týsdagur 5. mars 2019síða 52

28 FÓTBÓLTUR 2019 FÓTBÓLTSBLAÐIÐ HJÁ MIÐLAHÚSINUM LYKLASPÆLARIN Søren B. Nielsen Hann spældi fyrstu ferð við Skála dagin undan ólavsøkuaftan í fjør. Í ellivu dystum skoraði hann seks mál. Nú er Søren B. Nielsen fluttur úr næstfremstu ódnini og fram á toppin. Hvussu tað fer at hilnast hjá Skála er ikki minst treytað av, hvussu tað fer at roynast hjá Søren B. Nielsen. STJØRNUSKOTIÐ Andreas Egeberg Jacobsen Høga ferðin og fíni bóltførleikin vísti Andreas Jacobsen í fjør á næstbesta liðnum, har hann var framrættaður í borðinum og toppskjútti. Andreas fer heilt víst at fáa møguleikan á besta liðnum, har hann í fjør var seks løtur. Andreas hevur evnini og viljan at vinna seg á besta liðið. VENJARIN Eyðun Klakstein Sum spælari í Klaksvík vóru eyðkennini bóltførleikin og eygað fyri spælinum. Tað hevur eisini eyðkent hann sum venjara. Besta úrslitið var FM heitið við B36 í 2015. Í fjør tók hann við venjarastarvinum á Skála, har tað verður arbeitt miðvíst við at mynda lið, sum vísir hugflog, vilja og góðan bóltførleika. MÁLIÐ Nærri ovaru hálvu Tað snýr seg um at vinna fleiri stig enn í fjør, tá ið 29 stig bóru sætta plássið við sær. Tá vóru tað tíggju stig fram til fimta plássið. Nú er málið at vinna seg nærri plássi millum fimm tey bestu. Málið er at vinna fleiri stig. Um tað eydnast, so fáa vit at síggja, hvussu langt tað fer at røkka ARI OLSEN ARI HEVUR IKKI UPPLIVAÐ SOVORÐIÐ Nú ræður um hjá Skála at umseta miðvísu ætlanirnar til betri avrik og úrslit, enn tað higartil er eydnast at vinna við hesum liðnum JÓANNES HANSEN Tað eru nýggjar tíðir á Skála. Tað plagar at vera nógv nýtt frá kappingarbyrjan. Soleiðis er tað ikki í ár. Nú er nógv tað sama, sum tað var í fjør. Fyri einum ári síðani vóru 8-9 nýggir spælarar, og venjarin var nýggjur. Nú er venjarin tann sami, sum hann var í fjør, og liðið er mest sum tað sama. Nýggir spælarar eru Ronni Møller-Iversen, sum í fjør spældi við KÍ, og Janus Svabo Samuelsen, sum spældi við 07 Vestur. Dygst undan kappingarbyrjan varð greitt, at Fróði Benjaminsen nú fer at spæla við Skála. Hann býr á Strondum, og nú spæla hann og børnini í sama felag. – Vit halda, at nýggju spælararnir passa væl inn á liðið. Felagið hevur leingi arbeitt við at finna ein miðverja aftrat. At tað endaði við Fróða Benjaminsen var eitt plettskot. Hann var fyrstu ferð til venjingar mánakvøldið í síðstu viku, og hann er rættiliga væl fyri, sigur Ari Olsen, sum er vongverji í høgru, og hann heldur fram: – Ronni Møller-Iversen og Janus Svabo Samuelsen megna nógv við bóltinum, og teir hava gott eyga fyri spælinum og at leggja góðar sendingar fram ímillum. Hetta eru kvalitetir, sum eru kærkomnir, tí tað er neyðugt at styrkja spælið í fremstu røð, um vit skulu røkka meiri, enn vit higartil hava gjørt, sigur Ari Olsen. ÆTLA AT BETRA HAGTØLINI Besta úrslitið hjá Skála var í 2005, tá ið liðið var við í FM stríðnum og vann bronsu. Nú er tað nýtt ættarlið, sum við støði í avrikunum í fjør hevur sett sær nýggj mál. 20 ára gamli Ari Olsen er ein í nýggja ættarliðnum. Hann kom á besta liðið sum 16 ára gamal í 2014, og har hevur hann verið síðani. Í fjør var hann ein av tveimum, sum vóru við í øllum dystunum. Hin var 36 ára gamli liðformaðurin Pætur Dam Jacobsen. – Pætur er týdningarmikil liðfelagi. Fróði Benjaminsen og hann hava tilsaman spælt túsund dystir, og tað er væl meiri, enn allir hinir hava spælt tilsaman, sigur Ari Olsen. Tvey tey seinastu árini er Skála endað á sætta plássi, og tað halda teir út frá fyritreytunum var góðkent. – Í fjør vóru tað tíggju stig fram til fimta plássið. Málið er at vinna fleiri stig. Um tað eydnast, so fáa vit at síggja, hvussu langt tað fer at røkka. Skal tað eydnast, so mugu vit standa okkum betri ímóti teimum, sum ráða yvir europeisku milliónunum. KAPPINGIN ER STÓR Teir eru tjúgu og viðhvørt fleiri enn so til venjingar, og nógvir hava fingið møguleikan í venjingardystum – eisini evnaríkir dreingir sum mennast skjótt. – Tað er kapping um plássini, og vit vita, hvar vit eru í kappingini. Venjarin er greiður í samskiftinum við einstøku spælararnar og alt liðið. Tað snýr seg um at arbeiða víðari við tí, sum vit vóru í holtur við og so at leggja aftrat. Í fjør skoraðu vit 31 mál, og tað fóru 42 ígjøgnum. Nú er setningurin at skora fleiri mál og at verja betur, sigur Ari Olsen. Blandingin er góð millum ungar, eitt sindur eldri og tilkomnar og royndar spælarar og ímillum teir, sum eru uppvaksnir í felagnum og teir, sum seinastu árini eru lagstir aftrat: – Miðverjin Jákup Jakobsen og Teitur R. Joensen, miðvallararnir Ólavur Mikkelsen og Edvin Jakobsen og framrættaði Jákup Johansen og eg sjálvur hava ikki verið aðrastaðni enn her í barndómsfelagnum. Tað er langt síðani, at Pætur Dam Jacobsen legðist aftrat, og hinir eru so við og við slúsaðir inn. Eitt nú Niels Pauli Danielsen og Heðin Klakstein, sum búgva í Klaksvík, Haraldur R. Højgaard og Karstin Hansen, sum búgva hinumegin fjørðin, Leivur Zachariassen, sum er fluttur úr Fuglafirði, og Søren B. Nielsen, sum vit rokna við fer at skjóta nógv mál, nú hann er fremsti álopsspælarin. Hann og Ronni Møller- Iversen kennast frá Danmark av, og tað er ein fyrimunur. Hvussu roknar tú hetta liðið sammett við tað, sum í 2005 vann silvur? – Vit hava langt eftir at røkka teirra úrslitum. Hvussu vit eru fyri sammett við teir, dugi eg ikki at siga, tí av góðum grundum minnist eg so lítið til tað liðið, sigur Ari Olsen.