týsdagur 26. februar 2019síða 46

Mikudagur 27. februar 2019 14 Sosialurin LESTRARBLAÐIÐ Skúlaflokkur uttan landamørk - Talan eru um eitt nýbrot innan norðatlantiska skúlaverkið, nú ein flokkur á fyrsta sinni fer at flyta runt millum ikki bara fýra ymiskar skúlar, men eisini lond og mentanir. Endamálið við flokkinum er at veita eitt serstakt útbúgvingartilboð til næmingar, ið ynskja at samantvinna studentsútbúgvingina við at læra norðuratlantiska økið, mentanirnar og málini betri at kenna. Hallur av Rana hallur@sosialurin.fo A ftanfyri summarferiuna fer ein slóð­ brótandi verkætlan av bakkastokki, tá tað fyri fyrstu ferð nakrantíð verður møguligt hjá ungum at taka eina studentsútbúgving í fýra ymiskum londum í Norðuratlantshavinum. Talan er um nýggju norðatlantisku stud­ ents­útbúgvingina, ið fýra skúlar í Norð­ur­ londum samstarva um. Møguligt verður hjá ungum í Íslandi, Grønlandi, Føroyum og Dan­mark at koma í ein flokk, ið fer at hava und­irvísing í øllum fýra londum. Ein gylt­ur møgu­leiki hjá teimum, ið ynskja at fáa upp­ aftur meira burturúr tíðini á mið­náms­skúla, tí við hesum fáa tey lesandi møgu­leikan at læra aðrar mentanir og lond at kenna, aftrat tí vanligu skúlagongdini. Í Føroyum er tað Miðnám á Kambsdali, ið er við í slóðbrótandi verkætlanini og er ætl­ anin, at næmingarnir skulu ganga annað árið á útbúgvingini á Kambsdali og í Verz­lonar­ skóla Íslands í Reykjavík. - Øll, sum hava gingið á einum studenta­ skúla, vita, hvussu nógv hesi trý árini eru við til at mynda og búgva okkum sum menn­iskju. Hesin flokkurin fer uttan iva at geva næm­ ingunum nakað heilt serstakt og verður eitt upplivilsi fyri lívið. Samstundis fer flokkurin eisini at skapa eitt serstakt norðatlantiskt netverk. Bæði millum næmingar, lærarar og skúlar, og tað gleða vit okkum til, sigur Páll Isholm, rektari á Miðnámi á Kambsdali. Fyrsta árið verður tikið á Gribskov gymn­ asium í Danmark, meðan síðsta og triðja árið verður tikið á GUX Sisimiut í Grønlandi. Fýra mentanir – ein flokkur Talan eru um eitt nýbrot innan norðatl­ant­ iska skúlaverkið, nú ein flokkur á fyrsta sinni fer at flyta runt millum ikki bara fýra ymiskar skúlar, men eisini lond og mentanir. Endamálið við flokkinum er at veita eitt serstakt útbúgvingartilboð til næmingar, ið ynskja at samantvinna students­útbúgv­ing­ ina við at læra norðuratlantiska økið, ment­ an­irnar og málini betri at kenna. Í flokkinum verður serliga dentur lagd­ ur á náttúruvísindaligu fakini og verða næm­ingarnir undirvísir í lærugreinunum biotøkni A, arktiskari tøkni C, støddfrøði A og alisfrøði B, umframt almenn málfatan, nátt­úruvísindalig innleiðsla, danskt A, søga A, enskt B, ítróttur C, samfelagsfrøði C, forn­ aldarfrøði C, religión C, miðlakunnleiki C og mentan C. Næmingarnir koma tó úr ymiskum lond­ um við egnum málum og verður hædd eisini tikið fyri hesum. Sjálv undirvísingin er á donsk­um, men føroysku, íslendsku og grøn­ lendsku næmingarnir hava móðurmáls­frá­ læru í ávikavist føroyskum A, íslendskum A og grønlendskum A. Fíggjarliga hjálp Meðan sjálv útbúgvingin er ókeypis eins og aðrar miðnámsútbúgvingar í Føroyum og Norðurlondum, so er eitt ávíst gjald, ið næmingarnir mugu rinda fyri kost og logi. Kostnaðurin fyri at luttaka í flokkinum er 2.500 - 4.000 krónur um mánaðin fyri bú­stað og millum 15.000 til 20.000 krónur í flog­seðlum. Hjá føroyingum er tó hjálp at fáa, tí í samband við Norðatlantiska flokkin hevur BankNordik gjørt eitt legat, har ein før­oyingur fær tilsamans 150.000 krónur til at rinda fyri skúlagongdina. 50.000 krón­ur verða rindaðar um árið tey trý árini, útbúgv­ ing­in varar. Umsóknarfreistin til Norðatlantisku Stud­ents­útbúgvingina er longu 1. mars og skulu áhugaði senda eina grundaða umsókn til post@gribskovgymnasium.dk.