týsdagur 5. mars 2019síða 60

36 FÓTBÓLTUR 2019 FÓTBÓLTSBLAÐIÐ HJÁ MIÐLAHÚSINUM ÁRNI G. OLSEN EG VIL VERA VIÐ AT FLYTA EB/STREYM FRAM - Vit ætla at flyta felagið fram aftur har, sum tað einaferð var, og tað vil eg gjarna gera mín part til, sigur Árni Grunnveit Olsen ANDRÉ OLSEN EB/Streymur er eitt av liðunum í Betri- deildini hjá monnum, sum hevur havt flest broytingar gjøgnum veturin. Fyrst og fremst er andlitið á síðulinjuni eitt annað, enn tað var farna kappingarár. Jákup Martin Joensen hevur loyst Heðin Askham av sum høvuðsvenjara, og so hava fleiri ungir ókendir leikarar loyst aðrar royndar leikarar av, ið ávikavist eru farnir til onnur feløg ella eru givnir at spæla fótbólt. FRAM Á LEIÐ Tað eru tó ikki bara nýggir ungir leikarar, ið eru komnir til EB/Streym til hetta kappingarárið. Felagið hevur eisini fingið tilgongd av onkrum leikarum við nógvum royndum. Ein av teimum er víkarmaðurin Árni Grunnveit Olsen, sum í fjør spældi við AB, men sum undan tí annars altíð hevur umboðað barndómsfelagið EB/Streym. Árni Grunnveit Olsen sigur, at orsøkin til at hann nú velur at skifta heimaftur til EB/ Streym er tí, at hann ynskir at flyta felagið fram aftur har, sum tað einaferð var. – Eg valdi at skifta til AB undan farna kappingarár, tí at eg undan tí altíð hevði spælt við EB/Streymi og kendi á mær, at eg hevði tørv á at royna okkurt annað. Vit høvdu eitt tungt kappingarár, men tað fekk ein góðan enda. Nú havi eg so valt at flyta heimaftur til EB/Streym at spæla. – Skal eg velja eina orsøk til at eg komi heimaftur, er tað tí, at eg vil vera partur av tí gongdini, sum EB/Streymur er farið í. Vit ætla at flyta felagið fram aftur har, sum tað einaferð var, og tað vil eg gjarna gera mín part til, sigur Árni Grunnveit Olsen. STØRSTA BROYTINGIN ER VENJARIN Síðani Árni Grunnveit Olsen seinast spældi við EB/Streymi – fyri tveimum kappingarárum síðani - er nógv broytt rundanum felagið. Felagið hevur skift heimavøll frá Streymnesi til Eiðis, venjarin er ein annar, og stór útskifting er framd í hópinum. Árni Grunnveit Olsen merkir ikki so væl nógvu broytingar, og heldur, at størsta broytingin sum er framd er, at nýggju venjararnir hava broytt hugsunar- og arbeiðslagið hjá leikarunum. – Nógv vildu nokk trúð, at nógv er broytt í EB/Streymi nú so nógvir leikarar eru givnir, og vøllurin er fluttur til Eiðis. Men eg haldi ikki at tað er so nógv broytt. Tað eru tey somu andlitini eg síggi og práti við uttanfyri vøllin, og tað eru so gott sum teir somu leikararnir á liðnum sum vóru, tá eg fór, hóast onkrar broytingar eru. Eg haldi at einasta stóra broytingin er, at nýggju venjararnir Jákup Martin og Tummas Erling hava broytt hugsunarhátt og arbeiðslagið hjá leikarunum, sum er øðrvísi enn seinast eg var í felagnum, sigur Árni Grunnveit Olsen. VILJA NÆRKAST MIÐJUNI Seinastu tvey kappingarárini er EB/ Streymur endað á ávikavist einum sjeynda og einum áttanda plássi, og hóast pílarnir eiga at peika niðureftir í Sundalagnum við tí útskiftingini, sum er framd, heldur Árni Grunnveit Olsen, at málsetningurin er at nærkast miðjuni so nógv sum gjørligt. – EB/Streymur endaði í fjør á einum áttanda plássi, og meira enn helvtin av teimum fyrstu 11 eru farnir úr felagnum, so pílarnir eiga at peika beint niður eftir fyri okkum. Men eg trúgvi fult og fast upp á venjararnar og ta tilgongdina, sum felagið hevur valt. Eg verði ikki bilsin, um vit enda á einum 6. ella 7. plássi, og málið hjá okkum er eisini at klára tað, sigur Árni Grunnveit Olsen. LYKLASPÆLARIN Rógvi Egilstoft Nielsen Rógvi Egilstoft Nielsen hevur sum oftast leiklut sum sentralur miðvallari, har hann bæði fyllir nógv í nærdystunum og er við í nógvum av tí skapandi hjá EB/Streymi í álopspartinum. Hevur í ár uppaftur størri ábyrgd enn fyrr, tí at fleiri av teimum royndu leikarunum í EB/Streymi eru farnir úr hópinum. GJØGNUMBROTIÐ Svein Knút Vesturdal Magnussen Eitt óskrivað blað í føroyskum fótbólti, sum er sonur til ein kendan fótbóltsspælara. Pápin Bergur Magnussen var søguliga góður álopsleikari, og í ár spælir sonurin á fyrsta sinni í føroyskum fótbólti. Var fyri nøkrum árum síðani á lista hjá Sosialinum yvir 10 ungar leikarar at halda eyga við og tykist fáa stóran leiklut á liðnum hjá sundalagsmonnum. VENJARIN Jákup Martin Joensen Roynir seg í ár á fyrsta sinni sum venjara í bestu deildini hjá monnum. Hevur fingið góð úrslit við bæði U18 liðnum og næstbesta liðnum hjá B36 og tekur nú stigið upp í bestu deildina. Er uppvaksin í EB/Streymi og kennir tí helst felagið betur enn nakar annar. MÁLIÐ At nærkast miðjuni Hóast útskiftingin í EB/Streymi hevur verið stór, og ein í løtuni ikki kennir veruligu styrkina hjá EB/ Streymi, er málið í Sundalagnum at gera tað betri enn farna kappingarár. Farna kappingarár var skuffandi fyri EB/Streym tá felagið endaði sum nummar átta, og sundalagsmenn ætla sær heilt víst meira hetta kappingarárið. Eg verði ikki bilsin, um vit enda á einum 6. ella 7. plássi