týsdagur 26. februar 2019síða 44

Mikudagur 27. februar 2019 12 Sosialurin LESTRARBLAÐIÐ Setrið gongur nýggjar leiðir - Tað er torført at gera eina neyva meting, áðrenn fyrstu umsóknirnar eru komnar inn, men stórur áhugi tykist vera bæði millum møgulig lesandi og almenningin. Eitt nú varð skipað fyri eini ráðstevnu í fjør í sambandi við listaútbúgvingina, ið var sera væl vitjað, og stórur áhugi var fyri útbúgvingini og teimum møguleikunum listaútbúgvingin fer at geva føroyingum og samfelagnum, siga fyrireikararnir av nýggju listaútbúgvingini á Setrinum Hallur av Rana hallur@sosialurin.fo F róðskaparsetur Føroya víðkar um útboðið av útbúgvingum í summar, tá 15 lesandi sleppa at vera tey fyrstu, ið fara í holt við nýggju diplomútbúgving í listaligum arbeiði. Samstundis er tað fyrstu ferð nakrantíð, at Setrið bjóðar eina út­ búgving innan føroyska list. Í fyrstu atløgu vendir útbúgvingin sær til tey, ið fáast við ritlist og tónlist, upplýsir Jens Dam Ziska, útbúgvingarleiðari á nýggju út­búgvingini, og Anna Sofía Lava, samskipari á Setrinum. - Orsøkin til, at júst hesar listagreinirnar eru valdar, er, at eitt fakligt umhvørvi er á Setrinum, sum ger tað upplagt at byrja við teimum fyrst, og kostnaðarliga eru tær eisini hóskandi í mun til fíggjarligu orkuna. Hetta er tískil rætta staðið at byrja, men ætlanin er, at aðrar listagreinar skulu leggjast afturat útbúgvingini so hvørt, sum hon verður ment, siga tey bæði. Karmarnir eru til staðar Hóast talan er um eina nýggja útbúgving, ið skilur seg frá teimum útbúgvingum, ið framm­anundan eru á Fróðskaparsetrinum, so verður mett, at karmarnir longu eru til staðar til nýggju útbúgvingina. - Núverandi karmar eru nøktandi til ritlist og tónlist. Føroyamálsdeildin hevur longu umstøður, sum skulu til fyri at undir­ vísa í ritlist. Til leiðina í tónlist er hósk­andi tónleikaútgerð fingin til vega við tí játtan Setrið hevur fingið til at byrja lista­út­búgv­ ing­ina, upplýsa tey bæði. Og í samband við sjálva undirvísingina verða avtalur gjørdar við listafólk og fólk við roynd­um í báðum listagreinum, ið vera við til at tryggja, at undirvísingin verður bæði verk­ lig og ástøðilig. Stórur áhugi Hóast umsóknarfreistin til nýggju útbúgv­ ing­ina fyrst er 1. juni, so merkja tey bæði longu ein ávísan áhuga millum fólk fyri nýggju útbúgvingina. Hvussu ítøkiligur tann áhugi er, er munandi verri at staðfesta. - Tað er torført at gera eina neyva meting, áðr­enn fyrstu umsóknirnar eru komnar inn, men stórur áhugi tykist vera bæði millum møgulig lesandi og almenningin. Eitt nú varð skipað fyri eini ráðstevnu í fjør í sambandi við listaútbúgvingina, ið var sera væl vitjað, og stórur áhugi var fyri útbúgvingini og teimum møguleikunum listaútbúgvingin fer at geva føroyingum og samfelagnum, siga tey bæði og leggja afturat. - Vit fáa eisini nógvar fyrispurningar. Av tí at útbúgvingin er nýggj, hava fólk sjálvandi nógvar spurningar um innihald og skipan av útbúgvingini, men tey flestu tykjast at vera á einum máli um, at tørvur er á eini hægri útbúgving í listaligum arbeiði í Føroyum. Samband millum ættarliðini Tað er altíð torført at meta um hvønn sam­ felags­ligan týdning ein einstøk útbúgving kann hava á restina av samfelagnum, men eitt íkast er longu greitt. Hetta verður fyrsta útbúgving innan list, ið kann takast á universit­etsstøði í Føroyum og tað munar hjá teimum ungu. - Mest ítøkiliga fer hetta at koma teim­um lesandi til góðar. Tey fáa nú ein møgu­leika at menna síni listaligu evni í einum akadem­isk­ um umhvørvi uttan at flyta uttanlands. Tað at tey lesandi gerast floksfelagar við aðrar lista­spírar fer vónandi eisini at skapa ein kreativan dynamikk, sum kann vera við til at gera listaumhvørvið her heima enn meira livandi, siga fyrireikararnir. Ein onnur týdningarmikil avleiðing av útbúgv­ingini er, at tað nú verður lættari hjá eldri ættarliðunum hjá listafólk at lata sína vitan og royndir víðari til yngru ættarliðini. - Ein útbúgving í listaligum arbeiði at skapa tættari samband millum ymsu ætt­ ar­liðini í føroyska listaheiminum. Við lista­ útbúgvingini tryggja vit okkum, at virðis­ mikla vitanin og royndirnar, sum longu eru í landinum, í størri mun verða førdar víðari til komandi ættarlið. Sum frá líður fer hetta óivað at ríka okkara samfelag á nógvar ymsar hætt­ir, siga tey bæði.