týsdagur 5. mars 2019síða 14

Mikudagur 6. mars 2019 · Nr. 27 14 Sosialurin Hugskot og viðmerkingar – send sms til 225000 TÍÐINDI Nú fæst fiskur á línu og snellu samstundis - Vanligt plagdi at vera, at bátar við línu ikki fingu nakað serligt, meðan várróðurin er, og fiskurin tekur beitu. Men, eisini her hevur árið higartil verið øðrvísi enn onnur ár, tí bæði fríggjadagin og leygardagin fingu bátar, sum rógva við línu her norðuri, nógvan fisk, sigur Jóhan K. Joensen Vilmund Jacobsen Tað eru bilar hjá Hans Egili Joensen & Synum, sum plaga at landa útróðrarbátarnar, sum leggja fiskin upp á Eiði, og nú snelluútróður er á Norð­ hav­inum, er talið av bátum nógv størri enn annars. Jóhan K. Joensen sigur, at várróðurin hjá snellubátunum byrjaði nógv fyrr í ár, enn vanligt plagdi at vera. - Tað var longu um hálvan januar, at bátar gjørdu onkra roynd við snellu og fingu fisk. Tá vit so komu út í februar, fingu fleiri góðar dagar longu um hálvan februar ella so. Teir siga, at hetta var torrafiskur, sum stóð inni á summar­leið­ un­um heilt stutt úr landi. Tað vóru bátar, sum í byrjanini av várróðrinum í ár gjørdu góðar dagar bara ein ella tveir fjórð­ ingar úr Risanum. Jóhan K. Joensen sigur, at sum tíðin er liðin, og vit nú eru komin út í mars, eru bátarnir ytri, og teir royna meira víða. - Í løtuni er einki veður. Mána­dagin var illveður, og eg trúgvi neyvan, at nakar snellu­ bátur loysti týsdagin. Eftir veð­ur­forsagnunum í løtuni verð­ur neyvan nakar dagar aft­ur norðan fyri fyrr enn fríggja­dagin, um forsagnirnar halda. Væntandi var, at bátatalið seinasta leygardag, tá líkindini vóru rímiliga góð, fór at gerast rættiliga stórt, men júst henda leygardagin vóru ikki fleiri bát­ar úti enn aðrar dagar, tá tað viðrar. Kanska vóru teir held­ur færri. - Eg haldi, at vit landaðu einar 30-40 bátar henda dagin, og flestu bátar høvdu millum 1000 og 2000 pund. Nú royna snellubátarnir meira víða um, og teir eru eisini ytri. Jóhan K. Joensen sigur, at tá várróðurin higartil hevur roynst betur, hava bestu bát­ arnir fingið upp í eini 3000 til 4000 pund. - Men, frætt er so sanniliga eis­ini frá góðum snelludøgum, bæði hjá vágamonnum og sand­oyingum, og bestu dagar­ nir her hava verið minst líka so stórir – fyri ikki at siga størri – enn hjá snellubátunum, sum rógva út av Eiði. Hann leggur aftrat, at í febr­ uar í ár kom nógv meira snellu­ fisk­urn upp á land á Eiði enn í febru­ar í fjør, tí sum áður nevnt, vísti tað seg, at bátar byrj­aðu at fáa fisk nógv fyrr enn vanligt. - Eg dugi ikki at siga, hvussu marsmánaði higartil hevur roynst, men enn hevur ikki viðrað nakað serligt í hesum mán­aðinum. Eisini við línu Vanligt plagdi at vera, at bátar við línu ikki fingu nakað ser­ ligt, meðan várróðurin er, og fisk­urin tekur beitu. Men, eisini her hevur árið hig­artil verið øðrvísi enn onn­ ur ár. - Bæði fríggjadagin og leyg­ ar­dagin fingu bátar, sum rógva við línu her norðuri, nógvan fisk. Jóhan K. Joensen vísir á, at fríggja­dagin hevði Falkurin eini 13.000 pund, og Luttur og Gor­drúgvin høvdu umleið 10.000 pund hvør. - Leygardagurin royndist eis­ini góður hjá útróðrar­bát­ un­um, sum royna við línu. Henda dagin høvdu Luttur og Falk­urin umleið 7.000 pund hvør, og Gordrúgvin hevði mill­um 10.000 og 11.000 pund. Hetta eru góðir útróðrardagar við línu, tí vit skulu minnast til, at hesir bátar seta allir nið­ an fyri 40 stampar hvørja ferð. Jóhan K. Joensen sigur, at í fjør fekst einki við línu, meðan snelluútróðurin var á Norð­ havinum. Settu sjóneyku á smábarnaøkið Í farnu viku vóru borgarstjórar og politikarar, sum arbeiða fyri trivnaðarøkinum í Norðoyggjum, til verkstovu saman við leiðandi starvsfólkum innan trivnaðarøkið, og her varð sjóneyka sett á smábarnaøkið í Norðoyggjum Vilmund Jacobsen Beinta Klakstein, forkvinna í trivnaðarnevndini, sum fevn­ ir um børn og ung, greiddi frá endamálinum við verk­stov­ uni, sum eitt nú er at arbeiða víð­ari við evninum, sum Komm­unufelagið setti á bredda­n síðsta heyst við slag­ orð­inum: ”Við at gera nakað nú, vinna vit í longdini”. - Endamálið við teirri ráð­ stevnuni var at varpa ljós á tann týdning, sum fyri­byrgj­ andi arbeiði hevur fyri børn og ung, og hvussu vit megna at lyfta hesa uppgávu í felag. Beinta Klakstein fegnast um, at starvsfólk, sum dagliga ar­beiða á smábarnaøkinum í Norð­oyggjum, saman við polit­ikarum, kunnu luttaka á einari tílíkari verkstovu, har víst verður á, hvussu ar­beið­ ast kann víðari, og hvørji am­ boð kunnu brúkast til at loysa hesa týðandi uppgávu. Eyðun Christiansen frá Komm­unufelagnum luttók eisini á verkstovuni, og hann vísti eitt nú á týdningin hjá komm­ununum at raðfesta fyri­byrgjandi arbeiði. - Slíkt arbeiði verður í flest­ um førum veitt av komm­un­ al­um starvsfólkum, sum dag­ liga eru um børnini, og eiga komm­unurnar at raðfesta fyri­byrgjandi átøk soleiðis, at børn­ini frá byrjan  mennast og trívast. Óli Rubeksen, sum er SSP ráðgevi, hevði eisini framløgu um SSP-arbeiðið, har hann kunn­aði um ymiskar arbeiðs­ hættir, sum kunnu verða gagn­ligir, tá farast skal undir eina nýggja menning­artil­ gongd.  Umframt hesar framløgur, vóru eisini forvitnisligar fram­ løgur frá starvsfólkum í Klaks­víkar kommunu, sum lýstu støðuna á kommunala økin­um. vilmund@sosialurin.fo Á verkstovuni var eitt nú víst á, hvussu arbeiðast kann víðari, og hvørji amboð kunnu brúkast til at loysa týðandi uppgávur innan smábarnaøkið Í byrjanini av snelluútróðrinum fingu bátar nógvan fisk heilt stutt úr landi, men nú verður roynt meira víða um og ytri, og fiskiskapurin er misjavnur - Snellubátarnir hava fingið fisk nógv fyrr í ár enn vanligt, og longu um hálvan januar gjørdu bátar góðar dagar, sigur Jóhan K. Joensen