hósdagur 7. februar 2019síða 30

FRÍGGJADAGUR 8. FEBRUAR 2019 SOSIALURIN 16 30 TRÓNDUR ARGE – GUNDADALUR HB vann í gjár 3-0 á B36 í 4. umfari í nýggju venjarakappingini. Símun Samuelsen, Ari Mohr Ol­ s­en og ungi Villiam Emil Klein skoraðu málini fyri HB, meðan Alex Mellemgaard bleiv útvístur fyri B36. HB tykist at vera væl fyri til komandi kappingarár. Aftur í gjár vann liðið í VFF-Cup. Hesa ferð í myrkrinum í Gundadali móti grannunum úr B36. HB var omaná í fyrra hálvleiki, har Símun Samuelsen og Ari Mohr Olsen skoraðu málini. Í hálvleikinum, og í leypi av sein­na hálvleiki, gjørdu bæði liðini fleiri broytingar. Fyri HB kom ungi Villiam Emil Klein inn móti dystarenda og skoraði, tá hann fekk fótin á ein bólt í brots­teiginum. B36 hevði eisini sínar møgu­ leikar í seinna hávleiki. Millum annað, tá Alex Mellemgaard royndi seg við frísparki, sum inn­skifti Mattias Lamhauge bjargaði. Alex Mellemgaard bleiv so óður, tí hann metti at ein spælari hjá HB fekk frísparkið í armin, at Eiler Rasmussen vísti honum av vølli­num. Higartil hevur siður verið, at ein spælari kemur inn í stað. Soleiðis var eisini hesa ferð. Samanumtikið vísti HB enn eina ferð nærmast ræðandi styrki. Tað skal sjálvandi takast við fyrivarni, tá talan er um venj­ingardystir. B36 kemur heilt víst at bíta frá sær í hesum kapp­ingarárinum, men í løtuni stendur heildin hjá HB sterk í mynd­ini. Tað hevur hon gjørt í øllum dystunum í VFF-Cup higar­til. HB fer í næstum á venj­ingar­ legu í Turkalandi. Venjingarlegan er ein liður í at fyrireika seg til kom­andi kappingarár. Úr HB verður sagt, at ein stórur partur av kostnaðinum er ágóðin, sum spæl­ararnir fáa fyri at hava vunn­ið FM í fjør. HB fær í dag eisini ein danskan áleypara at royndarvenja, man tað hevur ikki eydnast at fáa upp­spurt hvør vikomandi er undan prentstarti. Tróndur Jensen verður ikki við – enn Ein av lyklaspælarunum hjá HB í farna kappingarári var mið­ vallarin Tróndur Jensen. Í FM- avgerandi dystinum í 23. umfari í Klaksvík fekk hann eina ógvus­ liga takling, og meiðslaði sær lærið. Síðani hevur miðvallarin sitið uttanfyri. Hann fær ikki vant og lærið hevur tað ikki gott. Fyrst vóru boðini, at lær­ vøddin skrædnaði. Vøddin er nú voksin saman aftur, men brøsk hevur sett seg í lærið og ger, at Tróndur fær als ikki vant. -Tað hevur fyri fyrst ferð verið framstig nú, men læknar og onnur, sum hava hugt eftir skaða­num, siga at tey hava ikki sæð nakað líknandi fyrr. Brøskið hevur verið hart, men nú kann eg fyri fyrstu ferð flyta upp á tað, sigur Tróndur Jensen, meðan hann vísur nakað, sum minn­ur mest um ein klump á læri­num. Miðvallarin verður helst ikki tøkur fyribils, men skal mána­ dag­in taka røntgenmynd og fær vónandi eina ábending, um støðu­na hjá skaðanum. HB hevur ikki ein natúrliga avloysara fyri miðvallaran í hópi­ num. Dan í Soylu hevur onkun­ tíð hava leiklutin framman­ fyri verjukenda mið­vall­aran, sum mangan hevur verið Binni Hlødversson. Grétar Snar Gunnarsson er farin aftur til Íslands, men arbeitt verður við at fáa hann aftur í hópin, tí hann kann røkja júst handan leik­ lutin. Afturat tí, hevur HB í unga Símuni Sólheim ein spælara, sum við tíðini kann blíva ein góður bólttryggur mið­vallari, men hann er enn nakað ungur. HB hevur fingið tilgongd av Hørði Askham, sum er komin úr KÍ. Hann er uppvaksin í HB, men fekk sítt gjøgnumbrot hjá grannunum í B36, áðrenn hann fór til Klaksvíkar. Hann hevur spælt seinastu dystirnar á verjukenda miðvøllinum. Tó kann hugsast, at tað verður tor­ ført hjá HB at mynda ein dyst, um tað verða Hørður Askham og Brynjar Hlødvarsson, sum skulu manna miðvøllin. Teir eru báðir verjukendir miðvallarar. Jónas aftur á vøllinum Fyri B36 var Jóans Tór Næs aft­ur at síggja á vøllinum við fullari ferð. Hann var skaddur tað mesta av kappingarárinum í fjør, men kom inn onkrar minuttir móti kappingarenda. Hann er nú blivin frískur og spældi í Gundadali í gjár. Hann spældi á høgra bakki í fyrra hálv­leiki og í miðverjuni í seinna hálv­leiki. AB vann í Gøtu Týskvøldið vann AB 3-2 á Víkingi í Gøtu, meðan NSÍ um vikuskiftið vann 1-0 á ÍF. Argjamenn tykjast hava ment seg eitt vet frá farna kapp­ingarári, har teir endaðu á níggjunda plássi. Tað legst afturat við lokalum spælarum, sum bjóða seg fram, meðan ÍTRÓTTUR: Fótbóltur VFF-Cup: HB er í einum flokki fyri seg í løtuni. Liðið er óvanliga væl fyri eftir føroyskum mátistokki, og í gjár vunnu teir greiðan 3-0 sigur á B36. Tað verður tó fyribils uttan Trónd Jensen HB Í STÓRUM