týsdagur 12. mars 2019síða 34

Mikudagur 13. mars 2019 · Nr. 30 34 Sosialurin Hugskot og viðmerkingar – send sms til 225000 SUNDA KOMMUNA Nógv er gjørt við Margáir Í eina tíð hevur nógv virksemi verið við Margáir í Streymnesi Vilmund Jacobsen Arbeitt hevur verið við vegn­ um og parkeringsøkinum oman fyri fótbóltsvøllin, og her er eisini asfaltterað, eins og arbeitt hevur verið við øk­ in­um kring vøllin annars. Við allan vestara enda á fótbóltsvøllinum – upp ímóti høgættini - er eisini bygdur ein stórur bakki við tilfari frá út­ grevstri í sambandi við skúla- og hallarbygging á Oyrar­ bakka. Endamálið við bakkanum, sum er einar átta metrar høg­ ur, er at verja fótbóltsvøllin og økið kring vøllin móti høg­ætt­ arvindi og veðri. Tað er eitt snøgt arbeiði, sum her er gjørt, og allur bakk­ in er klæddur við moldtilfari og er slættaður, soleiðis at hetta, tá summarið fer at stunda til, verður ein stórur grøn­ur - og høgur - blettur í økin­um. vilmund@sosialurin.fo 800 SITIPLÁSS UNDIR TAKI Tað er eisini ein tíð síðan, at Sunda kommuna fór í holt við at útbyggja ítróttarhúsið við Margáir, og her er nú tað stóra stoypiarbeiðið liðugt Vilmund Jacobsen Heðin Zachariasen, borgar­ stjóri í Sunda kommunu, dylur ikki fyri, at nýggi parturin av ítróttarhúsinum við nýggjum áskoðaraplássum, eins og høgi ”verjuskansin” móti høgættini, hava verið eitt av hansara hjart­a­málum. - Mín tanki hevur verið, at um hetta arbeiðið ikki verður gjørt liðugt nú, so verður tað kanska ongantíð. Tí vilja vit gjarna, at útbyggingin verður gjørd nú, tó at tað so eisini merkir, at fótbóltsdystirnir hjá EB/Streymi í hesum kapping­ arárinum ikki verða leiktir við Margáir. Borgarstjórin vísir á, at komm­unan hevur valt at leingja verandi ítróttarhús við vøllin, og tá alt hetta verður liðugt, fer húsið við nýggjum áskoðaraplássum at fevna um einar 80 metrar í longd – ella umleið tveir triðingar av øk­in­ um - fram við niðaru síðu av vøll­inum. - Í nýggja partinum av hús­ in­um, sum verður bygt í fram­ haldi av verandi ítróttarhúsi, verður eitt nú fitnessentur á 250 fermetrar, og her verða eisini nýggjar brúsur og wc knýtt at venjingarhølunum. Alt samanbygt Heðin Zachariasen vísir á, at verandi bygningur og nýggi bygningurin verða saman­ bygd­ir, soleiðis at gangandi verð­ur ímillum. - Í ovaru hæddini, sum verð­ ur umleið 400 fermetrar, verð­ ur uppgongd, stórt felagshøli, og her verður eisini goymslu­ rúm á umleið 80 fermetrar, har eisini málini, sum annars plaga at standa úti, kunnu goymast. Hann sigur, at skifti-og brúsu­fasilitetirnir til leikar­ar­ nar, sum eru í verandi húsi í dag, verða verandi teir somu. Her eru fýra rúm, sum eru á ein­ar 300 fermetrar tilsamans. - Tá alt arbeiðið verður lið­ ugt, verður felagshúsið at síggja sum ein bygningur í sama plani, og her verða nýggj sitipláss til áskoðarar – øll und­ir taki – og allan vegin fram við ovaru síðu, ætlandi 800 sitipláss tilsamans. Borgarstjórin sigur, at ætl­ andi verða trø plantað á stóra vøllinum, eins og í vøllinum kring fótbóltsvøllin annars. Ítróttarøkið við Margáir fær eisini nýggjar ljósmastrar, og her verður farið eftir somu loysn, sum tey hava við fót­ bólts­vøllin í Runavík. - Talan verður um fýra mastr­ar við níggju projekt­ør­ um á hvørjari mastur, sigur hann. Alt liðugt í ár Heðin Zachariasen sigur, at tilboðini upp á arbeiðið at gera ítróttarhúsið liðugt verða latin upp hin 25. mars, og tá greitt er, hvør kemur at gera hetta arbeiðið, verður farið undir at inniloka, klæða, leggja nýtt tak og byggja áskoðaraskýli við sitiplássum. - Alt arbeiðið við Margáir skal verða liðugt í hesum ár­in­ um, sigur borgarstjórin í Sunda kommunu.