týsdagur 5. mars 2019síða 44

20 FÓTBÓLTUR 2019 FÓTBÓLTSBLAÐIÐ HJÁ MIÐLAHÚSINUM VÍKINGUR Gongdin í venjingardystunum bendir á, at spælskipan og hugburður aftur eru í eyðkenda lagnum Eftir at hava vunnið FM í 2016 og 2017 hilnaðist tað í fjør minni væl hjá Víkingi. Úrtøkan var 39 stig, sum er tað lakasta, síðani samanlagda felagið í 2008 fyrstu ferð royndi seg í fremstu røð. Fimta plássið ber við sær, at tað í ár er møguleiki hjá spælarunum at halda summarfrí. Nógvu tey seinastu árini hava víkingarnir verið í Europa, tá ið landskappingin hevur verið í summarfrí. Soleiðis verður tað ikki í ár. Í fjør miseydnaðist royndin við nýggjum venjara, eftir at Sámal Erik Hentze hevði verið oddamaður, tá ið felagið vann tvey FM. Nýggj spælskipan, nýggir útlendingar og gamlir spælarar í nýggjum ódnum gav ikki tað, sum tað varð roknað við. Nú heldur Sámal Erik Hentze aftur um stýrisvølin, og veteranar, sum vóru hansara kosnu menn, eru ætlaðir at eiga lyklaleiklutir. Gongdin í venjingardystunum bendir á, at spælskipan og hugburður aftur eru í eyðkenda lagnum, tá ið tað eydnaðist at vinna FM heitini. Miðalaldurin er neyvan millum teir lægstu í bestu deildini, men harvið er ikki sagt, at nærlagni, íblástur og venjingarstøða ikki eru góð. Dygdirnar eru væl skipað verjuspæl, skjótálop, at nógv verður lagt fyri í nærdystum og eisini í deyðbóltsstøðum. Elias Rasmussen er málverji, og Bárður á Reynatrøð er fremsti avbjóðarin hjá honum. Gunnar Vatnhamar man vera fyrsta val á høgra vongverja. Veteranurin Gert Hansen er eftir skaðasteðg í fjør aftur tøkur, og hann fer ivaleyst at eiga sín leiklut. Ein annar veteranur, Hanus Jacobsen, er upplagdur vongverji í vinstru. Liðformaðurin Atli Gregersen hevur fingið nýggjan útlendskan makkara í miðverjuni. Hann eitur Vukasin Tomic. Á miðvøllinum eru Heðini Hansen og nýggi Milan Svojic sentralir. Sølvi Vatnhamar er komin seg eftir skaðasteðg. FM árini var hann ógvuliga sentralur í kontraspælinum. Tann leiklutin er hann ætlaður at hava aftur í ár. Í trimum teimum fremstu ódnunum eru bestu boðini Philip Djordjevic, Andreas Lava Olsen, Adeshina Lawal og Dion Splidt, sum er nýggjur í Sarpugerði. Í fjør vóru tvíburarnir Elias og Hans Jákup Lervig fastir menn í hópinum og ofta á liðnum. Teir fara ivaleyst eisini at eiga leiklut í ár. Aðrir ungir spælarar, sum hava snoddað til besta liðið, eru Hjalti Strømsten, Tonni Thomsen, Hjartvardur Hansen, Pól Enok Hansen, Magnus Heinason, Géza Tamas Túri og Arnbjørn Svensson. Hvønn leiklut teir fara at eiga fer at valdast um, hvussu tað verður við skaðum og leikbannum. Felags fyri hesar er, at teir eru uppaldir í felagnum, har stórur dentur verður lagdur á at skipa ungdómsfótbóltin væl og at skipa so fyri, at øll liðini hava vaksnar og útbúnar venjarar. Nógvir av hesum vóru í síni tíð á besta liðnum. At tað ikki hilnaðist so væl í fjør, sum tað gjørdi undanfarnu árini, sást sjálvandi aftur í áskoðarafjøldini. At tað í venjingardystunum nú undan kappingarbyrjan hevur gingið væl, hevur aftur kynt undir eldhugaðu fjeppararnar í Eysturkommunu, sum halda seg hava orsøk at vóna, at tað aftur skal eydnast Víkingi at vinna seg í europeiska kapping. MEISTARI (2) 2016, 2017 STEYPAVINNARI (5) 2009, 2012, 2013, 2014, 2015 GREIPUVINNARI (0) Ongantíð Í BESTU DEILDINI (12 ÁR) 2008- Í EUROPA (7) 2010, 2012, 2013, 2014, 2015, 2016, 2017, 2018 VÍKINGUR STOVNAÐ 14. januar 2008 FORMAÐUR Brandur Jacobsen 3 V I T T I P P A HÓPURIN Mál 1 Elias Rasmussen 25 Bárđur á Reynatrøð Verja 3 Hanus Jacobsen 4 Atli Gregersen 5 Elias Lervig 12 Hjartvard Hansen 15 Jákup Vatnhamar Olsen 18 Pól Enok Hansen 19 Hjalti Strømsten 21 Gert Hansen 26 Vukasin Tomic Miðja 8 Heðin Hansen 10 Sølvi Vatnhamar 11 Hans Jákup Lervig 20 Dion Splidt 22 Tonni Thomsen 23 Milan Svojic 24 Gunnar Vatnhamar 27 Arnbjørn Svensson Álop 2 Andreas Lava Olsen 9 Philip Djordjevic 28 Magnus Heinason 30 Adeshina Lawal   Venjari: Sámal Erik Hentze Hjálparvenjari: Dimitrije Jankovic Tilgongd Vukasin Tomic, Milan Svojic, Dion Splidt Frágongd Adrian Cascaval, Karl Løkin LEITA AFTUR Á SLÓÐINA Í SARPUGERÐI