týsdagur 5. mars 2019síða 28

4 FÓTBÓLTUR 2019 FÓTBÓLTSBLAÐIÐ HJÁ MIÐLAHÚSINUM HAVNAR BÓLTFELAG Allir teir trettan, sum vóru drúgvastir í fjør, eru klárir at vera við til at verja meistaraheitið Heimir Guðjónsson vísti seg í fjør at vera plettskot í HB. Eftir trilvandi avrik og plasering, sum var langt frá tí, ið kræsna HB legan var von við, vendi íslendski venjarin í stórum stíli gongdini. Manningin var ikki so nógv øðrvísi enn undanfarna árið, men talan var um hamskiftar spælarar, sum í betri venjingarstøðu enn tað er sæð áður, og við framúr hugburði og stórari tilvitan um spælskipan – bæði í verju og álopi – vístu støðug og sannførandi avrik. Úrtøkan var 73 stig, sum var ruddiligt met – seks stig frammanfyri gamla metið. HB tapti tvær ferðir, einaferð endaði tað javnt, og 24 ferðir fóru meistararnir av vøllinum við fullari úrtøku. Síðstu fimmti árini hevur HB oftast verið í flokki fyri seg. 23 FM heiti síðani 1955 siga sína søgu, og síðani túsund ára skiftið er úrtøkan átta FM – í 2002, 2003, 2004, 2006, 2009, 2010, 2013 og 2018. Útgangsstøðan undan nýggju avbjóðingini er so mikið góð, at tað ber ikki annað til enn at rokna HB at vera FM favoritt. Allir teir trettan, sum vóru drúgvastir í fjør, eru klárir at vera við til at verja meistaraheitið. FM heitið í fjør ber møguleikar við sær, sum HB ikki hevur havt tey seinnu árini. Tað verður lagt uppfyri, so vandin fyri nýggjum fíggjarligum óføri er minni. Samstundis er tað so mikið rúmsátt, at meistararnir nú undan kappingarbyrjan vóru í Turkalandi, har teir undir sólini pussaðu formin av. Undan fráferðina til Turkalands vann HB finaluna í venjarakappingini, og sunnudagin vann HB stórsteypadystin. Heimir Guðjónsson koyrir á sínar menn hvønn dag og viðhvørt fleiri ferðir um dagin. At tvey steyp longu eru vunnin, áðrenn tað verður farið undir landskappingina, eigur at boða frá góðum. Teitur Matras Gestsson er sjálvskrivaður málverji, og Mattias Lamhauge og Bjarti V. Mørk eru eykamálverjar. Í verjuni eru liðformaðurin Jógvan Rói Davidsen og Magnus Egilsson vongverjar og Bartal Wardum og Lasse Andersen miðverjar. Nýggjur møguleiki er Hørður H. Askham, sum eisini hevur royndir bæði á vongverjanum og sentrala miðvøllinum. Sentrali miðvallarin Tróndur Jensen hevur verið illa skaddur, men hann er við at koma seg aftur. Binni Hlöðversson er aftur stóri stríðsmaðurin, og annað boð er Daniel Johansen. Adrian Justinussen og Símun Samuelsen eru sjálvskrivaðir í borðunum, og í fremstu ódnunum verður roknað við Ara Mohr Olsen, Dan í Soylu, Jógvan Skeel Nolsøe, Sebastian Pingel og Pætur J. Petersen. Aðrir spælarar, sum í fjør snoddaðu til besta liðið, vóru Niklas Kruse, Tórmóður Djurhuus, Hjalti K. Djurhuus og Villiam Emil Klein. Aðrir ungir spælarar eru Bjarni Brimnes og Símun Sólheim. Hóast HB í fjør vann FM, so lagaði kappingarárið seg ikki heilt soleiðis, sum tað varð vónað. Ætlanin var at vinna steypafinaluna fyri fyrstu ferð síðani 2004. Tað var tætt við. Tí kendist tað serliga meint, tá ið grannarnir struku avstað við løgmanssteypinum, hóast HB alla longdu leiktíðina í finaluni var yvirmannað. Tí er málið í ár, sum tað altíð er, bæði at vinna FM og løgmanssteypið. MEISTARI (23) 1955, 1960, 1963, 1964, 1965, 1971, 1973, 1974, 1975, 1978, 1981, 1982, 1988, 1990, 1998, 2002, 2003, 2004, 2006, 2009, 2010, 2013, 2018 STEYPAVINNARI (26) 1955, 1957, 1959, 1962, 1963, 1964, 1968, 1969, 1971, 1972, 1973, 1975, 1976, 1978, 1979, 1980, 1981, 1982, 1984, 1987, 1988, 1989, 1992, 1995, 1998, 2004 GREIPUVINNARI (12) 1955, 1963, 1964, 1971, 1973, 1975, 1978, 1981, 1982, 1988, 1998, 2004 Í BESTU DEILDINI (77 ÁR) 1942-1943, 1945- Í EUROPA (22) 1993, 1994, 1995, 1996, 1997, 1998, 1999, 2000, 2001, 2003, 2004, 2005, 2006, 2007, 2008, 2009, 2010, 2011, 2013, 2014, 2015, 2016 HB STOVNAÐ 4. oktober 1904 FORMAÐUR Kaj Leo Holm Johannesen 1 V I T T I P P A HÓPURIN Mál 1 Teitur M. Gestsson 16 Mattias Lamhauge 25 Bjarti V. Mørk Verja 2 Magnus Egilsson 3 Jógvan Rói Davidsen 17 Bartal Wardum 19 Hørður Askham 20 Hjalti Djurhuus 21 Bjarni Brimnes 24 Lasse Andersen Miðja 5 Brynjar Hløðversson 6 Daniel Johansen 7 Adrian Justinussen 8 Dan í Soylu 9 Tróndur Jensen 11 Pætur Petersen 18 Símun Samuelsen 22 Tórmóður Djurhuus 26 Símun Sólheim Álop 4 Sebastian Pingel 12 Jógvan Skeel Nolsøe 15 Villiam Klein 23 Ari Mohr Olsen 27 Niklas Kruse Venjari Heimir Guðjónsson Hjálparvenjari Rasmus Nolsøe Tilgongd Pætur Petersen, Hørður Askham Frágongd John Frederiksen, Grétar Gunnarsson, Heri Mohr MEISTARARNIR ERU GREIÐIR FM FAVORITTAR