týsdagur 26. februar 2019síða 68

Mikudagur 27. februar 2019 36 Sosialurin LESTRARBLAÐIÐ Hanna Jensen: Útbúgving er førleikamennandi - Vit skulu ansa okkum, at vit ikki leggja gjáir millum akademisku útbúgvingarnar og yrkisútbúgvingarnar, sigur Hanna Jensen, landsstýriskvinna í skúlamálum, sum virðir týdningin av útbúgving í samfelagnum Pætur Hjalmar Evensson pature@sosialurin.fo Ú tbúgving og skúli hava altíð verið hjartamál hjá Hannu Jensen, sum um miðjan februar fekk sessin sum landsstýriskvinna í skúlamálum. Fyri nýggju landsstýriskvinnuna hevur útbúgving fleiri týdningar. - Fyri tað fyrsta kann útbúgving før­leika­ menna fólk til heilt ávís størv, sum krevja heilt ávísar útbúgvingar. Dømi um hetta eru skiparaskúli, maskinmeistarin, lærara­út­ búgv­ingin og læknaútbúgving, sigur Hanna Jen­sen. Samstundis hevur útbúgving tað við sær, at hon mennir aðrar førleikar hjá tí, sum tekur útbúgvingina – óansæð um tað er á mið­námsstøði ella víðari lestri. - Tú lærir at skipa títt arbeiði, at samskifta, leggja fram, skriva fakliga, og tú fært eina almenna bakgrundsvitan innan fyri títt fakøkið, sum styrkir tann einstaka í hansara vitanarstøði. Vitanin hjá tí einstaka kemur eisini samfelagnum til góðar, sigur Hanna Jensen. Hon vísir eisini á, at endaligu pappírini eftir lokna útbúgving geva tí einstaka nakrar møgu­leikar og nøkur rættindi. - Tá fólk hava fingið prógvið, gevur tað teimum fleksibilitet. At hava pappír uppá sínar førleikar ger, at tú kanst skifta starv, um tú nú kanska verður uppsøgd ella upp­ sagdur, ella um tú fært hug at royna okkurt nýtt. Tað gevur eisini betri møguleikar at fara uttanlands eitt tíðarskeið, tá tað er lág­ konjukturur, og færri starvsmøguleikar eru í Føroyum. Tørvur á handverkarum Landsstýriskvinnan heldur, samfelagið hev­ ur stóran tørv á handverkarum og útbúgv­ ingum, sum kunnu geva størv innan hand­ verk­araøkið. - Vit skulu ansa okkum, at vit ikki leggja gjáir millum akademisku útbúgvingarnar og yrkisútbúgvingarnar. Vit hava í alt ov stóran mun staðið í skotgravum og tosað fyri og ímóti báðum leiðunum, sigur Hanna Jensen og vísir á, hvussu hetta evnið hevur merkt kjakið í almenna rúminum og politisku skip­ anini seinastu árini. Gongda leiðin, meinar hon, er eitt fjøl­ broytt tilboð av útbúgvingum, sum onkurs­ vegna kunnu sambindast. - Vit skulu duga at síggja virðið í báð­um og síggja, hvussu væl samstarvið og sam­ virkanin millum tær praktisku og aka­dem­ isku útbúgvingarnar kunnu rigga, og hvussu tær uppfylla hvør sín tørv í einum landi. Uppá hendan mátan kunnu vit røkka best møguligu úrslitinum í føroyska sam­felagn­ um í framtíðini. - Vel eftir nyttuvirði og motivatión Hanna Jensen metir, at tað eru tvær raðfest­ ing­ar, tú mást gera tær, tá tú skalt velja tær útbúgving. - Tú skalt sjálvandi hugsa um nyttuvirðið av útbúgvingini antin í Føroyum ella har, tú ímyndar tær, at tú kemur at arbeiða. Kanna hvørjar møguleikar útbúgvingin kann geva tær og hygg eftir menningarmøguleikunum í samfelagnum og met síðani um, hvørji sløg av útbúgvingum síggja út til at fáa týdning í tínari livitíð. At ganga á einum hægri lærustovni krev­ ur úthaldni og eina innaru motivatión, og tí hevur tað eisini stóran týdning at hugsa um, hvørjum tú brennir fyri. - Tú mást eisini hava eitt hjarta fyri út­ búgvingini fyri at gjøgnumføra hana. Tí um tú bara velir eina útbúgving eftir, hvat onnur velja ella siga, so verður tað verri at gjøgnumføra hana, sigur Hanna Jensen. Avgerðin liggur hjá tí einstaka Ein útbúgving krevur nógv, og tað snýr seg ikki altíð bara um at hava eitt høgt vitan­ar­ støði. Landsstýriskvinnan sigur, at tað er eitt gott hugskot at tosa við onnur lesandi, sítt nærumhvørvi, lestrarvegleiðara og fólk, sum arbeiða innan fyri tað økið, mann ætlar at lesa í. Hetta kann mann bæði gera í sambandi við hægri lesnað, men eisini í miðnámi, tá breytir og vallærugreinir skulu veljast. Og er ein møguleiki at royna at arbeiða innan fakið frammanundan ella ígjøgnum praktikk, so gevur tað sera gott innlit. - Tað er altíð gott at fáa góð ráð. Men tað er ein sjálvur, sum skal taka avgerðina. Tá tú hevur fingið øll hesi ráðini, mást tú eisini merkja, hvat tað er, sum motiverar teg, og hvat drívir teg. Tað hevur týdning, at tú velir eina leið, tú verður glað/ur fyri at gjøgnumføra, og sum tú vilt leggja alla tína orku í, sigur Hanna Jensen.