mánadagur 11. februar 2019síða 18

Mánadagur 11. februar 2019 · Nr. 17 18 Sosialurin Hugskot og viðmerkingar – send sms til 225000 Sjúrður Hildarson Hoydal Í bæði mans- og kvinnu­lands­ kapp­ingunum er stríðið um at koma í FM-finalurnar millum tey fýra stóru liðini. VÍF, Neistin, Kyndil og H71 eru tey fýra, ið kappast innan­hýsis, og flest øll høvdu vænt­að at hesi somu liðini skuldu mynda hálv­ finalur­nar í steypa­kapp­ingini. Steypakappingin hevur kort­ini altíð lagt upp til óvænt­ að úrslit, men nýggi leistur­in við bólkaspæli, ið verður býtt eftir plássunum í lands­kapp­ ing­ini, ger tað trupult at fremja teir heilt stóru skelkirnar. Og kortini og lukkutíð koma teir enn fyri. At spæla eina heila kapping upp á ein mánað tykist at geva teimum undir­ mettu liðunum eina vón um at tað kann lukkast, og hetta var aftur prógvað um vikuskiftið. Sunnudagin í Havn kom Stjørnan á vitjan hjá Neista­ num. Stjørnan er næstniðast í landskappingini, meðan Neist­ in er næstfremst í løtuni, so eingin ivi var um at flestu fólk væntaðu at Stjørnan fór at fáa ein truplan útidyst. Tað fingu stjørnukvinnurnar eisini, men tær megnaðu samstundis at gera tað eins trupult fyri Neist­ an. Stjørnan revsaði Neistan Við einari høgari 3-2-1 verju legði stjørnuverjan eitt øgi­ligt trýst á bakkarnar hjá Neista­ num, og langt var millum mál­ ini at byrja við. Liðini fylgdust fyrstu tíggju minuttirnar, men tá fór Stjørnan brádliga at revsa mis­ tøk­ini, ið neistaálopið gjørdi móti áræsnu verjuni. Um miðjan fyrra hálvleik hevði Stjørn­an eina fýramálsleiðslu, og tíggju minuttir seinni var hon voksin upp í sjey mál. Neista­fólk høvdu verið nakað trygg undan hesum. Flestu fólk mundu hugsa at Neistin skuldi líka finna spælið hjá sær aftur og so skuldi tað nokk eydnast, men nú gjørdist munurin í so stórur. Men Neistin fann spælið hjá sær aftur. Verjan fekk forðað fyri fleiri og fleiri møguleikum, og tá ið loysnirnar móti høgu stjørnu­verjuni brádliga komu, fekk Neistin spakuliga minkað um munin. Eftir hálvleiksstøðuna 10- 15 til Stjørnuna hildu neista­ kvinn­ur fram at taka seg inn í dystin aftur. Eftir at Neistin minkaði um munin tvær ferðir afturat sá stjørnuvenjarin, Per Klarup, hvønn veg tað bar, og tók time- out. Hetta bøtti einki. Tá ið Marjun Danberg miðskeiðis í seinna hálvleiki legði Neistan á odda fyri fyrstu ferð, sótu fólk við kensluni av at dysturin var enda­liga koppaður á høvdið. Dysturin javnar seg aftur Men so vaknaði Stjørnan brád­ liga aftur. Høga verjan fekk aftur fatur í takklingunum, og aftur eydnaðist tað at revsa neistamistøkini. Stjørnan tók l e i ð s l u ­n a aftur, og nú bar ikki til at siga hvønn veg dysturin fór at koppa. Neistin royndi seg við mans­verju á Minu Sirdal, og Stjørnan leitaði eftir loysnum í álopi­num. Fáar útskiftingar vóru framdar, men leikarir skiftu ofta pláss sínamillum, har ser­liga Mina Sirdal og Tóra Elia­sen vístu at tær eru nærum eins góðar um tær spæla bakkur ella vongur. Liðini skiftust at skora, har Stjørnan hevði leiðsluna, og av­ gerðin skuldi ikki falla fyrr enn í seinastu løtunum. Stjørnan ger bart Við støðuni 23-24 til Stjørnuna, tá ið hálvur annar minuttur restaði í, fangaði Ingunn Krist­ ina Persson bóltin í verju­støðu og fór í skjótálop. Sonja Sirdal gjørdi ov nógv av fyri at steðga møguleikanum og var víst av vølli restina av dysti­num. Nú høvdu tær bláu møguleikan. Tær spældu yvirtalsspæl út á høgra vong til ein frían møgu­ leika, men Annika M. Arge í stjørnu­máli­num bjargaði skoti­ num. Einki var liðugt enn, men tað var tað løtu seinni. Neistin legði seg høgt á vøllin fyri at fanga bóltin, men Stjørnan spældi skilagott út á vinstra vong, har Kristina Poulsen leyp inn og avgjørdi dystin. Steypa­skelkurin var veruleiki. Stjørn­an er í hálvfinaluni eftir eitt flott avrik og ikki sørt ans­ vekjandi úrslit. Kyndil tók fremsta plássið Stjørnan hittir Kyndil í hálv­ finalun­um. Tað gjørdist eisini greitt sunnudagin, tá ið Kyndil vann dystin um fremsta plássið í bólki 2 móti H71 í Hoyvík. Kyndil gjørdi sær dælt av góðum skjótálopum fyrstu løtuna, og royndi at trýsta leik­ferðina upp. H71 megnaði tó at halda tamarhald á sínari leik­ferð í stóran mun, og helt javn­vág í dystinum allan fyrra hálv­leik. Leiðslan skifti av og á, og í hálvleikinum var Kyndil á odda 13-14. Seinni hálvleikur byrjaði eisini javnt, og tá ið komið var til seinasta korterið var javn­ leikur 19-19. Men so fekk Kyndil brád­liga trý mál á rað, og hes­ um kom H71 ongantíð aftur frá. Hóast hoyvíkskvinnur trýstu hvat tær vóru mentar, so slepti Kyndil ikki tamarhaldið á dystinum og tryggjaði sær fremsta plássið við 25-27 sigri. Hetta merkir at H71 í hálv­finalunum hittir VÍF, ið gjørdist greiður vinnari av bólki 1. Eisini ansvekjandi úrslit hjá monnum Í bólki 2 í manskappingini vístu menn­inir hjá Neistanum ta styrki, ið kvinnunum vantaðu. Neistamenn tóku fyrsta plássið í bólkinum tá ið teir vunnu ein javnan dystin móti Kyndli. Avgerandi løtan var tíð­liga í seinna hálvleiki tá ið Neistin skeyt fýra mál á rað, og síðani ikki slepti leiðsluni aftur. Í bólki 1 var eisini ein steypa­ skelkur á veg, hóast hann helst longu var framdur í fyrsta um­ far­ið, tá ið KÍF vann á VÍF. Kollfirðingar vóru tí at síggja í høllini í Hoyvík sunnudagin, tí teirra lagna skuldi avgerast í dystinum millum H71 og VÍF. Her vónaðu kollfirðingar at H71 vann, tí so slapp KÍF í hálvfinalurnar, meðan VÍF varð varpað út. Og so varð. H71, ið tóktist sera sterkt í sín­um sigri móti KÍF seinasta HONDBÓLTUR Faxe Kondi-kappingin: TÍ ELSKA VIT STEYPA­ KAPPINGINA Í landskappingunum eru fleiri lið úti av stríðnum um FM, har tað í báðum førum eru fýra lið, sum kappast um finalurnar. Tí var tað kærkomið hjá liðum sum Stjørnuni og KÍF at spæla steypakapping, og tey tóku sanniliga av