týsdagur 19. februar 2019síða 8

Mikudagur 20. februar 2019 · Nr. 21 8 Sosialurin Hugskot og viðmerkingar – send sms til 225000 TÍÐINDI Árni Gregersen Serliga stóri fólka­vøkst­ urin hevur seinastu árini lagt ógvuliga hart trýst á bústaðarmarknaðin. Fyrst og fremst í Tórshavnar kommunu, har umleið helvtin av øllum fólkavøkstrinum hevur víst seg at vera hesi seinastu árini. Eftirspurningurin hevur verið stórur eftir øllum sløgum av bú­støð­ um, men fyrst og fremst eftir leiguíbúðum. Ymiskt er gjørt seinnu árini fyri at seta ferð á íbúðarbygging, men tað vísir seg alt at taka tíð. Fleiri orsøkir eru til tess, men nú sær út til at ferð av álvara er komin á. – Tað er eitt sindur tor­ ført at siga heilt neyvt, hvussu nógvar íbúðir tað snýr seg um, sigur Annika Olsen, borgarstjóri í Havn. Hon sigur tó, at kommunan væntar at komandi tvey árini, so eru á leið 1000 bústaðir komnir afturat í Havn. Spurd um hetta er yvir eitt longri tíðarskeið, so sigur borgarstjórin: – Nei, hetta verður innan fyri tey komandi tvey árini. – Hyggja vit fyrst at tí, sum kommunan er ein partur av, so er talan um eini 200 íbúðir komandi tvey árini. Tá hugsi eg bæði um Kongavarða, Frúu­trøð, Undir Fjalli og Stóru Brekku, sigur Annika Olsen. Kommunan er sjálv­andi eisini ein partur av tí, sum privatfólk byggja. Tað er mangan kommunan, sum ger grundstykkir byggi­búgvin og stendur fyri at ávís øki verða út­ stykkjað. Við Klingurstjørn á Argjum eru 48 grund­ stykkir seld, og tey næstu 45 eru á veg, og har verður klárt at fara undir at byggja longu í summar. Kommunan hevur so eisini stdykkjað út í Kollafirði, í Kaldbak og í Nólsoy. – Men eitt er tað, sum kommunan ger. Bú­staðir er í gongd við fleiri stórar ætlanir. Taka vit alt tað saman, so hevur bústaðir helst bygt eini 500 bústaðir í høvuðsstaðnum ella er í ferð við at byggja, sigur borgarstjórin í Havn. Umframt Bústðir eru tað eisini fleiri privat, sum eisini byggja bú­ stað­ir. Har eru fleiri, sum byggja rættuliga fitt av íbúðunm. – Eg kann nevna, at til dømis Úti á Fløtum verða eini 100 íbúðir bygd­ar nú. Harafturat eru eini 300 íbúðir uppí á Karlamagnusar breyt uppi í Hoyvík, sigur Annika Olsen. Hon sigur, at onki er at ivast í, at talið 1000 íbúðir verður rokkið næstu tvey árini. Júst nú í næsta mán­ aði eru 40 íbúðir klárar at flyta inn í hjá Mark, sum er í Gamla Snikkar­ virkinum í Marknagili. – Tað sum er so gleðiligt er, at alt spælir saman: kommunan, Bú­staðir og privatir atktørar. Annika Olsen heldur, at tað er í tøkum tíma, at íbúðir verða bygdar nú, tí eftir­spurningurin hevur verið ómetaliga stórur í seinastuni. Hon vísir tó á, at ein av stóru avbjóðingunum er at finna nóg nógvar hendur til at gera arbeið­ ið. Fólkavøksturin í Havn sein­asta árið hevur verið 2,6 prosent, og tað er munandi hægri enn vanligt. – Tí er trýstið rættuliga stórt, tí tey sum mangla ein bústað tey hava brúk fyri bústaðnum nú – ikki seinni, sigur Annika Olsen. Hon vónar sjálvandi, at fólkavøksturin fer at halda fram, so vit ikki fáa tómar íbúðir um nøkur ár. – Men tað er onki, sum bendir á, at tað fer at henda. So tað sær rættu­ lgia bjart út, sigur Annika Ol­sen, borgarstjóri í Havn. 93 grundstykkir við Klingurstjøn á Argjum Kommunan, Bústaðir og privat UM 1000 ÍBÚÐIR ÁVEGIS Í HØVUÐS­ STAÐAR­ØKINUM Roknað verður við, at eini 1000 íbuðir og hús eru klár at flyta inn í komandi tvey árini í Tórshavn GLEÐILIGT AT ALT SPÆLIR SAMAN: