týsdagur 22. januar 2019síða 10

Mikudagur 23. januar 2019 · Nr. 9 10 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 Fótbólturin og felagsskapurin hjálpti í eini tungari tíð Hanna Olsen misti sum tannáringur mammu sína, tá hon small um við heilabløðing. Fótbólturin og felagsskapurin rundanum hjálpti henni í eini tungari tíð Tróndur Arge Í samband við Temadagarnar á Hotel Føroyum um viku­ skiftið, nýtti Venjarafelagið høvið at heiðra Honnu Olsen úr Víkingi, sum ársins eldsál 2018. Sum tannáringur misti Hanna brádliga mammu sína, og tá var tað serliga fót­bólt­ urin, ið hjálpti henni í eini tung­ari tíð - Tá eg var tannáringur, misti eg brádliga mammu mína. Hon small um við heila­ bløð­ing, og sum 15 ára gomul var hetta heilt øgiliga hart. Men fótbólturin, og tann felags­skapurin, ið fylgir við tí, hjálpti mær ígjøgnum eina tunga tíð í lívinum, og tað eri eg ómeta­liga takksom fyri, sigur Hanna Olsen úr Syðru­ gøtu, sum um vikuskiftið fekk heið­ur­in “Ársins eldsál 2018” frá Venj­arafelagum. Eisini fekk Jón Pauli Olsen heiðurin sum ársins ungdóms­ venj­ari. Undan teimum hava Heim­ir Guðjónsson (HB) og Jógv­an Hendrik ”Hegga” Samuel­sen (ÍF) fingið heiðurin sum ársins venjarar í 2018 í ávika­vist Betri deildini og 1. deild. Vann FM við ÍF Í 1991 vann Hanna Olsen føroya­meistaraheitið við fremsta kvinnuliðnum hjá ÍF, har hon eisini sleit sínar allar fyrstu fótbóltsskógvar. Men sein­astu mongu árini hevur hon verið ein virkin og týðandi part­ur av fyrst GÍ og síðani Vík­ingi. Tað er onki at ivast í, at fót­ bólt­ur er bæði gevandi og menn­andi fyri børn, ung, miðal­aldrandi og eldri. Tað er tí eisini sera týdningarmikið, at hetta verður væl fyriskipað, so­leiðis at øll kenna seg væl í ein­um tílíkum felagsskapi. Í slík­um førum er tað oftani eld­ sál­irnar, og øll tey sjálvbodnu, ið gera eitt sera stórt arbeiði. - Fótbóltur hevur givið mær so ótrúliga nógv, og eg veit, hvussu nógv tað hevur at siga fyri mong. Tí ynski eg bara at geva eitt sindur aftur av øllum tí, sum eg havi fingið. Tað er eis­ini so ótrúliga lívsjáttandi at arbeiða millum børn og ung, og síggja hvussu tey mennast, sig­ur Hanna Olsen í samrøðu við heimasíðuna hjá Fót­bólts­ sam­band­inum. Hanna Olsen hevur tað tor­ ført í tíðini eftir at mamman er deyð. Ein av teimum, sum dugdi væl at stuðla henni, var fyrr­verandi føroyski lands­liðs­ venj­arin, Páll Guðlaugsson. - Páll Guðlaugsson var venj­ ari hjá okkum, tá mamma doyði, og ta fyrstu tíðina, eftir at mamma var farin, var hann ein heilt fantastiskur stuðul hjá mær. Tað skal hann eiga eina stóra tøkk fyri, sigur Hanna Olsen at enda, við heima­síðuna hjá Fót­bólts­sam­ bandi Føroya. Eldsálin í Vági ársins ungdómsvenjari Venjarafelagið hevur eisini valt Jón Paula Olsen sum árins ung­dómsvenjara 2018. Venj­ara­ felagið skrivar millum annað at: Tað er millum annað grunda á, at vit hava lagt til merkis, at hann er við í nær um øllum sum hevur við fótbólt at gera í heimbygdini. Jón Pauli Olsen er ungdómsvenjari hjá FC Suð­ uroy og hevur harumframt verið týðandi partur av toym­ inum handan nýggja tiltakið skúlafótbóltur. Jón Pauli Ol­ sen er eisini venjari á ný­stovn­ aða Fótbóltsakademi Føroya, um­framt at hann eisini er fót­ bólts­venjari á Ítrótta­há­skúl­ an­um í Suðuroy. Tað kann ikki vera nakar ivi um at Jón Pauli er ein dugnaligur, evnaríkur og virkin venjari. Heimir og Hegga eru heiðraðir Venjarafelagið valdi eftir kapp­ingarenda í fjør ársins venj­ara í Betri deildini hjá monn­um, kvinnum og 1.deild monn­um. Í Betri deildini hjá monnum var ongin ivi. Her fall valið á ís­ landska venjaran hjá HB, Heim­ir Guðjónsson. Hann vann FM við heili 73 stigum, sum er met í føroyskum fót­ bólti. Hjá kvinnunum fall valið á Mathias Davidsen, sum førdi EB/Streym/Skála til greipuna. Í 1.deild bleiv ”Hegga” valdur til árs­ins venjara, eftir at hann vann deildina við ÍF. Hanna Olsen, Ársins eldsál 2018, og Jóan Pauli Jacobsen frá Venjarafelagnum - Mynd: Hans Erik Danielsen Tað var Frankie Jensen vegna Venjarafelag Føroya seinnapartin fríggjadagin handaði Jón Paula Olsen steyp í samband við tilnevningina ársins ungdómsvenjari. – Mynd Venjarafelagið Hanna Olsen er ársins eldsál