týsdagur 5. mars 2019síða 30

6 FÓTBÓLTUR 2019 FÓTBÓLTSBLAÐIÐ HJÁ MIÐLAHÚSINUM BINNI HLÖÐVERSSON EINKI MÁL OG EINKI LANGT HÁR Hóast hann einki mál skeyt í fjør og fyri tað mátti klippa eyðkenda langa hárið, so er Brynjar Hlöðversson millum týdningarmestu leikararnar hjá HB. Hann hevði tilboð úr Íslandi, men valdi kortini at halda fram í Føroyum PÆTUR ALBINUS Við einum syngjandi 3-0-heimatapi fyri KÍ fekk HB alt annað enn eina ynskiliga byrjan upp á kappingarárið í fjør, men eftir tað sá HB seg ongantíð aftur um bak og fekk gongd í eina røð við góðum úrslitum, sum helt áfram alt kappingarárið og úrslitaði seg í einum ótrúligum stigameti og sannførandi føroyameistaraheiti heili 18 stig frammanfyri nærmasta avbjóðaran. Alt riggaði hjá HB undir nýggja íslendska venjaranum, Heimi Guðjónssyni. Adrian Justinussen var í stórformi og gjørdist toppskjútti í Betrideildini við 20 málum. Aftanfyri seg hevði hann eina væl smurda maskinu, har ein íslendingur var at finna innast í maskinrúminum, aftast á miðvøllinum. Talan var um uppruddaran, Brynjar Hlöðversson, sum longu í sínum fyrsta ári gjørdi seg kendan um landið – neyvan fyri sínar teknisku gávur, men fyri sín gløggleika á einum fótbóltsvølli, evni at verja og leggja upp ímillum – og sum, tá ið avtornaði, var ein týðandi partur í FM-heitinum hjá HB og eisini gjørdi hann uppibornan at vera ein av teimum tilnevdu til ársins leikara í føroyskum fótbólti. Hann var eisini á ársins liði, sum Miðlahúsið setti sambært atkvøðunum frá leikarum og venjarum í Betrideildini og miðlafólki kring landið. Brynjar, eisini kendur sum Binni, hevði einans eitt ára sáttmála við HB, og eftir góða avrikið vóru boð eftir honum úr øðrum feløgum – eisini úr heimlandinum, Íslandi – men til sjeynda og síðst, á jólum, valdi hann at leingja um sáttmálan við HB. – Eg elski at vera her, og eg klári næstan ikki at bíða við at sleppa á eitt evropeiskt ævintýr við HB, sigur Binni. Sambært íslendskum miðlum, so vóru FH og Fylkir áhugað í at fáa fatur á Binna. RAKAÐI SÆR Brynjar Hlöðversson, sum verður 30 ár í næsta mánað, hevur heima í Íslandi einamest spælt við Leiknir í Reykjavík. Hann sigur, at hansara núverandi pláss hansara á verjukenda miðvøllinum er hansara yndis, men at hann áður eisini hevur spælt aðrastaðni á vøllinum. – Eg havi spælt á hesum plássinum tað mesta av leiðini, og tað er eisini mítt yndispláss. Eg havi tó eisini roynt at spælt á høgra bakki, vinstra bakki og í miðverjuni, sigur hann. – Men eg havi altíð ynskt at spælt sum áleypari eitt heilt kappingarár, bara fyri at vísa hvussu lætt tað er at skjóta mál, skemtar Brynjar víðari. Tað er tó okkurt, ið bendir á, at hann hóast alt ikki er so kringur at skjóta mál. Hann skeyt nevniliga einki mál sítt fyrsta ár í HB, og tað mátti hann rinda fyri. Hann hevði lovað at klippa eyðkenda langa hárið, um hann ikki skeyt nakað mál, og hetta lyftið helt hann. – So tit kunnu vænta at síggja mál frá mær í summar, sigur hann. FALLIN TIL Brynjar Hlöðversson heldur, at góða árið í fjør skyldaðist harða arbeiðið, ið teir løgdu fyri dagin, og tað góða samanhaldið í hópinum. Persónliga trívist hann eisini væl í Føroyum. – Tað var lætt at fella til í Føroyum. Mær dámar væl bæði fótbóltin og fólkið her, sigur hann. – Men eg haldi, at tit kundu dugað betur við endurnýtslu, skoytir hann uppí. Heldur óvant fyri eitt føroyskt felag, so valdi HB undan hesum kappingarárinum at fara langt av landinum á venjingarlegu. Teir fóru til Turkalands, og hendan túrin var íslendski HB-stríðsmaðurin glaður fyri. – Tað var bæði hart og stuttligt. Maturin var góður. Slíkir túrar eru góðir fyri hýrin í hópinum, og vit komu tættari at hvørjum øðrum. Og so fingu vit eisini D-vitaminir, sigur hann. Svarini hjá Binna eru mangan stutt og skemtilig, og stutt og greitt er tað eisini, tá ið hann verður spurdur um málið fyri kappingarárið 2019. – Málið hjá HB er so einfalt. Vit fara á vøllin fyri at vinna hvønn einasta dyst, sigur Brynjar Hlöðversson.men higartil hava skaðar og vantandi pappírarbeiði verið ein avbjóðing. LYKLASPÆLARIN Adrian Justinussen Adrian Justinussen tók øll á bóli í fjør og gjørdist suverenur toppskjútti í Betrideildini. Ungi vongleikarin er við sínum framúr sparkiteknikki ein støðug hóttan einsamallur at avgera dystir, og hesin virðismikli leikluturin kann vera lykilin til at bera verandi meistararnar upp á tindarnar aftur í ár. GJØGNUMBROTIÐ Símun Sólheim Tað er ikki lætt hjá nøkrum ungum at bróta ígjøgnum á einum vælsmurdum meistaraliði, men 18 ára gamla miðvallaratalentið Símun Sólheim kann vera á gáttini til nakrar minuttir, serliga nú miðvøllurin hjá HB tíðliga í kappingini er raktur av onkrum skaða. Í venjingardystum hevur Símun fingið kjansin at spæla, og boð kunnu fara at vera eftir honum aftur. VENJARIN Heimir Guðjónsson Íslendski Heimir Guðjónsson hevur við nýskapandi meirvenjingum og einari ágangandi spæliskipan ikki einans endurreist stórfelagið, men eisini lagt ein nýggjan yvirliggjara í føroyskum fótbólti við einum stigameti, ið verður trupult at taka. Tað er ein fongur fyri HB, at Heimir heldur fram. MÁLIÐ FM Tað mest nærliggjandi og einfalda málið er at endurvinna FM, men sambært teimum íløgum, sum eru gjørdar í tann frammanundan sterka hópin, so kann ein hugsa sær, at tey í felagnum eisini hava dreymar um greipuna og at gera ein vørr í Champions League. Tit kunnu vænta at síggja mál frá mær í summar