hósdagur 24. januar 2019síða 36

VINNUBLAÐIÐ HJÁ MIÐLAHÚSINUM 12 januar 2019 25 Cargo er partur av stórari føroyskari tænastufyritøku FARMADEILDIN ER VAKSIN VIÐ RISAFETUM, SÍÐANI BRØÐURNIR RENÉ OG HALGIR DAHL OLESEN VÓRU SETTIR AT REKA DEILDINA Árni Gregersen Í mong ár var tað soleiðis, at tann farmur, sum Norrøna flutti millum londini her í Norð­ uratlantshavi, so var tað Blue Water, sum tók sær av tí partinum. Tað var ikki altíð, at tað var ein góð forrætning – hvørki fyri Blue Water ella Smyril Line. Samstarvið endaði við, at Smyril Line og Blue Water avtalaðu, at Smyril Line Cargo aftur sjálvi skuldu taka sær av farminum. Hetta setti krøv til eina veruliga havnadeild, sum megnaði at menna hesa deildina, so tað eisini kundi geva inntøkur til felagið. Brøðurnir René O Halgir Dahl Olesen vóru heintaðir inn til felagið at fáa visjónir at gerast veruleiki. -Vit keyptu longu í 2015 Eystnes og Hvítanes til farmaflutningin. Tey vóru bygd um, so tey fingu frystilastir, so vit kundu bjóða okkum fram at flyta uppsjóvarviskin,s um var virkaður og frystur í Føroyum til marknaðirnar í Evropa, sigur Halgir Dahl Olesen. Hetta vísti seg beinanvegin at rigga og ferð kom á menningina, samstundis sum føroysku skipini fiskaðu meira og meira av uppsjóvarfiski. Ein stór mong av makrelinum verður seldur til Ruslands og hagar sigla bæði Eystnes og Hvítanes í dag í so at siga fastari rutu. Uppsjóvarfiskurin verður lossaður í Sankta Pætursborg og so taka keypararnir yvir har og senda fiskin víðari til endastøðirnar í landinum. Ísland Smyril Line hevur øll árini røkt sambandi til Íslands, men tað hevur fyri tað mesta verið við Norrønu, sum hevur siglt á Eysturlandið. Felagið setti sær fyri at kanna um tað vóru aðrir møguleikar í Íslandi. Tað vísti seg skjótt, at íslendska útflutningsvinnan saknaði eina farleið, sum fór úr Íslandi fríggjakvøld. Ein slík farleið hevði gjørt, at íslendingar kundu senda feskan fisk til evropeiska marknaðin í endanum á vikuni og at fiskurin kom til Evropa og marknaðirnar har tíðliga í nýggju vikuni. Tað hevur víst seg, at hetta var eitt gott hugskot. Smyril Line Cargo vísir seg at standa seg ógvuliga væl í kappingini við u reiðaríini, sum eisini røkja farmasigling úr Íslandi. Eitt sum rutan hjá Smyril Line Cargo hevur framum hini er, at talan er um roll on- roll off skip. Tað vil siga, at her er talan um flutning í og á vognum heldur enn í bingjum. -Fyriunurin er fyrst og fremst, at vit kunnu lossa og lasta skjótari enn bingjuskipini gera tað. Afturfyri kunnu vit so ikki seta vognarnar oman á hvønn annan, men hetta hevur víst seg at vera ein góð loysn, sigur Halgir Dahl Olesen. Tað hevur víst seg, at Mykines er sera vælegnað at flyta bilar til Íslands. Tað er ikki neyðugt at koyra teir í bingjur, sum annars er vanligt, tí Mykines hevur eitt afturlatið dekk við taki. Mykines kann taka einar 500 persónbilar. Mykinesx er eisini serliga væl egnað til annað stórt og tungt góðs, sum kranar, bussar og annað, sum eisini er á plattum. Vaksið nógv Smyril Line Cargo er vaksið skjótt hesi árini, sum eru farin afturum bak. Í dag eru tey 20 fólk í Danmark,, 27 í Íslandi og 27 í Føroyum. Harumframt hava tey keypt flutnings­fyri­ tøkuna, sum hevur trekkjarrar og vognar, OCD, Har eru 17 fólk í arbeiði. Tað vil siga, at eini 60 fólk eru við farmaskipunum , umframt tey 120, sum eru við Norrønu. -Eg eri ómetaliga stoltur av, at hetta er eitt føroyskt felag burturav, sum brúkar føroyska arbeiðsmegi, sum hevur sáttmálar við føroysku fakfeløgini. Vit keypa so at siga alt í Føroyum og gera umvælinganr her í landinum sigur stjór­in. Hann leggur afturat, at allar avgerðir vedrða tiknar av føroyingum í Føroyum. Hann leggur afturat, at tað sjálvandi er ómetaliga stuttligt at vera partur av einari fyritøku, sum Smyril Line, sum spennir so víða. Umframt sigling, so hevur fyritøkan tvey hotell og matstovur og annað. -Eg eri eisini glaður fyri at vit hava eigarar og ovastu leiðslu, sum lurta eftir okkum og okkara hugskotum, sum vit hava megnað at gera til veruleika, sigur Halgir Dalh Olesen. Halgir Dahl Olesen er stjóri saman við beiggjanum Rene Dahl Olesen