá samgonguni Poulk Michelsen, Framsókn, og Høgni Hoydal, Tjóðveldi, hava sjálvandi stóra ávirkan á hvat fer at henda.