týsdagur 12. mars 2019síða 32

Mikudagur 13. mars 2019 · Nr. 30 32 Sosialurin Hugskot og viðmerkingar – send sms til 225000 SUNDA KOMMUNA STÓRU ÍLØGURNAR ALS EINKI ÓÐAMANNAVERK Tá Skúlin við Streymin, ítróttarhøllin og nýggja felagshúsið við Margáir standa liðug, fer Sunda kommuna at skylda umleið 85 prosent av einari álíkning, og tað heldur borgarstjórin vera ógvuliga flott og als einki óðamannaverk Vilmund Jacobsen Byggingin av Skúlanum við Streymin gongur væl, og sjálv­ ur skúlin stendur nú inni­lok­ aður, eins og arbeitt verður inni í skúlabygninginum. Nú verður farið í holt við ítróttarhøllina, sum eisini skal standa innilokað tíðliga í summar. Tíðarætlanin, sum byggi­ harr­in hevur, sigur, at verk­ ætlanin skal standa liðug hin 1. januar í 2020 – ella um minni enn eitt ár. Men, í vetur hava verið nakrir dagar, har veður og vindur hava tarnað ar­ beiðn­um. Nýggja tíðarætlanin, sum partarnir eru samdir um, sigur, at øll verkætlanin stendur lið­ ug í apríl í 2020, og tá skulu bæði skúli, ítróttarhøll og alt økið rundan um verða liðugt. Skúlaársbyrjan 2020 Bæði skúli og ítróttarhøll fara soleiðis at standa liðug til skúla­ársbyrjan í 2020. Sosialurin var ein túr á byggi­plássinum seinasta fríggja­dag, og tá hugt verður niðan yvir økið, sæst, at her eru líka sum sitipláss úr be­ tongi undir opnum himli. Hetta sær kanska eitt sind­ ur løgið út, áðrenn høllin er kom­in upp, men hetta eru alt siti­pláss, sum verða inni í sjálv­ ari ítróttarhøllini, tá hon er inni­lokað. Smogurnar við sitiplássini, sum enn eisini eru uttandura, eru inngongdir til umklæð­ing­ ar-og brúsurúmini, sum eru partur av verkætlanini. Alt hetta verður undir taki, tá høllin er komin upp, men hetta merkir eisini, at ein ávís­ ur partur av innandura­ar­ beiðn­um longu er gjørt. Einki óðamannaverk Nýggi Skúlin við Streymin fer við ítróttarhøll at kosta umleið 100 miljónir krónur. Í Sunda kommunu hava tey sett sær fyri, at kommunan ikki skal skylda meira enn tilsamans 70 miljónir krónur, tá skúli, ítróttarhøll og felags­ húsið við Margáir standa liðug. - Hetta er okkara mál, og vit fara at halda rættiliga fast um, at tað skal verða so, sigur borgarstjórin. Heðin Zachariasen vísir á, at tá hesar stóru byggiverk­ ætl­anir eru lidnar, verður skuld­in hjá kommununi um­ leið 85 prosent av einari álíkn­ ing. - Tað merkir, sigur hann, at skuldin tá fer at verða fleiri miljónir krónur lægri, enn kravið hjá fíggjarmálaráðnum er, og tað haldi eg er ógvuliga flott fyri so stórar og týdn­ing­ ar­miklar íløgur í okkara borg­ arar, leggur hann aftrat. Eisini Margáir Borgarstjórin sigur, at tey í Sunda kommunu hava valt at gera hesar stóru íløgur, soleiðis at skúla-og frítíðar­umstøð­ur­ nar í kommununi verða dag­ førd­ar. - Vit hava eisini valt at upp­ raðfesta Margáir, soleiðis at umstøðurnar her verða nógv betri, enn tær eru í dag, sigur Heð­in Zachariasen. Í aðrari grein í temablaðnum í dag verður meira gjørt burtur úr ítróttarøkinum við Margáir. Nýggi Skúlin við Streymin fer við ítróttarhøll at kosta umleið 100 miljónir krónur Mynd: Álvur Haraldsen Nýggja tíðarætlanin, sum partarnir eru samdir um, sigur, at øll skúla- og hallarverkætlanin stendur liðug í apríl í 2020 Mynd: Álvur Haraldsen