týsdagur 5. mars 2019síða 50

26 FÓTBÓLTUR 2019 FÓTBÓLTSBLAÐIÐ HJÁ MIÐLAHÚSINUM NÓGVIR ERU UM BOÐIÐ Á SKÁLA SKÁLA ÍTRÓTTARFELAG Í hesum umfarinum hevur Skála verið trý ár í bestu deildini. Fyrsta árið snúði tað seg um at sleppa undan at flyta niður. Soleiðis er dagsskráin hjá uppflytarum altíð. Ofta flyta uppflytarar beinanvegin ella skjótt niður aftur. So eru tað tey liðini, ið megna at lofta sær og síðani fóta sær í fremstu røð. Skála er dømi um hetta seinna. Í heyst verður stigaposin gjørdur upp, og tá fæst at síggja, hvussu árið hevur hilnast. Undan kappingarbyrjan verður ikki roknað við, at Skála fer at vera millum feløgini, sum fara at stríðast fyri at sleppa undan at flyta niður. Skála endaði í 2016 á áttanda plássi. Úrtøkan var 26 stig, og tað vóru átta stig aftur til níggjunda pláss. Tí var spurningurin um niðurflyting ikki uppi og vendi nógvu tey síðstu umførini. Bæði í 2017 og 2018 endaði Skála á sætta plássi. Í 2017 var úrtøkan 33 stig, og tað vóru fimm stig aftur til níggjunda plássið. Í 2018 var úrtøkan 29 stig, og tað vóru ellivu stig aftur til níggjunda plássið. Eyðun Klakstein var venjari í fjør, og hann hevur aftur ábyrgdina, nú avbjóðingin er at skava fleiri stig saman enn í fjør og at nærkast teimum fimm, sum tey seinastu árini eru endað í ovaru hálvu. Sammett við undanfarin ár er ikki talan um nógvar broytingar á liðnum og í hópinum. Bara tríggir spælarar eru farnir. Tveir spælarar eru lagstir aftrat, eftir at teir hava skift onnur feløg út við Skála, og so eru tað fleiri ungir spælarar, ið nú venja við besta liðnum. Intensiteturin og góðskan í venjingunum gevur teimum møguleika at mennast, so teir verða búnir at taka av, um tað verður brúk fyri teimum. U-21 landsliðsmálverjin í fjør, Karstin Hansen, verjir málið. At kappingarneytin hjá honum, Sonni Højgaard, stutt undan kappingarbyrjan sleit hælsinuna, kom ógvuliga dátt við á Skála. Jákup Jakobsen og Teitur R. Joensen, sum eisini er stinnur vongverji, eru miðverjar. Tvær vikur undan kappingarbyrjan legðist Fróði Benjaminsen, sum býr á Strondum, aftrat. Tað er framúr styrkur, tí Fróði hevur so nógvar royndir og er so fjølgávaður. Ari Olsen, Leivur Zachariassen og Niels Pauli Danielsen, sum eisini hevur royndir á sentralum miðvallarplássi, eru vongverjar. Sentralir miðvallarar eru Pætur Dam Jacobsen, Ólavur Mikkelsen og Haraldur R. Højgaard. Ronni Møller-Iversen verður roknaður at manna framrættaða og sentrala miðvallarplássið, og Søren B. Nielsen verður fremsti maður. Í borðunum og eisini sum møguligir framrættaðir miðvallarar eru Edvin Jacobsen, Janus Svabo Samuelsen, Heðin Klakstein og Jákup Johansen, sum fram ímóti kappingarloki í fjør kom seg heilt eftir langan skaðasteðg. Millum ungu menninar, sum kunnu gera seg galdandi í framrættaðum plássum, eru Andreas E. Jacobsen, sum í fjør var sera eyðsýndur á næstbesta liðnum, Jan Ingason Hansen, ið er komin fyri seg aftur eftir langan skaðasteðg, og Dávid Johansen. Ungu miðvallararnir eru Teitur Poulsen, Hanus Mikkelsen og Poul Kallsberg, og í verjuni eru tað Djóni Petersen, Aksel Jacobsen, Kristian Martin Jakobsen og Rói Olsen. MEISTARI (0) Ongantíð STEYPAVINNARI (0) Ongantíð GREIPUVINNARI (0) Ongantíð Í BESTU DEILDINI (12 ÁR) 2002-08, 2014, 2016- Í EUROPA (2) 2005, 2006 SKÁLA ÍTRÓTTARFELAG STOVNAÐ 15. mai 1965 FORMAÐUR Rógvi Reinert Djurhuus 6 V I T T I P P A HÓPURIN Málmenn 1 Karstin Hansen 12 Sonni Højgaard Verjuspælarar 2 Djóni Petersen 3 Teitur R. Joensen 4 Jákup Jakobsen 14 Aksel Jacobsen 17 Niels Pauli Danielsen 22 Ari Olsen 24 Kristian Martin Jakobsen 25 Leivur Zachariassen 29 Rói Olsen Miðvallarspælarar 6 Pætur Dam Jacobsen 7 Ólavur Mikkelsen 8 Haraldur R. Højgaard 11 Ronni Møller-Iversen 16 Janus Svabo Samuelsen 20 Edvin Jakobsen 21 Heðin Klakstein 26 Teitur Poulsen 27 Hanus Mikkelsen 28 Poul Kallsberg Álopsspælarar 9 Søren Nielsen 10 Jákup Johansen 18 Jan Ingason Hansen 19 Andreas E. Jacobsen 23 Dávid Johansen Venjari: Eyðun Klakstein Hjálparvenjari: Sjúrður Jacobsen Tilgongd Ronni Møller-Iversen, Fróði Benjaminsen, Janus Svabo Samuelsen Frágongd Ahmed Mujdragic, Brian Jakobsen, Jannik Olsen Skála vil leggja afturat sínum stigatali og nærkast teimum ovaru