týsdagur 5. mars 2019síða 62

38 FÓTBÓLTUR 2019 FÓTBÓLTSBLAÐIÐ HJÁ MIÐLAHÚSINUM Mál 1 Sverri Petersen 16 Heðin Stenberg Verja 2 Beinir Henriksen 3 Leivur Holm Joensen 4 Hørður Tórsson 13 Jónas Stenberg 18 Jákup Pauli Breckmann 19 Sørin Samuelsen 25 Kristin Dahl Rasmussen Miðja 5 Jógvan Jóannesarson 6 Eli Christiansson 8 Bárður Olsen 10 Bjarni Skála 12 Teitur Olsen 14 Mikkjal Hentze 15 Heri Mohr 17 Bartal S. Petersen 21 Rógvi Poulsen 23 Ragnar Skála 24 Gert Drangastein 26 Tóki Ramussen Álop 7 Jobin Drangastein 9 Tóki á Lofti 11 Hans Jákup Annfinnson 20 Filip í Liða 22 Bjarki C. Nielsen Venjari Sorin Anghel Tilgongd Heri Mohr, Eli Christiansson, Leivur H. Joensen Frágongd Árni G. Olsen ARGJA BÓLTFELAG Teir mundu endað kappingarárið 2018 sum glaðastu menn í landinum. AB var á veg niður í næstbestu deildina, tá ið kappingina var við at enda, men í evstu løtu fall alt rætta vegin, og AB yvirlivdi í dramatiskum stíli. AB vóru helst stórfavorittar til niður­ flyting í fjør, men teir megnaðu við ídnum avrikum og endaleysum treiskni at varðveita plássið í bestu deildini. Ein partur av hjálpini kom úr næstbestu deildini, har B68 ikki megnaði at vera millum trý tey fremstu liðini, og harvið flutti bara eitt lið upp í bestu deildina. Hóast tað var langt millum sigrarnar – og stundum millum málini – í fjør, góvu teir á AB liðnum ongantíð upp. Spælararnir vóru raskir og góvu alt í hvørjum einasta dysti, og stundum komu tapini eftir javnar dystir, sum koppaðu skeiva vegin. Skal AB standa seg betur í ár, má málskjótingin betrast. AB skoraði 16 mál í fjør, og tað var nógv tað lægsta av øllum liðunum í deildini. Liðið, sum skoraði næs­ tminst mál, skoraði 27 mál. Móti enda­ num av kappingini vóru millum annað Jobin Drangastein og Tóki á Lofti neyvir frammanfyri málinum, og ábendingar hava verið í venjingardystum um, at AB verður naskari í álopsspælinum í ár. Fáar útskiftingar eru í hópinum hjá AB. Árni G. Olsen, sum kom úr EB/Streymi at spæla við AB í fjør, er farin heimaftur til EB/Streym at spæla. Avloysarin hjá honum er Leivur Holm Joensen, sum áður hevur spælt við AB, men sum seinastu fýra árini hevur spælt við Giza Hoyvík. Tveir aðrir nýggir spælarar eru at finna á Argjum. Arbeiðssami Heri Mohr er komin úr HB, og 20 ára gamli Eli Christiansson, sum í fjør spældi við Giza Hoyvík, men sum áður hevur spælt í B36, kann fara at vísa seg sum góður styrkur til miðvøllin. Heðin Stenberg, sum seinastu árini hevur verið fastur málmaður hjá AB, er til reiðar til nýtt kappingarár, og tað er verjuálitið Søren Samuelsen eisini. Bakkar verða vanliga Jónas Stenberg, Jákup Pauli Breckmann og Beinir Henriksen, men aðrir kunnu loysa av um neyðugt. Á miðvøllinum er Bárður Olsen lykla­ spælari. Hann fær spælið at ganga og kann gera góðar avleveringar fram eftir vøllinum. Ofta er tað hann, sum setir vandamiklu álopini í gongd. Við síðuna av sær hevur hann vanliga ein arbeiðssaman miðvallara – í fjør ofta Mikkjal Hentze ella Bjarni Skála. Álopssinnaðu spælararnir eru Tóki á Lofti, Bjarki Nielsen, Filip í Liða, Jobin Drangastein, Bartal Petersen, Hans Jákup Annfinnson og aðrir. Afturat teimum standa ungir menn í kø fyri at sleppa fram at. AB vann U21 kapp­ ingina í fjør, og í venjingardystum í ár hava fleiri av teimum ungu spælarunum víst góð evni. Sorin Anghel var í fjør fyri fyrstu ferð høvuðs­venjari í bestu deildini, og hann stóð royndi­na. Nú verður uppgávan hjá honum at flyta AB rætta vegin, vaksa um stigatalið og royna at taka eitt ella tvey pláss á stiga­ talvuni. MEISTARI (0) Ongantíð STEYPAVINNARI (0) Ongantíð GREIPUVINNARI (0) Ongantíð Í BESTU DEILDINI (9 ÁR) 2007, 2009-10, 2013-16, 2018- Í EUROPA (0) Ongantíð ARGJA BÓLTFELAG STOVNAÐ 15. AUGUST 1973 FORKVINNA Doris Rasmussen 7 V I T T I P P A HÓPURIN Eftir undursomu bjargingina í fjør ætla teir á Argjum at standa sterkari á stigatalvuni í ár AB VIL STYRKJA STØÐUNA